الجيب رانجلر

**walid auto** · 05-01-2013 01:50 PM

عندي استفسار من ملاك الرانجلر اصلي طقت في دماغي ابيع الداستر واجيب الرانجلر انا سمعت ان الاوكتان بتاع البنزين 78 هل دة صحيح ولالا وهل ينطبق علي الموتور الجديد اصلي الصراحة بهبد العربية في المطبات ومفيش غير دي الي تستحمل بس يعيبها قطع الغيار واسعارها انا واحد زميلي حب يغير اكصدامه بواحد حديد لقاة ب6500 جنيه في التوكيل دة اكصدام لسة منعرفش اسعار المساعدين واجزاء الموتور بس مش مشكلة بالنسبة لي عشان انا مشاويري قليلة يعني العربية مش هستهلكها مع اني معايا بولو نيز برده وكنت مهمل فيها اوي ولسة معايا للمشاوير الي فيها تحميل وحاجات تقيله بس هي حمالة قسية بشكل غبي وياريت الي يعرف اجابة شؤالي يرد
وشكرا مقدما

**K_E** · 05-01-2013 05:47 PM

رانجلر من العربيات الي نفسي اشتريها وخصوصاً ان سعرها مستعمل مغري جداً بالنسبه لسعرها جديد ارخص يجي 100 الف هههههه
ورخصت اكتر من بعد الكلام عن رفع الدعم عن البنزين وللعربيات الي اكتر من 1600 سي سي
بس رأيي تستنا لحد شهر ابريل لما نشوف البنزين هيكون ايه نظامه
وطبيعي ان كل قطع غيارها غاليه

**walid auto** · 06-01-2013 03:31 PM

سعر المستعمل الي انتا تقصدة موديلات 2010 ودي سيئة جدا انا داخلة في دماغي الرانجلر لنها معمرة ومصصمة للاستعمال الشاق والناس بتخاف من العربيات الكبيرة مش هيتجرأ يجي ناحيتك عشان انتا لو لمسته هو هيبهدل دا طبعا في حالة العربيات الضخمة
ويا ريت حد يفيدنا ولا مفيش حد معاه رانجلر ولا ايه :) :d

**walid auto** · 08-01-2013 11:10 AM

هو المنتدي نايم ولا ايه مفيش حد افادنا بحاجة لغاية دلوقتي

**Hussein_Ramdan** · 08-01-2013 12:14 PM

بص يابااشا انا معايا رنجلر 2011
هو فعلا 2010 سيئة شوية من ناحية الشكل الخارجى المستعل بتاعها ما بين 165 الى 180
اما 2011 مابين 2000 الى 2020
بنسة للعربية هى جامدة جداااااااا
الى ابعد العربية الحدود
وقطع غيرها مش غالية ولاة حاجة زايها زاى عربية كورى
بص على الموضوع دة بتاعى http://www.nilemotors.net/Nile/292207-a.html

**walid auto** · 08-01-2013 01:17 PM

تقريرك جميل وعربيتك اجمل بس اوكتان البنزين 78 دة صح ولالا وهل هوهو علي الموتور الجديد بتاع 2012 ولا علي الوكتان هو دة الي انا عايز اعرفة وبعدين انا بدأت دماغي تميل ناحية البريناليس v5 عشان شكلها وكماليتها ولا انتو رايكو اية والبرينااليس انا مجربة في الجالينا احسن من الكوري ومواتيرها كلها ميتسوبيشي

**kimokaim** · 08-01-2013 01:35 PM

مع احترامي ليك مافيش صيني احسن من الكوري اطﻻقا

والصيني انت ونصيبك

الرانجلر فعﻻ مكتوب في الكاتلوج اوكتان 78 بس ماعرفش هل في نظام منع اﻻنبعاث في السيارة وﻻ ؟؟؟

لو في يبقى مستحيل انك تحافظ على الموتور اﻻ ببنزين 95

**Hussein_Ramdan** · 08-01-2013 02:39 PM

لا انا بحط 92
بس حتى لو مكتوب 80 انا مش هحطو
بصو يارجالة العربية دى اقل ما يقال عليها انها عربية الشارع المصرى بكل كفاءة
لو انت ساكن فى حى راقى هات بى ام او مرسيدس احسن
لو فى شوارع مكسرة وحى شعبى هات الرنجلر بدون منافس

**kimokaim** · 08-01-2013 04:35 PM

أكيد بنزين 80 بتاعنا مايتحطش في عربية زي ديه

بس يااستاذ حسين اغلب الناس الى في المناطق الشعبية وشوارعها المكسرة صعب جدا جدا ان هو يجيب رانجلر

ياراجل الناس ربنا يكون في عونها بالعافية بتركب توكتوك حتركب رانجلر 2012 !!

مايجيب شقة بثمن الرانجلر ويسكن في منطقة شوارعها كويسة ويجيب ماروتو ارحم بقى

بس الرانجلر حلاوتها في السفاري وجرب تطلع بيها سيناء ولا الصعيد ولا حتى مطروح

**walid auto** · 09-01-2013 10:09 AM

انا مقصدش ان بنزين 80 عشان هحطة فيها لا انا مستغرب ان في عربيات لسة اوكتانها قليل
انا ساكن في حتة متفرعة من جسر السويس اسمها الخمسين او النزهة الجديدة 2 ورا شركة بافاريا الي في جسر السويس هي حتة نضيفة بس الشوارع مش مسفلتة وكل ماتحط رجلك في حتة تلاقي توك توك
انا معايا داستر بخاف ابقا ماشي في حتة الاقي مطب طلع من تحت الارض البسة انا والعفشة تبوظ
اما الرانجلر انا بسميها هي واللاندكروزر والهاي لوكس 4*4 قاهرة المطبات
وانا معاك في رأيك ان الصيني مش احسن من الكوري بس اول مالكوري نزل شوفوا كان بيتقال عليه ايه
وانا شايف ان شركة بريناليس مش واخدة حقها عربيتها كلها خرافة ومصنعها بتاع بي ام الصيني بس دة مش من اسباب حبي ليها