الموضوع: رحلتي مع بعض أعطال السيينا

المشاركة الأصلية كتبت بواسطة م/مصطفى محمود

السلام عليكم ورحمة الله

من حوالي شهر (تحديدا يوم الإستفتاء) كنت بغير لمض النور الواطي ووقع مني المفتاح فى حوض العربية فطلعت مقياس الزيت علشان اجيب بية المفاح ملقتش زيت على المقاس

كلمت الميكانيكي قالي حط كيلو زيت لحد ما تجيلي ، رحت بنزينة مصر للبترول ربنا يكرمة أداني زيت ديزل وانا حطيتة من غير ما أبص

طبعا مكنتش فاضي فركنت العربية أسبوع وبعدها رحت لمركز كوول إير (وأنتهز الفرصة وأشكر الأستاذ محمد عبد الجليل اللى بجد مكسوف منه جدا لتقصيرة معاه ، الراجل كان عمال يتصل بيا طول اليوم يطمئن)


المهم الأسطى محمد عمل الآتي
1 - جوان غطا التاكيهات
2 - جوان كارتيرة الزيت
3 - جوان المبخرة
4 - غيرنا الزيت
5 - غيرلي كاوتشت كوبلن داخليه
6 - ظبطلي الخرطوم بتاع علبة الباور كان بيسرب فك العلبة ونضفها وغيرلي جزء من زيت الباور
7 - نضفلي الرشاشات

بجد كل حاجه فكها ونضفها حلو جدا ، مرتب أوي ، كل مسمار عارف مكانه

يوم الأحد (بعدها بيومين) جيت أدور العربية علشان أمشي لقيت المؤشر وصل للأحمر فى خلال 3 دقائق ، طبعا ركنتها أسبوع تاني وكل يوم أنزل أجرب لحد ما عرفت انه حساس الحرارة فية مشكلة ، طبعا رحت للكهربائي يوم الجمعه اللى فاتت واول ما ركنت قدامة لقيت المؤشر رجع طبيعي ، رحت مدور ورايح على مركز كول أير تاني ، راجع على شغل المرة اللى فاتت وكان زي الفل الحمد لله

يوم السبت رايح مشوار لقيت العربية بتبرجل جامد وبتطلع دخان أسود وشوية يبقى ال RPM عالى أوي وشوية يبقى مفيش خالص (لازم أدوس بنزين) أتخنقت جدا وكنسلت المشوار وقلت أروح للميكانيكي ، وانا راجع لقيت العربية أتعدلت ، أتخنقت أكتر وركنتها خالص

بعدها أخدتها ورحت العاشر وانا راجع لقيت المؤشر بتاع الحرارة علي تاني وبدأت تبرجل تاني رحت معدي على مركز الصفا

غيرت صباع الحرارة ب 85 جنية ، + نضفت العمة وظبط موضوع البرجلة (لغوا بلف الكانستر تاني ) والحمد لله الحياة بقت أفضل (وبشكر أستاذ محمد عبد الجليل اللى وصفلي المركز والناس بصراحة عملوا خصمم 15 % رغم ان العرض أنتهي بس اكراما لنايل موتورز ولأستاذ محمد)

- للأسف ملحقتش أصور كتير بس أغلب الحاجات دي هتلاقوها فى موضوع أستاذ محمد

حاليا محتاج أعمل الآتي (بس طبعا لسة الميزانية)

1 - أروح لحد بتاع شكمانات علشان تقريبا عندي مشكلة فى الشكمان (غالبا وصلة شكمان الفرن اللى عند الماتور فيها مشكلة فى المسمار ومسبب صوت عالي للعربية)
الف مبروك الصيانه و الشكمان عليك و ابو اليزيد

2 - دورة المياة (عندي مشكلة فى خرطوم السخن اللى أستاذ جلال لسة مغيرة وبالإضافة نراجع على باقى الخراطيم ، ونغير المياة ونحط مياة خضراء)

3 - أغير المرايات يمين وشمال علشان قلبهم مكسور + الأريال + كلبسات علشان أثبت العتب كلبس العتب الاصلى ب 5 جم للواحدة
عندى مرايه يمين و القلب بيتصلح ب 25 جم بشامبيليون - اسال عن محسن اللى بيقف جنب الكيلانى -

4 - صيانة أخرى أغير البوجيهات + كاوتشات الميزان + مقصات + اشحم الفتيس وسيلك الدبرياج

الفتيس له زيت مخصوص - الفتيس بياخد 2 لتر - للاسف اللتر ب 75 جم - لانه معدنى.