اولا0000الف مبروك ياباشمهندس محمد وربنا يديكو خيرها ويبعد عنكم شرها
ثانيا000 بالنسبة للكاوتش مش هضيف اكتر من اللي قالوه الاخوة الافاضل 00بس عندي طلب بعد اذنك ياباشمهندس
ممكن حضرتك تعمل مقارنة سريعة مابين الصني والتيدا اللي مع حضرتك؟
وشكرا مقدما
عرض للطباعة
اولا0000الف مبروك ياباشمهندس محمد وربنا يديكو خيرها ويبعد عنكم شرها
ثانيا000 بالنسبة للكاوتش مش هضيف اكتر من اللي قالوه الاخوة الافاضل 00بس عندي طلب بعد اذنك ياباشمهندس
ممكن حضرتك تعمل مقارنة سريعة مابين الصني والتيدا اللي مع حضرتك؟
وشكرا مقدما
الف مليون مبروك للوالد .. وربنا يعطيه خيرها ويكفيه شر الطريق
عاوزين نشوفك بقا يوم الجمعة الجاية فى مقابلة نيسان .. وتيجى من السويس وتجيب معاك استاذ محمد بدر بردوا من السويس .. واهل السويس ينورونا
لان حقيقى نفسى اتشرف فيك والتقى بيك عن قرب
بخصوص الفانوس الخلفى بيكون سعره اقل من الامامى بحاجة بسيطة .. لو حتيجيبه ديبو فى حدود 180 جنيه
اما لو جبته استيراد حيكون فى حدود من 300 الى 400 حسب حالته
والكاوتش البريدج ستون طبعا كويس .. والميشلان افضل
تحياتى
الف مبروك
ربنا يبارك ..
يا باشا استيكر المنتدى بيديك خصم فى التوكيل على المصنعية وقطع لبغيار بس مسش فاكر كام وفى بريدجيستون 5% ودا هيوفر معاك كتير اوى
'تحياتى ليك يا هندسة
أولا" وقبل كل شئ
كل عام ووالدك بخير وعقبال مائة عام يارب - وياريت يعمل زى والدى يسيبه من الجلوس و الموضوع ده الناس بتوع المعاشات وينشط لأن النشاط بعد الستين ليه طعم تانى علشان كده ياريت يفكر فى أى عمل يليق به ومش لازم يكون فى مجال تخصصه لما اشوفك ان شاء الله نتكلم فى الموضوع ده وانقل لك خبرات والدى - وبعدين لازم تعرف ان الحياة بتبتدى من بعد الستين .
ثانيا"
ألف مبروك على العربية ربنا يبارك فيها بس كنت قلت لى كنت دورت معاك ومتخفش نسبتى قليلة هههههههه
موضوع الكاوتش انا اعرف ان البرديجيستون اليابانى صوته عالى بس قوى ومعمر المهم اختار النوع واعرف المقاس كويس والأسعار ونشوف بعد كده إيهاب ا(اسفل برج الجاسر) الواجب معايا هيكون يشرف ولا لأ المفروض ان فى عشم بنا
ان شاء الله احاول أشوفك فى اقرب فرصة
أستاذ / احمد
والله وجودنا معاكم شرف لينا احنا وطبعا دعوتك هذه على العين والراس - المشلكة ان المقابلة فى 6أكتوبر انا بتوه وبلوش فيها احنا دخلنا مدينة الرحاب ومعرفناش نطلع منها تقول لى 6 أكتوبر ههههههههه
ربنا يكرم والظروف تسمح مش ممكن نتأخر ابدا
على فكرة مهندس /محمد سعد انا قلت لك انه من اصدقائى العزاز جدا بل احتسبه أخا كريما لى فعلا بمعنى الكلمةولو سمحت الفرصة يوم الجمعة ان شاء الله هتعرف إد إيه الراجل ده محترم وخلوق بدرجة عالية جدا والله يعجز اللسان ان يصفه فى كلمات والله لا ازايد عليه ولا أجامله ولاكنه من المكاسب الكبيرة جدا لى بفضل هذا المنتدى وان شاء الله فى مقابلتك له قول بكل امانة لو كلامى يحمل إدنى شئ من المبالغة علشان كده انا يا جماعة حبيت المنتدى برمته بكل اقسامه . المنتدى فى أعضاء كثيرين بسم الله ما شاء الله . ربنا يبعد عنا العين
الله يبارك فيك يا دكتور ايهاب ليك وحشه كبيره يا باشا
ان شاء الله بالنسبه للمقارنه هعملها بس امشى شويه بالصنى علشان اقدر اقارن بموضوعيه و بعد ما اكون عملت صيانتها فى التوكيل علشان افوقها شويه بالفلاتر و الزيوت بس هى مبدئيا عجبتنى بصراحه فى مشيها بس التيدا موتورها اقوى ده مبدئيا بس حتى اشعار اخر
الله يبارك فى حضرتك
انا ما كنتش اعرف ان فى مقابله للقسم بس ان شاء الله جى انا كان نفسى برضه اقابل حضرتك و اعضاء القسم المحترمين جدا بصراحه ربنا يعلم انى اكن الاحنرام و الموده للاعضاء هنا و من كتر حبى للقسم بقيت نيساناوى انا و والدى و هقلب اخويا كمان شويه بس هبيعه الياريس بتاعته الاول هههههه
و يشرفنى اجى مع استاذ محمد بدر حبيببى و اخويا الكبير لان بقالى فتره ما قابلتهوش فرصه عظيمه يعنى بس حسب ظروفه لو تسمح
و بالنسبه للفانوس سعره حلو جدا بصراحه انا كنت متوقع انه هيبقى اغلى من كده شكرا على الاسعار يا باشا
م/ محمد حبيبى و اخويا والهى ربنا يبارك فيك يا باشا
والهى يا باشا انا اصلا مقعده بالعافيه من الشغل هو والدى ربنا يديله الصحه عنده 65 هو كان بيتجددله كل سنه كاستشارى فى الشركه للاستفاده من خبرته و احنا اللى قلناله كفايه بصراحه علشان كنا شايفين انه شغل متعب عامه لما اقابل حضرتك ان شاء الله نبقى نتكلم بالتفاصيل اكتر
بالنسبه للكاوتش هو بس علشان البريدجستون هو اللى بينزل فيها علشان كده بفضله شويه و انا سألت عند ايهاب و هو اللى قالى 610 للفرده هو ايهاب انا بتعامل معاه اصلا و اعرفه بس لو مفهاش تعب ليك ممكن نبقى نروحله سوا يمكن يكون فيها كلام تانى يا مسهل
بالنسبه للمقابله ان شاء الله مفهاش مشكله لو يناسبك اليوم ممكن نروح سوا انا اعرف فى اكتوبر علشان اختى ساكنه هناك نروح و نونس بعض و اتشرف بذلك يا باشا و حضرتك احرجتنى بكلامك بس اقل ما يوصف عن حضرتك انك اخ كبير ليا و معتز جدا بمعرفه حضرتك و من اسباب تمسكى بالمنتدى و تقديرى له انى بتعرف على شخصيات زى حضرتك بعتز بيها جدا