مفيش حد واصل يفيدنا في حوار بنزين 80

**Strong** · 27-07-2008 02:08 AM

المشاركة الأصلية كتبت بواسطة shefa

ممكن السبب راجع عشان مفيش تكدس فى السكان

ومين اللي قال إن مفيش تكدس في السكان هنا

ده هنا في تكدس سكان وعربيات وموتوسكلات وتلاقي كوكتيل من كل وسائل المواصلات
وفي عربيات موديلات قديمة كتيييييييييير يعني إستهلاك بنزين 80 عالي جداااا لكن كله متوفر في الليل والنهار ونادر جدا انه يخلص

**شاهين - بنز** · 27-07-2008 02:16 AM

فعلا ياجماعة المحافظات فيها ال80 موجود بوفرة
أنا صاحبي بيقوللي في كفر الشيخ بنزين 80 هناك متوفر جدا جدا وبدون زحمة إطلاقا
معرفش ليه الحكومة متشيلش من هنا وتحط هنا لإن أنا كتير بفول مرتين أسبوعيا يعني فرق بتاع 70 جنيه أنا أولى بيهم على الأقل يقضوني سجاير

**R A N A** · 27-07-2008 04:46 PM

وداعاً يابنزين 80 الناس فضلت تحقد علينا وتقول يابختكوا معاكوا عربيات قديمة ينفع يتحطلها بنزين 80 اللي مغليش وسعره نص ال 90 واحنا بنمون بضعف التفويلة عندكوا :( واهو الحمد لله منعوه عننا خلاص

انا يأست بجد وزهقت وخلاص :angelsad2: قررت احول عربيتي لبنزين 90 وامري لله يارب بس ميغلاش ولا يختفي هو كمان ونضطر نحط بنزين 100 بقي المرة الجاية يكون اخترعوه ويخلوا اللتر ب 10 جنيه بقي

قال وانا اللي كنت فاكرة ان العربية هاتريحني وتخليني اتحرك واروح واجي براحتي وتوفرلي حق التاكسيات اللي كنت بغرمها يوميا

حسبي الله ونعم الوكيل

معلش انا حطيت وشوش كتير عشان تبين مدي الأسي اللي انا فيه من جراء هاذوه الموضوع ودورت علي وش بيعيط بس مالقيتش اصلي فعلا عايزة اعيط :angelsad2: