زجاج النوبيرا :(

**CaptaiN-AhmeD** · 05-01-2013 07:16 AM

السلام عليكم ورحمة الله

ياجماعه الحمد لله حمداً كثيرا انا امبارح نجيت من الموت بأعجووبة وانا بتشاهد ع روحي خلاص بس حكمة ربناااا ورحمته وسعت كل شئ والله العظيم وقدر الله ماشاء فعل

الزجاج الخلفي شمال (الي ورا السواق علطول ) خد طلقة واتفشفش طبعاً

والقايم الي ورا الشباك نفسه علطول خدت حوالي عشرين بلي من طلق حي
والحمد لله محصلش حاجه للقايم ولا دخل فيه رصاص غير ان البلي اتنر عليه وحرق البوية

ممكن اعرف سعر الزجاج الخلفي الموازي للكرسي الشمال في الكنبة الي وراا السواق علطول مش الخلفي الكبير وحد عنده فكره اعمل ايه ف القايم دا معجون ولا بويه ولا ايه النظام وشكرا لسعة صدركم

**AlGazar2** · 05-01-2013 07:53 AM

الحمد لله ان ربنا نجاك

بس هو ضرب الخرطوش فى الشارع على العربيات بقى عادى كده

الزجاج هاتلاقيه فى دكتور جريتش او امان بس معرفش تمنة كام ممكن من 100:150 و القايم لو البلى مش معلم فيه و الى فيه اثار حرق بس ممكن البنزين يطلعها او تنر

**CaptaiN-AhmeD** · 05-01-2013 08:27 AM

شكرا للرد ياباشا دكتورجريش دا ال حضرتك تقصده ف العاشر صح؟؟
للاسف البلي بتاع الخرطوش معلمه والله ياريته فرح ولا غيره دي كاااانت حرررب بعيد عنك في المطريه "المسلة" بين عيله اسمها ابو عيده والعياشين والعبد لله كنت مستني واحد صحبي بيجيب سجاير م كشك ف العربيه وحصل ال حصل ف لحظه منغير حتى محد يبدء يتعارك مع حد او يتشاكل معاه (تغفيل يعني)
بآوالي وشوت جنات وقللللة ادب وسفاله واتصاب فيها ناس كتيير والحمدلله ع كل شئ

**AlGazar2** · 05-01-2013 09:08 AM

الحمد لله على كل شئ
و الى حصل ده اقل حاجة فيه قله ادب من الناس و شرطة ملهاش اى 30 لازمة

اه يا باشا دكتور جريش ده الى فى اكتوبر و فى محل ليه شوفته فى شارع دمشق
و حل البليه ده يا تسيبه كده اما توديها لسمكرى كويس يردها شفط و فى مركز عامل اعلان ليه هنا اسمه زيرو لو دهان عربيتك بتاع الفابريكة روحلة و شوف ايه النظام هناك