محتاجه نصيحتكم لانى تعبت بجد من العربيات كلها

ياجماعه عايزه نصيحتكم لانى بجد تعبت جدا من موضوع العربيات دى ومش لاقيه اى حاجه مناسبه خالص بالفلوس اللى معايا انا محتاجه عربيه ف رينج ال 27 لحد 30 الف ف كنت بفكر ف سكودا فيلشيا او فيات اونو او سيات ابيزا بس الصراحه مش لاقيه اى حاجه
ف انا قدامى فكره انا اشترى سوزوكى التو 2013 وادفع اللى معايا كمقدم واقسط الباقى والاقساط مش هتبقى اوفر اوى يعنى بس ف المقابل انى هرتاح من تعب المستعمل سنتين تلاته
ف عايزه اعرف هل انا كده صح ولا اصبر تانى وادور على مستعمل وارحم نفسى من اقساط كام سنه وايه رايكم ف العربيه من حيث المميزات والعيوب وهل فى عربيه ف نفس رينج السعرعلشان لاقساط مش تبقى كتير عليا؟؟

طب حضرتك ما تفكري فماروتي وهتبقي موديل قريب بالملغ ده
وهتكون متوفرة ان شاء الله ..

اقتباس:

---

المشاركة الأصلية كتبت بواسطة s o p h o s

طب حضرتك ما تفكري فماروتي وهتبقي موديل قريب بالملغ ده
وهتكون متوفرة ان شاء الله ..

---

ماروتى صغيره اوى اوى وشكلها مش مريحنى الصراحه

اقتباس:

---

المشاركة الأصلية كتبت بواسطة asmaazz

ياجماعه عايزه نصيحتكم لانى بجد تعبت جدا من موضوع العربيات دى ومش لاقيه اى حاجه مناسبه خالص بالفلوس اللى معايا انا محتاجه عربيه ف رينج ال 27 لحد 30 الف ف كنت بفكر ف سكودا فيلشيا او فيات اونو او سيات ابيزا بس الصراحه مش لاقيه اى حاجه
ف انا قدامى فكره انا اشترى سوزوكى التو 2013 وادفع اللى معايا كمقدم واقسط الباقى والاقساط مش هتبقى اوفر اوى يعنى بس ف المقابل انى هرتاح من تعب المستعمل سنتين تلاته
ف عايزه اعرف هل انا كده صح ولا اصبر تانى وادور على مستعمل وارحم نفسى من اقساط كام سنه وايه رايكم ف العربيه من حيث المميزات والعيوب وهل فى عربيه ف نفس رينج السعرعلشان لاقساط مش تبقى كتير عليا؟؟

---

سيدتي الفاضلة بالمبلغ اللي متوفر معاكي ده للأسف مش حتلاقي عربيات مستعملة نظيفة في مصر لأنه ببساطة عندنا الشعب المصري لما بيرتاح لعربية يفضل يدعك فيها لغاية ميعدمها العافية وأي عربية في رينج أواخر العشرينات حتلاقي 90% منهم متغير عليها عليها أكتر من 9 أو 10 ملاك والنصيحة تدوري على عربية مثلا قديمة يكون شكلها كلاسك وتشوفيلك حد معرفة يشدهالك من الأول للآخر بألوا ن ورسمات حديثة حتاخدي عربية متعطلش كذا سنة لأنك عملاها كلها صح وكمان حتكوني عملتي عربية تميزك وإنتي ماشية في الشارع وأنا عملت كده مع خالتي وهي موظفة ودلوأتي طايرة بعربيتها بس الموضوع ياخد وقت بتاع 6 شهور أما موضوع تقسيط الزيرو فأنا من تجربتي تقسيط الزيرو أنا خذت عربيتين تقسيط زيرو وقرر قرار إنو عمري ماخد عربية زيرو قسط لأن ثمنها ساعة متبيعها بأقل من نصف ثمنها والأحوال في مصر غدارة مهما طان قسطك قليل في نظرك النهارده جايز يجيلك يوم تتعثري في القسط في السداد وعندك غير كده أي عربية تقسيط لازم عليها قسط تأمين سنوي بفرض من البنك عشات يديكي العربية
وشوفي المناسب وإعمليه

هيونداس إكسيل 1500 سي سي بس هاتزودي 5 آلاف علشان تجيبي حالة نضيفة

من وجهة نظري المتواضعة احسن الاختيارات اللى انتى بتفكري فيها هى الابيزا بس تكون حالة كويسة ، وطبعا الفئة دى لازم العربية تكون صديقة الميكانيكى والكهربائى والعفشجي ، لا محالة ، بس الاختلاف في الدرجات وتكاليف التشغيل

