طب إنتوا قولولي أنا أعمل إيه، و اللي هتقولوه هيمشي
السلام عليكم،
المسألة بإختصار إني عندي جراج خاص تحت البيت وكل شوية كنت بلاقي حد راكن و قافل عليا و لا بعرف أخرج و لا أدخل، قولت أحط علامة واضحة على الباب عشان الناس تاخد بالها، و لا جابت أي تلاتين نتيجة و المصيبة إن العربيات بتبقى في الغالب لناس مش من المنطقة فبيطلع عيني عبال ما بلاقي صاحب العربية، الجميل بقى إني رجعت النهاردة لقيت واحد راكن و قافل على الجراج لا و الحلاوة إيه أنه كمان بايت لأنه حتى الأن - الساعة 1:30 صباحا - مجاش، و طبعا كدة الأمورة بايتة في الشارع،
أنا عايز رأيكوا أعمل معاه إيه و أعمل إيه عموما عشان أحل الأزمة دي و اللي هتقولوا عليه ماشي :).