طب إنتوا قولولي أنا أعمل إيه، و اللي هتقولوه هيمشي

**ahmedsrs** · 05-01-2013 03:06 PM

مفيش حل الا بواب او غفير تتفق معاه ياخد باله من الموضوع ده

**Ahmed Amin** · 06-01-2013 06:45 AM

انا مش مع الناس اللي بتقول تفسي له الكاوتش لأن دا ضرر وحرام لو واحد مشافش الجراج بمعني انو مأخدش باله او اخد باله وكان ناوي يزور حد ويرجع علي طول واتاخر وجيه عشان يمشي لاقي الاطارت متفسيه انت كدا أذيته وهتاخد ذنب عليه وهوا مش هيعرف يمشي..

ومع أني غير مؤيد بالمرة لموضوع الحديدتين والسلسة لأن الشارع ملكية عامة ومش من حقك تحجز مكان فيه لك بالطريقة اللي بقت شايعة وبشعة دي.
إلا انك ليك عذر وبما أنك عندك جراج وكاتب عليه ومش هتاخد مكان من الشارع فيردة كدا زي ما نس بتعمل ولسه بتحصل تجاوزات او سهو ومش بتعرف تطلع فأعتقد أن دا أنسب حل مؤقتاً لحد ما تلاقي حد أحسن
حديدتين المسافة بينهم مترين ومن غير سلسلة عشان يبان ان في جراج

أو ممكن زرعة تتحط في وسط طلعة الجراج واللي هيشوفها في الغالب مش هيشيلها وهياخد باله ان فيه هنا جراج أكتر من الكتابة عال الجراج نفسه

أبدأ بالزرعة قبل ما تكسر ف الاسفلت

**Ahmed Amin** · 06-01-2013 07:06 AM

المشاركة الأصلية كتبت بواسطة tutankhamoun

الناس اللي بتقول أن تفسية الكاوتش آذى .

هو أقل الأذى لصاحب العربية (اللي بيستعبط - أو مأخدتش باله )

لو بيستعبط ........... يبقى أتعطل و علشان يتعلم الأدب بعد كدا .

لو ما أخدتش باله ........... يبقى يتعلم يبص كويس قبل ما يركن علشان ما يقفلش على باب جراج تاني .

اللي مودينا ورا .............. أن مفيش عقاب .

أن مش شايف فيها حرام ... لأني مش بأذيه .... (أنا لا كسرت فانوس - أو كسرت زجاج ..... الخ )

كل اللي هايعمله صاحب العربية أنه محتاج ينفخ الكاوتش تاني .

و لكن لازم قرص الودان علشان يبقى يأخد باله بعد كدا لما ييجي يركن .

و أنا أرجح أن أكتر اللي بيعملوه كدا بيبقى بيستعبطوه ... و عاملين من بنها .

من آمن العقاب .......... آساء الأدب .

لو حد فسة لك كاوتش عربيتك هتبقي مبسوط.؟
لو كنت في مرة مروح وبتدور علي ركنة عشان معندكش جراج, او رايح مشوار بعد سفر وبتدور علي ركنة ومزنوق عايز تعمل مية علي أخرك وركنت قدام جراج عشان تنزل تلحق نفسك وانت ناوي تنزلل تنقل العربية بعد ما تعمل مشوراك السريع ورجعت لقيتك كاوتش عربيتك كلة عال أرض متفسي هتبقي مبسوط ؟؟
وهتدور علي حد ينفخ الفرد منين لو فسالك الأربعة..

مفيش حاجة أسمها أقل أذي وأكتر أذي, الأذي أذي انت متقبلش دا علي عربيتك عشان توصل لكسر فانوس ولا زجاج, فبلاش التشجيع عليه..
خصوصاً اني في جراجات بيكون شكلها مهجور او مداري بين شجرتين واحنا مشوفناش حالة الجراج.

ولكن أحنا بنقول ازاي يتفادي ان الجراج يبقا معملوة بلوك عشان يعرف يخرج بعربيته خصوصا أن الدنيا بقت زحمة والركنة بقت صعبة وانت متعرفش اللي راكن دا ظروفة أيه

انا وانت بنشوف, في ناس كتير علي قدها ممكن متاخدش بالها فعلاً. او ممكن يبقي عندها ظروف وتركن لدقايق عشان مشوار صغير او حبة مية زانقينهم كمثال

**Ahmed Amin** · 06-01-2013 07:29 AM

والله انا قلت له علي حل مناسب جداً ومرضي,
بتاع الزرعة الصغيرة قدام الجراج ناس كتير بتعملها ومفهاش احراج وواضحة والي اتقل منها شوية الحديدتين مع اني مش بحبها بس عشان تقضي عال مشكلة وعشان مش هيحجز مكان من الشارع مش من حقة, دي طلعة جراج...
وصاحب الموضوع حر في أختيار أي حل من الحلول اللي قدموها الأعضاء.

لكن انت مقولتش علي حل..
وأنا مش بدافع عن خطأ, ولكن مش بحل خطأ بخطأ زي مانت بتقترح.!!!!

وبما أنك مصر علي أذية الناس, "سواء ركنو قاصدين او مش قاصدين"
فبقولك ربنا يستر طريقك..!

**Ahmed Selim** · 06-01-2013 08:18 AM

ملهاش حل غير الحديتين............و ده فى نظري مش تعدي على الشارع لأن ده مدخل جراج........يعني المفروض مفيش حد يركن فيه.....و المفروض العمارة متصممة كده بموافقة الحي.

ألا لو التصميم كان على أساس أنه محل و أنت عامله جراج.

و منصحش بموضوع أنك تفضي الهواء من الكاوتش علشان ممكن مرة يكون واحد قليل الأدب و يعمل مشكلة معاك مع أنه غلطان.