كمان ممكن تزودى في المقارنات سوزوكى سويفت موديل 96 مثلا ، هتكون يابانى وكويسة الى حد ما

وممكن مازدا 323 ودى ميزتها انها هتكون رخيصة عن الباقى يعنى هتوفرى مبلغ للصيانات والظروف غير المتوقعة ، لحد ما ربنا يكرمك وتنقلى على فئة احدث من كدة

وطبعا اولا واخيرا حالة العربية اهم حاجة ويكون حد بيفهم وموثوق فيه معاكى وانتى بتشترى العربية واهم حاجة في العربية اساسياتها يعنى الشاسيه والقوايم والحوض والشنطة ودواخل العربية وبعدين الموتور والفتيس والات الجر
وده لازم حد يكون فاهم اوى يكشف على الحاجات دى
وفي الاخر خالص الكماليات والتابلوه والمظهر الخارجى وخلى بالك ما تنخدعيش في مظهر العربية من برة ، اهم حاجة الاساسيات والباقى كله مقدور عليه .. ( يعنى ممكن تشوفى عربية شكلها تحفة وازاز فاميه و جنوط سبور و بوية جديدة وفرش حلو بس تكون مكنتها مفوتة او فيها حاجة في الاساسيات او فيها برومة من تحت او عاملة حادثة .. او ملحومة ... )


وطبعا لازم تعملى حسابك على ان اي عربية هتجيبيها هتحتاج مصاريف في الاول ولو بسيطة ، يعنى اقل حاجة كاوتش وبطارية مثلا او طقم سيور وكهربا .. كدة يعنى ..

لو تقدرى على القسط هاتى جديد المستعمل ده زفت

شكرا لارائكم كلكم بس معلش انتوا ليه مش رديتو ع سؤالى الاصلى هو اجيب مستعمل ولا اجيب زيرو واقسط واريح دماغى ورايكم ف العربيه اللى اختارتها ؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة asmaazz

شكرا لارائكم كلكم بس معلش انتوا ليه مش رديتو ع سؤالى الاصلى هو اجيب مستعمل ولا اجيب زيرو واقسط واريح دماغى ورايكم ف العربيه اللى اختارتها ؟؟؟؟؟؟؟؟؟؟؟؟؟

---

يا أفندم خدي نصيحتي أنا عندي 7 عربيات نظرا لإرتفاع الدولار ونظرا لأن بنوكنا مش محترمة زي منتي متخيلة خدي عربية مستعملة بس بشرط ( تحطي 7 آلاف جنيه على جنب توضبي فيها العربية زي منتي حابة ) إنما لو حطيتي كل فلوسك في عربية مستعملة ظنا منك إنها حتريحك وخلاص فده مش حيحصل لازم حيحصل فيها حاجات فزي مقلتلك إبعدي عن القسط في الملاكي وخذي مستعمل نظيف وحطي قرشين على جنب لزوم الصيانة
ثم على فكرة مين قللك إن تقسيط الزيرو حيريح دماغك أولا العربية الزيرو هل إنتي إستفسرتي إن البنك حيوافق يديكي قسط ثانيا فيه عندك كل 5 آلاف كيلو لازم تعملي صيانة داخل التوكيل من 800 ولغاية 2500 جنيه حسب نوع العربية ثالثا كل سنة قسط عليها زيادة 10% يعني لو خدتي عربية قسط على 5 سنين ثمنها الأصلي 50 ألف مثلا يعني حتدفعي 75 ألف وبعدين مصاريف إدارية بتاع 1500 أو 2000 كده وصلت 77 ألف ثم الترخيص قولي 1000 كده وصلت 78 ألف ثم كمالياتك وأجهزة إنذاراتك ودواسات قولي ألف كده وصلت 79 ألف وتأمين إجباري ميقلش عن 2000 كده وصلت 81 ألف وغرامات تأخير لو تأخرتي في تسديد القسط الشهري كل شهر 50 جنيه ولو تأخرتي أكتر الفوائد تعد وبعدين أنا معرفش ظروفك بس هل مصدر دخلك ثابت للأبد على الأقل مدة الخمس سنين بتوع القسط وأحيانا بنوك تشترط تاخد توكيل بيع في العربية يعني بالمختصر كأنك مأجرة العربية ولا كأنك دافعة نص تمنها

