الموضوع: لمحترفي التصوير نصيحة فى عدسات لكاميرا نيكون

المشاركة الأصلية كتبت بواسطة waleed_fathy

يا باشا بارك الله فيك
و ماشاء الله علي كمية المعلومات اللي اننا استفدتها منك
ربنا يبارك فيك

العفو يا فندم و في اي وقت

المشاركة الأصلية كتبت بواسطة AkramArafa

الحقيقه انا ماعرفش حاجه عن الاسعار في مصر لاكن حضرتك قدامك 3 اختيارات
اول واحده nikkor 1.4d و ديه ال1.4 القديمه و مافيهاش موتور للفوكس لاكن حتعمل
اوتو فوكس عادي علي كاميرة حضرتك اللي هيا d7000 عشان فيه ماتور في البودي
و بتتباع من 1200$-1300
و تاني واحده nikkor بارضو لكن ديه 1.4g الجيل الجديد من اللينس ديه و فيها موتور فوكاس
و الازاز بتاعها افضل و ديه اعلي واحده من ناحية الجوده
و سعرها مش اقل من $1700
و تالت واحده sigma وديه بالنسبالي اكتر واحده مناسبه و جودتها اقل من الnikkor لكن
فرق مش كبير خالص و كمان فرق السعر مشجع الصراحه ب900$ بس
لكن في النهايه انصح حضرتك بال 50mm 1.8 و مش حتندم خالص ان شاء الله

اسمح لي اتدخل في موضوع الاسعار بما اني سئلت عليهم
العدسه ال ٥٠ مم 1.8 بدون موتور للفوكس و دي تمشي مع الكاميرا ال d7000 تمنها 750 جنيه
نفس العدسه بموتور للفوكس ١٧٥٠ جنيه و ملهاش لزمه لل d7000
العدسه ال 50 مم 1.4 تمنها ٢٩٠٠ جنيه بموتور للفوكس و دي جوده اعلى زي ما قال استاذ احمد عرفه و عزل اكتر عشان فتحة عدسه اعلى و كل ما قل رقم ال f stop كل ما زادت فتحة العدسه و طبعا 1.4 اقل من ال 1.8 بس حرام فرق ال ٢١٠٠ جنيه بالنسبه لل معاه d7000
العدسه ال ٨٥ مم تعدي ال ٣٠٠٠ جنيه من غير موتور للفوكس بس غير مفضله في كاميرات الكروب سينسور عموما عشان لو ركبت هتديلك مره و نص البعد البؤري فهتبقى حوالي ١٢٥ مم ثابته

بالمناسبه ال ٣٠٠٠ جنيه ده لل 85 مم 1.8
انما ال ٨٥ مم 1.4 ممكن توصل ٨٠٠٠ جنيه

المشاركة الأصلية كتبت بواسطة AkramArafa

اللينس اللي مع حضرتك ممتازه لاسخدامك الا لو حبيت تجيب لينس
لاستخدام تاني



ال 1.8 جيده جدا و الفرق بينها و بين ال 50mm 1.4 مش كبير
و مظنش حضرتك حتحتاج حاجه اعلي طالما انتا cropped sensor
و ان شاء الله لو حضرتك حبيت تجيب كاميرا full frame بعدين.
ال50mm 1.8 حتكون جيده برضو ولو حبيت تتطور اكتر تبقي تشتري
85mm 1.4 زي ما انا عملت
و اسف لو كنت رديت علي سؤال متوجه للاستاذ كريم بس انا حبيت
انقل لحضرتك رائيي

يا فندم متشكر لذوقك
افهم من كلام حضرتك اني اجيب ال ٥٠ مم 1.8
سؤال تاني معلش متقل على حضرتك عشان هاجيب العدسه بكره
دلوقت العدسه ال ٥٠ مم مش مكتوب عليها dx و العدسه ال ٣٥ مكتوب عليها dx
انا اللي فاهمه ان ال ٥٠ مم تديني ٧٥ مم بالنسبه بقى لل ٣٥ مم هل هتفضل ٣٥ مم عشان هيا dx ولا هتدي ٥٢ مم و حتة ال dx تعني انها تركب على كاميرات الكروب سينسور فقط

المشاركة الأصلية كتبت بواسطة hany63

يا فندم متشكر لذوقك
افهم من كلام حضرتك اني اجيب ال ٥٠ مم 1.8
سؤال تاني معلش متقل على حضرتك عشان هاجيب العدسه بكره
دلوقت العدسه ال ٥٠ مم مش مكتوب عليها dx و العدسه ال ٣٥ مكتوب عليها dx
انا اللي فاهمه ان ال ٥٠ مم تديني ٧٥ مم بالنسبه بقى لل ٣٥ مم هل هتفضل ٣٥ مم عشان هيا dx ولا هتدي ٥٢ مم و حتة ال dx تعني انها تركب على كاميرات الكروب سينسور فقط

الdx بتكون عشان الcropped بس يعني لو رقم معين و dx يبقي ده حيكون الرقم الفعلي في الكاميرا
و مش حتشتغل علي الfull frame الا علي الcropped mode
وعموما انا مانصحش حضرتك بال 35
اشتري ال50mm وان شاء الله مش حتندم

المشاركة الأصلية كتبت بواسطة tawfic

انا ليا طلب من كريم
الموضوع ده به معلومات كثيره ومهمه ومن الممكن يضاف اليها معلومات اخرى كثيره
ممكن اقتراح بتثبت الموضوع
صدقونى عدد هواه ومحترفى التصوير كبير جدا
ده اقتراح رجاء دراسته لتعم الفائده على الجميع
وشكر خاص لكل من اضاف معلومه فى هذا الموضوع الى الان

ياريت يتعمل قسم فرعي اساسا لهواة التصوير لتبادل الخبرات
و يتعمل رحلات شهريه للتصوير عشان يحصل تشجيع بدل ما الواحد جاب الكاميرا و ملحقاتها و فين وفين لما تيجي مناسبه يصور