زيت الموتور لونه غامق

**salodas** · 04-01-2013 11:06 PM

شباب ..
مساء الفل .
أنا مغير زيت شيل 10000 فى أخر صيانة عند 10000
انهاردة ببص على الزيت ومقاسه لاحظت ان الزيت لونة غامق أوى . والعربية عاملة 16500 كيلو.
بالنسبة للزوجة بصراحة مش عارف أحدد أذا كانت كويسة ولا لأه (مبفهمش فيها )

رأيكو أعمل أيه ؟
أروح التوكيل وأغير ولا أستنى لغاية 20000 ك

شكرا

**أبومعاذ** · 04-01-2013 11:52 PM

لون الزيت مش مقياس لحالته اللي أعرفه إن اللزوجة و نضافة الزيت هما أهم حاجة

**Land_Cruiser** · 05-01-2013 12:32 PM

اعتقد ان ده عادى و خاصه لو مقياس الزيت زى ما هو او لم يقل كثيرا و كذلك إذا كان استهلاك البنزين و صوت الموتور عاديين و لم يرتفعوا بشكل ملحوظ . من العلامات اللى تعرف بيها إذا كان الزيت محتاج تغيير بالاضافه لموضوع اللزوجه ان صوت الموتور و استهلاك البنزين ارتفعوا عن المعدل الطبيعى و ابقى اكشف كمان على مقياس الزيت و شوف زى ما هو و لو نقص و لو نقص قد ايه برضه

**Mohab555** · 05-01-2013 09:04 PM

مش مهم اللون خالص لان اصلا من وظائف الزيت تنظيف المحرك من الشوائب
المهم اللزوجة طول ما هى كويسه يبقى خلاص تمام ..

**AhmedNaeem** · 07-01-2013 01:15 PM

لو يتحرق كتير بالعربية في الجري
او مشاويرك قصيرة وفي زحمة سير
يبقي المفروض الزيت ميكملش 10000 كم وبيسبب اللون الغامق للزيت
اما لو استخدامك للعربية غير كده يبقي مفيش داعي للقلق
لان اللون الغامق معناها ان الزيت بيعمل بالكفاءة المطلوبة من ناحية تنظيف المحرك

**hossam_elwani** · 07-01-2013 01:29 PM

اختلفت الآراء بين ان الزيت لو كويس لازم يسود والرأى الاخر الى بيقول العكس فين الحقيقه فى الاقوال دى مش عارف ؟؟؟

عندكم مثلا زيت زى موبيل بيسود بسرعه ولكن على النقيض الشل بيسود بصعوبه واحينا بينزل بلونه زى ما هو او اغمق درجه والاتنين شركات عالميه ولها باع فى صناع الزيوت مش بنت امبارح!!!!!!!