الموضوع: البخيل و بنزين 80

اللانوس بتمشي عادي ب 80 مش بتقول لآ
ولو ظبط فيشة الأوكتين هتمشي زي الحلاوه

ومع ذلك انا معايا لانوس 99 ومش بحطلها غير 92 ومره واحده حطيت 80 ايام الأزمه وبقي ضميري مأنبني بغباء

طبعا غلط و غلط كبير ...كل موتور ليه نسبة انضغاط بيحتاج بناءا عليها درجة البنزين او نسبة الاوكتان ...ف طبعا العربية ازلة بفيشة اوكتان 91 تقريبا ...و هو بيحط 80 هتلاقى العربية بتسقف احلى تسقيف ....كل دا قصف عمر للموتور ...لو هو معهوش فلوس ممكن مؤقتا يغير فيشة الاوكتان بواحدة 80 بس برضوا عمر الموتور هيقل ...بس ازاااى يعمل كدا ف عربية زيرو

ما هو ده اللى عايز افهملو

انا ان شاء الله هجيب لانوس زيرو اول شهر 4 ومش هحطلها غير 80
وعلى فكره واحد صاحبى معاه دايو لانوس 2007 ومن ساعه مجبها ومبيحطش غير 80 والعربيه ماشيه معاه ما شاء الله حلاوه
وانا عربيتى الحاليه سوزوكى 2008 وبحطلها 80 من وهى زيرو
موضوع قصف عمر الماتور ده هجس بس احنا نلاقيه ده لو كان مخدرات هنلاقيها بمنتهى السهوله

المشاركة الأصلية كتبت بواسطة fghahkj

انا ان شاء الله هجيب لانوس زيرو اول شهر 4 ومش هحطلها غير 80
وعلى فكره واحد صاحبى معاه دايو لانوس 2007 ومن ساعه مجبها ومبيحطش غير 80 والعربيه ماشيه معاه ما شاء الله حلاوه
وانا عربيتى الحاليه سوزوكى 2008 وبحطلها 80 من وهى زيرو
موضوع قصف عمر الماتور ده هجس بس احنا نلاقيه ده لو كان مخدرات هنلاقيها بمنتهى السهوله

هو مش هجس ولا حاجه
انا صاحبي معاه لانوس 99 وجايبها من ستنين وكانت 100 100 ومش بيحطلها غير 80 وجري وشد وكل اللي اقدر اقولهولك انه غير مكنه الأسبوع اللي فات او اللي قبله تقريبا

هجس ازاي يعني ياجدعان والله حراام العربيه زيرو بيحطلها 80 !!!

انا لو منك اضربه بالنار

لا يا كابتن مش حقك تضربه بالنار الظروف المادية فوق اي شئ

بالنسبة لموضوع ال 80 في حساب بسيط جدا خليكوا معايا
لو واحد استهلاكه معقول ومتوازان يعني هيفول تقريبا 40 لتر ف الاسبوع
السنة فيها 52 اسبوع × 40 لتر = 2080 لتر سنويات
البنزين 80 نقول سعره 1ج يعني الاستهلاك 2000 جنية سنوي
طيب 92 سعره 1.75 يعني 3500 جنية يعني ف فرق ف السنة 1500 جنية

الضرر الواقع على الموتور بنسبة كام ..... هسيب ليكم تختاروا اي نسبة ضرر
بس المهم ان موتور اللانوس بلوك تمنه من 1500 إلى 2000 يعني لو عربيتك مشيبت بالبنزين 80 دا ثلاث سنين واتحرق الموتور هتكون انت اشتريت متور جديد ووفرت ثمن موتور تاني

تحيا 80 حتى مع الزيرو (هي اخرها شوية تصقيف وقلة التسارع بضع ثواني مش اكتر هو دا الفرق وبس)