الموضوع: مفيش حد واصل يفيدنا في حوار بنزين 80

المشاركة الأصلية كتبت بواسطة AM011

أنا عن نفسي شايف ان البنزين كله متوفر 80 و 90 و 92 و 95 ومفيش نقص ، لكن حكاية ان بنزين 80 قل دي أنا ما شفتهاش ، ده متوفر ومش لاقي حد يمون منه وكل ماروح محطة بتبيع 80 بتكون فاضية او ممكن بالكتير تكون عربية واحدة فيها لكن اللي بيخلص ويكون عليه ضغط ال 92 بس

معلش سؤال رخم بس
هو حضرتك عايش في انهي كوكب بالضبط؟ :biggrinjester:
وفين البنزينات الفاضية تماما دي؟
وامتي اخر مرة حضرتك شوفت بنزين 80 اللي متوفر والمحطات بتاعته بتبقي فاضية خالص بالكتير عربية واحدة ده؟

اصل في ملحوظة مهمة ممكن فعلا تعدي علي بنزينة معروف عنا ان فيها 80 وتلاقيها فاضية تماما ده مش عشان توافره لأ ده عشان هو خلص ومفيش بنزين في المحطة اصلا
والعربية الواحدة اللي بتمون دي ممكن تكون بتمون 90 عشان كده مفيش عليهم زحمة :Angel_anim:
اتمني تكون معلومتي وصلت ولو انا غلط ومعلومتك هي اللي صح ياريت تقولنا بالضبط فين البنزينات دي وشكرا ليك جدا على الافادة

السبب الرئيسي في اختفاء البنزن 80 هو ان سعره رخيص وفرق بينه وبين 90 ضعف الثمن ولما كان الفرق في السعر بسيط كان اغلب السيارت حتي القديمه تستخدم بنزين 90 لكن بعد ارتفاع سعر بنزين 90 من جنيه الي 130 قرش ثم ارتفاع ثاني الي 175 قرش قام الناس اصخاب الدخل المحدود بستخدام بنزين 80 ومن هنا ظهرت المشكله وبعض مصانع الدهنات تنظف المشغولات ببنزيين 80 بدلا من الجاز الابيض لان سعر الجاز الابيض اغلي من بنزيين 80 احيانا اشاهد سياره نصف نقل عليها برميل كثيره تملا بنزين 80 وعلي فكره انا في منطقه مصانع من العاشر من رمضان
وحل هذه المشكله هي زياده سعر بنزيين 80 الصفيحه تبقي 25 جنيه وانخفاض سعر بنزين 90 الصفيحه تصبخ 30 جنيه وبنزين 92 يصبح 35 جنيه للصفيحه وانا ارهن ان الكل يرضي بهذا الحل ويخف السحب علي بنزين 80 وانا شاهدت في طوابير بنزيين 80 سيارت تويوتا ولانسر ودايو وهيونداي ومركات اخري في انتظار الدور بيمول نصف تانك 80 والباقي 92

الحكومة لو راجلة كانت طلعت وقالت إن ال80 مش موجود أو على الأقل يوجوده بسعر أغلى
لكن الشغل ده مستفز كل شوية أخش البنزينة يطردوني ويقولولي مفيش 80 وأما ألاقي ال 80 بيبقى طوابير طويييييييبلة ويوم ماأقف وراهم أمين الشرطة بيمشيني عشان طالع على الشارع من طول الطابور

المشاركة الأصلية كتبت بواسطة birdybirdy33

معلش سؤال رخم بس
هو حضرتك عايش في انهي كوكب بالضبط؟ :biggrinjester:
وفين البنزينات الفاضية تماما دي؟
وامتي اخر مرة حضرتك شوفت بنزين 80 اللي متوفر والمحطات بتاعته بتبقي فاضية خالص بالكتير عربية واحدة ده؟

اصل في ملحوظة مهمة ممكن فعلا تعدي علي بنزينة معروف عنا ان فيها 80 وتلاقيها فاضية تماما ده مش عشان توافره لأ ده عشان هو خلص ومفيش بنزين في المحطة اصلا
والعربية الواحدة اللي بتمون دي ممكن تكون بتمون 90 عشان كده مفيش عليهم زحمة :Angel_anim:
اتمني تكون معلومتي وصلت ولو انا غلط ومعلومتك هي اللي صح ياريت تقولنا بالضبط فين البنزينات دي وشكرا ليك جدا على الافادة

المشاركة الأصلية كتبت بواسطة bishoo33

ايوووووووووه انت ساكن فين معانا فى مصر ولا فين بالظبط
ياراجل ده مافيش محطه بنزين فيها بنزين 80 الا وعليها طوابير بالخمسين عربيه على الأقل
وخناقات وتتنيكات ورشاوى و..................
هى دى مصر
ما فيش حاجه بتيجى بالساهل

أنا ساكن في المنيا والبنزين متوفر جداااااااااااااااااا بكل أنواعه ولو عايز هاتلي تنك كبير وابعتلك بنزين 80 كل يوم هدية مع اي حد من أصحابي وهو نازل القاهرة :biggrinjester::biggrinjester:

ده ال 80 عندنا مش لاقي حد يشتريه كل لما اروح بنزينة علشان امون يقوللي ده 80 مش 90 وللأسف العربية بتاعتي مينفعش معاها ال 80 سمعت انه هيقصف عمر المتور يعني اللي هاوفرهم هنا هاصرفهم في المتور ، ومفيش عربية موديل حديث باشوفها بتمون 80 غير الشاهين واللادا بس

اللي بيكون في عجز شوية وساعات بيكون طوابير ومرة شفت خناقة وضرب السولار ودي كانت مرة واحدة شفت الأزمة دي .

هي فين البنزينة دة؟؟؟؟؟؟؟؟؟؟؟؟؟؟؟

وأنا مع الاخ بتاع المنيا عندنا هنا فى العريش بنزين 80 متوفر ومفيش أى مشكلة عليه ممكن السبب راجع عشان مفيش تكدس فى السكان بس ربنا يستر وغزة متفتحشى تانى