تقرير مصور عن تغيير زيت الفتيس والفلتر لنيسان صني 2007 خارج التوكيل
السلام عليكم ورحمة الله
حبيت انقلكم تجربتي في تغيير زيت الفتيس للعربية نيسان صني 2007
أولا : المشكلة:
العربية كانت مكتومة وبدأت احس بالنقلات وده غير معتاد في النيسان
وكانت في الكيكات صوت الموتور يعلى والعربية مبتسحبش كويس.
سألت الميكانيكي قاللي غيرت زيت الفتيس امتى ؟ قولتلو معاد غياره عدى ( العربية مستعملة وصاحبها كان موصيني اغير زيت الفتيس)
المهم الراجل قاللي نكشف على الفلتر وممكن نغيره بالمرة...
ثانيا: الزيوت المرشحة:
كنت عايز احط ليكولي مولي بسبب ترشيحات الاعضاااء
روحت لاقرب موزع ليا في فصل ولقيت معندوش غير 3 لتر فقط وقاللي ان في مشكلة في الاستيراد والله اعلم....
جبت نمر الموزعين وفي الاخر لم اوفق في الحصول عليه...
حطيت زيت موبيل 320 .. سعر اللتر 50 جنيه وهيا أخدت تقريبا 4 لتر وشوية....
ثالثا : مرحلة التغيير:
http://nileup.com/up/uploads/nilemotors_13573812361.jpg
دي صورة الفتيس من تحت فكينا الطبة علشان نفضي الزيت
ودي الكارتيرة اللي تحتيها الفلتر هتتفك برده
http://nileup.com/up/uploads/nilemotors_13573812362.jpg
ده الفتيس بعد مفكينا الكارتيرة
والجزء الاسود ده فلتر الزيت بتاع الفتيس....ودي صورته بعد ما اتفك
http://nileup.com/up/uploads/nilemotors_13573812363.jpg
لما فكينا الفلتر لقيناه كويس مش محتاج يتغير والزيت كمان كان نازل نضيف نضفنا الفلتر بالبنزين وكمبريسور الهوا وركبناه تاني ( تمنه 320 جنيه عند السرساوي بالدقي)
الموضوع اخد تقريبا ساعه ونص ... الفك والتركيب نص ساعه والباقس علشان السليكون ينشف قيل منحط الزيت.....
رابعا:النتيجة:
العربية ما شاء الله رجعت زي ماكانت:
1- هدوء في صوت الموتور
2- نعومة في النقلات
3- سحب ممتاز وتسارع احسن في الكيكات
4- اجمالي التكلفة: 250 جنيه زيت -30 جنيه مصنعية
أخيرا: حبيت انقلكم تجربتي لو اقدر افيد حد بيها....
تحياتي لصقور نيسان...
د/ احمد ابوالليل