عامة أنا نصحتك عن تجارب شخصية داخل مصر وخارج مصر ولكن بما إن حضرتك أنثى فأكيد مش حتاخدي نصيحة من حد وبرضو حتعملي اللي في دماغك ووتروحي تجيبي وحده من العربيات الصغيرة الكتكوتة التي لا لون لها لا رائحة زي البيكانتو أو السبارك أو الإسبرانزا
وربنا يوفقك لعمل الصواب يا أختي

اقتباس:

---

المشاركة الأصلية كتبت بواسطة saddam

يا أفندم خدي نصيحتي أنا عندي 7 عربيات نظرا لإرتفاع الدولار ونظرا لأن بنوكنا مش محترمة زي منتي متخيلة خدي عربية مستعملة بس بشرط ( تحطي 7 آلاف جنيه على جنب توضبي فيها العربية زي منتي حابة ) إنما لو حطيتي كل فلوسك في عربية مستعملة ظنا منك إنها حتريحك وخلاص فده مش حيحصل لازم حيحصل فيها حاجات فزي مقلتلك إبعدي عن القسط في الملاكي وخذي مستعمل نظيف وحطي قرشين على جنب لزوم الصيانة
ثم على فكرة مين قللك إن تقسيط الزيرو حيريح دماغك أولا العربية الزيرو هل إنتي إستفسرتي إن البنك حيوافق يديكي قسط ثانيا فيه عندك كل 5 آلاف كيلو لازم تعملي صيانة داخل التوكيل من 800 ولغاية 2500 جنيه حسب نوع العربية ثالثا كل سنة قسط عليها زيادة 10% يعني لو خدتي عربية قسط على 5 سنين ثمنها الأصلي 50 ألف مثلا يعني حتدفعي 75 ألف وبعدين مصاريف إدارية بتاع 1500 أو 2000 كده وصلت 77 ألف ثم الترخيص قولي 1000 كده وصلت 78 ألف ثم كمالياتك وأجهزة إنذاراتك ودواسات قولي ألف كده وصلت 79 ألف وتأمين إجباري ميقلش عن 2000 كده وصلت 81 ألف وغرامات تأخير لو تأخرتي في تسديد القسط الشهري كل شهر 50 جنيه ولو تأخرتي أكتر الفوائد تعد وبعدين أنا معرفش ظروفك بس هل مصدر دخلك ثابت للأبد على الأقل مدة الخمس سنين بتوع القسط وأحيانا بنوك تشترط تاخد توكيل بيع في العربية يعني بالمختصر كأنك مأجرة العربية ولا كأنك دافعة نص تمنها

عامة أنا نصحتك عن تجارب شخصية داخل مصر وخارج مصر ولكن بما إن حضرتك أنثى فأكيد مش حتاخدي نصيحة من حد وبرضو حتعملي اللي في دماغك ووتروحي تجيبي وحده من العربيات الصغيرة الكتكوتة التي لا لون لها لا رائحة زي البيكانتو أو السبارك أو الإسبرانزا
وربنا يوفقك لعمل الصواب يا أختي

---

اولا ميرسى جدا لراى حضرتك بجد طلعتنى من المود اللى انا كنت فيه باخر جمله لحضرتك بانك انثى فاكيد مش هتاخدى بنصيحتى وتجيبى عربيه كتكوته ههههه بس اوعدك انى فعلا هاخد براى حضرتك وهبعد مبدائيا عن التقسيط وهصبر شويه لحد لما الاقى حاجه كويسه مستعمله
بشكرك لتانى مره على رايك اللى بجد احترمه وبشده

الاونو كويسة جدن عربية جميلة ومحترمة وقطع غيارها رخيصة واعطالها بسيطة....بس نصيحة دوري كويس ومتستعجليش في الاختيار .... حظ سعيد

بلاش فيليشا خالص

اقتباس:

---

المشاركة الأصلية كتبت بواسطة asmaazz

اولا ميرسى جدا لراى حضرتك بجد طلعتنى من المود اللى انا كنت فيه باخر جمله لحضرتك بانك انثى فاكيد مش هتاخدى بنصيحتى وتجيبى عربيه كتكوته ههههه بس اوعدك انى فعلا هاخد براى حضرتك وهبعد مبدائيا عن التقسيط وهصبر شويه لحد لما الاقى حاجه كويسه مستعمله
بشكرك لتانى مره على رايك اللى بجد احترمه وبشده

