استفسار عن تويوتا كورولا 2003 1300 سي سي

**hazemhany** · 05-01-2013 07:09 PM

السلام عليكم

لو سمحتوا انا معروض عليا تويوتا كورولا 2003 1300 سي سي ماشية 127 الف كيلو وفابريكة بره وجوة ماعدا الأكصدامين ..صاحب العربية بيقول انها محتاجة تغيير بطارية وفردتين الكاوتش اللي قدام مغيرهم من 25 الف كيلو فاتو والفردتين اللي ورا من 35 الف كيلو ...ياريت تدوني تسعير للعربية بالحالة دي وقيمة المصاريف اللي هتحتاجها ...وبعد ازنكوا عايز تقييم للعربية برضه ..شكرا

**tarekmaher** · 05-01-2013 07:54 PM

اعتقد السعر في حدود 81500 يزيد شوية او يقل شوية حسب الظروف وحالة العربية
اما عن المصروف لو هتغير جميع الفلاتر والزيوت والتيل وهتجيب كله من التوكيل هتكلفك حوالي 1500 جنيه بالمصنعية تقريبا وطبعا المبلغ ده تحت العجز والزيادة البسيطة

**Optiplex** · 05-01-2013 11:11 PM

المشاركة الأصلية كتبت بواسطة hazemhany

السلام عليكم

لو سمحتوا انا معروض عليا تويوتا كورولا 2003 1300 سي سي ماشية 127 الف كيلو وفابريكة بره وجوة ماعدا الأكصدامين ..صاحب العربية بيقول انها محتاجة تغيير بطارية وفردتين الكاوتش اللي قدام مغيرهم من 25 الف كيلو فاتو والفردتين اللي ورا من 35 الف كيلو ...ياريت تدوني تسعير للعربية بالحالة دي وقيمة المصاريف اللي هتحتاجها ...وبعد ازنكوا عايز تقييم للعربية برضه ..شكرا

بص العربية اعتمادية لاقصى حد و عائلية فى الوسع و موفرة جدا فى البنزين بس متناسشى ان دة على حساب الهورس باور انها مع التحميل و التكيف ادائها شبة متوسط مش بتاعة جرى عايزة مشى بعقل قطع غيار فى متناول اليد و منها كورى و تايوانى و دة يفتح مجال لاسعار اقل اول صيانة هاتعملها هاتبقى ثقيلة شوية لو كل الزيوت و الفلاتر و بالاخص بتاع البنزين هاتدخل فى 3 الاف و بالاخص بالزيت بتاع الفتيس الاصلى و التيل و طنابير اصلى سعرها بالحالة دة ما تخرجشى عن 80 الف جنية و ربنا يوفقك

**S O P H O S** · 05-01-2013 11:34 PM

تويوتا مش بتجري مع التحميل !!!!
هو حضرتك معاك كورولا ولا جربت كورولا مع صديق ؟؟؟!!!!
اما عن الموضوع فالعربية من الاساس مانيوال ولا اوتو لان الناس سعرت العربية بدون نوع ناقل الحركة ؟؟

**Optiplex** · 06-01-2013 12:15 AM

المشاركة الأصلية كتبت بواسطة s o p h o s

تويوتا مش بتجري مع التحميل !!!!
هو حضرتك معاك كورولا ولا جربت كورولا مع صديق ؟؟؟!!!!
اما عن الموضوع فالعربية من الاساس مانيوال ولا اوتو لان الناس سعرت العربية بدون نوع ناقل الحركة ؟؟

لا معايا العربية يا احمد يتاعة اخويا و بسوقها على طول لااا بتسد مع التحميل بس على قدها هههههه كتر خيرها والله افتكر الاحتمال الاكبر اتوماتك و سعرى على كدة

**S O P H O S** · 06-01-2013 01:07 AM

اصل انا كلامي يا باشا علي اساس اننا منعرفش هي اوتو ولا مانيوال
النقطة التانية انك اكيد عارف اننا هنا مش بنستحمل نسمع كلام علي الماتور يعني ممكن نسمع عن التصميم
الكلميات الجنوط ونستحمل بس الماتور هههههه اكيد انت عارف
يمكن انت بتقيس علي عربية 1600 مثلا علشان الكورولا ال 1300 اوتو كسحب بتحميل متوسطة الي جيد
ولو مانيوال ومحملة بصراحة بتسد وترفع راسك وسط اي 1300 وكمان بعض ال 1600
تحياتي ليك يا باشا
وتسلم علي التوضيح

**hazemhany** · 06-01-2013 12:36 PM

هيا اتوماتيك مبدئيا ...طيب لو حضراتكم قدامكم العربية دي وعربية تانية لانسر 1600 2007 اتوماتيك هاف سبورت ...هتختاروا ايه وايه الأسباب

**Optiplex** · 08-01-2013 05:01 PM

المشاركة الأصلية كتبت بواسطة hazemhany

هيا اتوماتيك مبدئيا ...طيب لو حضراتكم قدامكم العربية دي وعربية تانية لانسر 1600 2007 اتوماتيك هاف سبورت ...هتختاروا ايه وايه الأسباب

لو الاتنين حالتهم ممتازة و قريبين جدا من السعر يبقى توكل عالله فى الانسر و ربنا يوفقك

**S O P H O S** · 08-01-2013 11:44 PM

المشاركة الأصلية كتبت بواسطة optiplex

لو الاتنين حالتهم ممتازة و قريبين جدا من السعر يبقى توكل عالله فى الانسر و ربنا يوفقك

انا مع رايك يا باشا
شوف العربية والانظف هاتها الكورولا ف ال 1300 جميلة
واللانسر ال 1600 رائعة بردوا الفيصل والحكم هنا حالة العربية بدون اي تحيز
وربنا يوفق صاحب الموضوع للافضل فيهم والخير ..

**Ahmod** · 09-01-2013 02:50 AM

المشاركة الأصلية كتبت بواسطة hazemhany

هيا اتوماتيك مبدئيا ...طيب لو حضراتكم قدامكم العربية دي وعربية تانية لانسر 1600 2007 اتوماتيك هاف سبورت ...هتختاروا ايه وايه الأسباب

هو المستعمل عموما حالة لكن لو هنقول الاتنين حالة كويسة

يبقى حضرت تشوف متطلباك بالنسبة للعربية

لو محتاج استهلاك بنزين قليل ونعومة وراحة يبقى تختار الكورولا

اما لو فارق مع حضرتك الثبات وقوة الماتور يبقى الانسر

--------

بالنسبة لنقطة التحميل مع الكورولا ال 1.3 فهي فعلا مع التحميل مش بتبقى كويسة !!

هي بتشد وكل حاجة بس بتبقى على قدها يعني !! ده طبعا بالنسبة للكورولا ال 1.3 وكذلك الياريس

افتكر كان ليا تجربة مع واحد زميلي معاه لانسر بومة 1.6 سوبر اكشن

احنا شدينا مرتين مع بعض

المرة الاولى كان راكب معايا 1 وهو 2

بدانا من 80 لحد 160 تقريبا كنت طالع منه بفرق عربية

المرة التانية عكسنا الموضوع بقيت انا اللى راكب معايا 2 وهو راكب معاه 1

فرق عني جامد من اول مابدانا !!

عموما مشكلة التحميل دي مش بتبان الا لما تيجي تشد مع عربية !! انما لو بتجري مع نفسك هتلاقي العربية بتجري وبتجمع وكل حاجة

انا جايب 180 بالياريس ومعايا 4 وشنط وبلاوي كانت في العربية !!