طب إنتوا قولولي أنا أعمل إيه، و اللي هتقولوه هيمشي

**egman** · 05-01-2013 06:16 AM

عمودين حديد كبار وسلسلة ويافطة ويكون فيها تحذير وده من حققك لانه فى بيتك ، لكن احلا حاجة دلوقتى انك تدخل تنام وتكبر دماغك ولا تحرق دمك .

**windofchange** · 05-01-2013 06:52 AM

بس ماتحطش طوب بالله عليك لانه في ضرر للعربيات الماشية امام الجراج لان كام واحد مننا خبط طوبة طبقتله عتب ولا رفرف......وموضوع السلسلة مش صح لانك بتتعدي علي الشارع لكنك مضطر تعمل كده لانك اتضريت دلوقتي والعربية مش هتعرف تطلع

**CaptaiN-AhmeD** · 05-01-2013 07:02 AM

فضيله الاربعه بدون مبالغه يااما هات ناس وارفعو العربيه وحطوهاله ف اخر الشارع بحيث يدوخ شويتين ويتعلم الادب
وبعد كده سلسله وعمودين واشتري راسك

**tutankhamoun** · 05-01-2013 08:29 AM

أولا ما تعالجش الغلط بأنك تتعدى على الشارع ... فبلاش موضوع العمودين و السلاسل .
عايزين نتغير للأحسن .... بلاش التعدي على الشارع ..... أمال الثورة قامت ليه ؟

الأفضل أنك تفضي الأربع عجلات ................. بكدا أنت معملتش آذى للعربية و لكن علمته اﻷدب .

الناس لازم يكون عندها أحساس و فهم ...... أنا مشفتش حد بيركن مخه في البيت قبل ما يطلع يسوق زينا أحنا المصريين .
بيحط مكانه قالب طوب .........

**tutankhamoun** · 05-01-2013 08:30 AM

على فكرة .... نصيحة آخرى

ما تتكلمش مع الأشكال دي .... الكلام معاهم بيجيب نتائج عكسية و ممكن تقلب بخناقة .

**dodyam** · 05-01-2013 10:07 AM

عمودين وسلسلة

**mohamedrabia** · 05-01-2013 10:37 AM

المشاركة الأصلية كتبت بواسطة exact

فضي له الأربع عجلات واركن في اي مكان قريب... واكتب عالجدار او الباب سيتم تفريغ الاطارات

لا تقابل تصرفات الغير بالاساءة لنفسك

**mohamedrabia** · 05-01-2013 10:40 AM

لو معندكش غفير للبيت اكيد هيكون فيه غفير في الشارع ولو مش موجود وصي صاحب محل سوبر ماركت او اي محل بالتنبيه علي اي حد يركن وطبعا مش اي محل لازم يكون صديق ليك او غفير ياخد فلوس علي سبيل انه يقول بس بلاش هنا ده جراج خاص وممنوع الانتظار مع اني شايف افضل وسيله فعلا العمودين الحديد والسلسه لانها عمليه وكمان باينه وناس كتير عملتها قدام بيوتها اقل حق من حقوقي اني اركن قدام بيتي مش عربيه تانيه تركن عندي وانا ادور علي مكان