---

طب كويس إن عملنالك حاجة تخرجك من المود وأنا شايف إن حضرتك من إسكندرية وأنا بكرة نازل فكتوريا وحقعد شهر وأنا والله لولا إني مشغول بعربياتي وبشد فيهم كنت جبتلك عربية وبنتهالك من تحت الصفر بس أنا شايف حضرتك زي كل البنات بتفكري في عربيات بعيدة عن زوقي ومبدئيا أحسن حاجة ليكي إستني شهرين لسه الناس معاها فلوس ومحستش بوجعة الأزمة اللي في مصر أصبريلك شهرين كده وحتلاقي الناس والمعروض من العربيات المستعمل حيزيد عشان الناس عايزة تحط إيديها على أي سيولة وكمان ممكن تلاقي كتير عروض مستعمل بالتقسيط وأنا على فكرة آخر عربيتين واخدهم مستعمل قسط وأول عربيتين واخدهم زيرو قسط فأصبري شوية وحتلاقي عربية معقولة أو تشوفيلك حد من قرايبك يبنيلك عربية من الصفر بس بصي غالبا العربيات اللي بتتبني من الصفر بتكون منظر شيك وركوبة راقية بس ساعة البيع بتتأخر في البيع بس تريحك جدا ولو إنتي من نوع بيغير عربية كل 5 أو 6 سنين فإعملي عربية على مزاجك ولو بتحبيي تغيري كل سنة أو سنتين فلا خديلك عربية مستعملة بياعة من السوق وربنا يوفقك دايما

انا كنت فى موقف حضرتك كده من فتره كنت بشترى سيارة للمدام وكان معايا المبلغ اللى معاكى وكنت عايز اجيب حاجة اوروبى مو 2000 علشان طالما هاتجيبى مستعمل هاتى حاجه تكون معمره والطلب ده موجود فى الاوروبى واليابانى لقيت البولو غاليه وكذلك الكورسا والايبيزا مو 94 معديه ال30 الف ده بالنسبه للنضيف منها المهم كان اختيارى بين الاكسارا 1 والفورد فيستا ودول من العربيات الشهيده فى مصر لقيت الاكسارا 1 اغلى جبت فورد فيستا مو 2000 قعدت معانا سنتين عملنا فيهم حوالى 30000 كم وماتعبتناش خالص وكانت مريحه جداً وممتازه وكانت صيانتها مش مشكله وقطع غيارها متوفره فلو عرفتى تجيبى واحده نضيفه منها هاتنبسطى منها جداً والله الموفق

دايخ دوختك لانى مش لاقى مستعمل نضيف

اقتباس:

---

المشاركة الأصلية كتبت بواسطة saddam

طب كويس إن عملنالك حاجة تخرجك من المود وأنا شايف إن حضرتك من إسكندرية وأنا بكرة نازل فكتوريا وحقعد شهر وأنا والله لولا إني مشغول بعربياتي وبشد فيهم كنت جبتلك عربية وبنتهالك من تحت الصفر بس أنا شايف حضرتك زي كل البنات بتفكري في عربيات بعيدة عن زوقي ومبدئيا أحسن حاجة ليكي إستني شهرين لسه الناس معاها فلوس ومحستش بوجعة الأزمة اللي في مصر أصبريلك شهرين كده وحتلاقي الناس والمعروض من العربيات المستعمل حيزيد عشان الناس عايزة تحط إيديها على أي سيولة وكمان ممكن تلاقي كتير عروض مستعمل بالتقسيط وأنا على فكرة آخر عربيتين واخدهم مستعمل قسط وأول عربيتين واخدهم زيرو قسط فأصبري شوية وحتلاقي عربية معقولة أو تشوفيلك حد من قرايبك يبنيلك عربية من الصفر بس بصي غالبا العربيات اللي بتتبني من الصفر بتكون منظر شيك وركوبة راقية بس ساعة البيع بتتأخر في البيع بس تريحك جدا ولو إنتي من نوع بيغير عربية كل 5 أو 6 سنين فإعملي عربية على مزاجك ولو بتحبيي تغيري كل سنة أو سنتين فلا خديلك عربية مستعملة بياعة من السوق وربنا يوفقك دايما

---

ميرسى لزوق حضرتك جداااااا وربنا يسهل والاقى حاجه واجى اقولكم جيبت ايه باذن الله

اقتباس:

---

المشاركة الأصلية كتبت بواسطة mado83

دايخ دوختك لانى مش لاقى مستعمل نضيف

---

ربنا معانا يارب ونلاقى حاجه مناسبه قريب

اقتباس:

---

المشاركة الأصلية كتبت بواسطة kempel

انا كنت فى موقف حضرتك كده من فتره كنت بشترى سيارة للمدام وكان معايا المبلغ اللى معاكى وكنت عايز اجيب حاجة اوروبى مو 2000 علشان طالما هاتجيبى مستعمل هاتى حاجه تكون معمره والطلب ده موجود فى الاوروبى واليابانى لقيت البولو غاليه وكذلك الكورسا والايبيزا مو 94 معديه ال30 الف ده بالنسبه للنضيف منها المهم كان اختيارى بين الاكسارا 1 والفورد فيستا ودول من العربيات الشهيده فى مصر لقيت الاكسارا 1 اغلى جبت فورد فيستا مو 2000 قعدت معانا سنتين عملنا فيهم حوالى 30000 كم وماتعبتناش خالص وكانت مريحه جداً وممتازه وكانت صيانتها مش مشكله وقطع غيارها متوفره فلو عرفتى تجيبى واحده نضيفه منها هاتنبسطى منها جداً والله الموفق

---

هفكر ف الفورد معاه انها مكنتش ف الحسبان كنت حساها واطيه شويه ع الارض بس هفكر فيها وميرسى لنصيحة حضرتك وفعلا راى حضرتك صح جدا كل الاوربى الكويس اعلى من ال 30 الف مع انه داخل دماغى اوى

افضل سيارة فى رينج 27-30 الف هى السيارة الكورية المحترمة هيونداى اكسيل 1300سى سى او 1500 سى سى دون جدال

احسن اختيار من حيث كل شئ وربنا يوفقك

اقتباس:

---

المشاركة الأصلية كتبت بواسطة adamlion

افضل سيارة فى رينج 27-30 الف هى السيارة الكورية المحترمة هيونداى اكسيل 1300سى سى او 1500 سى سى دون جدال

---

افضل اختيار فعلا وربنا معاكى

ربنا معاكى ويوفقك فى الشراء

ميرسى ليكم وربنا يوفقنى يارب والاقى حاجه مناسبه

مشكلتى زى مشكلتك بالضبط
حفضل متابعة موضوعك لحد ما الاقى حل :hitwall3:

اعتقد هيونداى اكسيل برضه تبقى كويسه بشرط الحاله طبعا و لو قدرت تزودى المبلغ يبقى ياريت و تشوفى حاجه زى اللوجان او اللانوس و الميزه انها هتبقى موديلات حديثه شويه و عربيات كبيره و اعتقد فى معارض بتقسط المستعمل

فى احد الاعضاء لسه عارض عربيته هييونداى اكسيل للبيع فى الموضوع ده
http://www.nilemotors.net/Nile/328641-1997-1500-cc.html

اقتباس:

---

المشاركة الأصلية كتبت بواسطة land_cruiser

فى احد الاعضاء لسه عارض عربيته هييونداى اكسيل للبيع فى الموضوع ده
http://www.nilemotors.net/nile/328641-1997-1500-cc.html

---

شكرا لاهتمام حضرتك بس انا من اسكندريه

ربنا يوفقك وتلاقى حاجة مناسبة بس انصحك لو هاتجيبى جديد ابعدى عن اى تقسيط مش اسلامى لانه فى حقيقته ربا
الافضل تشوفى تقسيط اسلامى يعنى البنك يشترى العربية الاول ويتملكها وبعدين يقسطهالك
انا عن نفسى محتارة بردو زيك بس لو رسيت انى هاجيب جديد هاعمل كده وكلمت الاحمدى موتورز لاقيت عندهم تقسيط اسلامى وان شاء الله لو هاجيب هاجيب من هناك
ابقى طمنينا عملتى ايه ربنا ييسر لك الخير

انا بردو من اسكندرية ومحتار نفس حيرتك ومش عارف اعمل ايه
انا شايف ان الفورد فيستا حلوه وفى نفس الرنج
وربنا يوفقك للاختيار الصح

لاااا بلاش اكسيل
نصيحة ابعدي عن الموديلات القديمة
أنا بالنسبالي عربية فئة اقل زيرو او موديل حديث احسن من فئة أعلى بس موديل قديم
رأيي ماروتي كسر زيرو او تدفعيهم مقدم ل ألتو
دا رأيي و هتدعيلي، كل ما العربية بتقدم بتزيد مشاكلها و الحالات النضيفة نادرة جدا