رايكم فى بى ام دبليو x1

**aboaya** · 05-01-2013 07:40 PM

السلام عليكم
ارجو من محبي البي ام افادتي لاني ناوي اشتري x1 بس قلقلن لاني شايف المعروض منها كسر زيرو كتير جدا
مع العلم ان السيارة موديل 2013 نازله فئة واحدة بدون بانورما
هل لوجود عيوب فيها فتم استبدالها ْX3 2000 سي سي ولا ايع بالظبط ارجو الافادة ارجوكم بسرعة

**Ahmed_Adham** · 05-01-2013 08:49 PM

العربيه مش منتشره قوي فمش عارف هتلاقي حد هنا يمتلكها ولا لاء بس مبدأيا مينفعش تقارنها بال X3 2000cc لأن فرق السعر 90 الف جنيه تقريبا وده تمن عربيه تانيه. نصيحه لو هتشتريها جيبها كسر زيرو عشان هتلاقيها نازله 30-50 ألف جنيه بعد أول سنه استعمال وميزه العربيه دي انك مش هتلاقيها عامله كيلومتر كتير يعني حوالي 15 الف كيلو في السنه وده استخدام حلو جدا وحاله ممتازه.

**ahmedsadek82** · 05-01-2013 11:23 PM

المشاركة الأصلية كتبت بواسطة aboaya

السلام عليكم
ارجو من محبي البي ام افادتي لاني ناوي اشتري x1 بس قلقلن لاني شايف المعروض منها كسر زيرو كتير جدا
مع العلم ان السيارة موديل 2013 نازله فئة واحدة بدون بانورما
هل لوجود عيوب فيها فتم استبدالها ْx3 2000 سي سي ولا ايع بالظبط ارجو الافادة ارجوكم بسرعة

ملهاش عيوب , الفئة اللي نازله جديد حلوة جدا 2013

**aboaya** · 05-01-2013 11:53 PM

شكرا
بس قلقي ان في عربيات كتير منها قوي كسر زيرو واكتر حاجه شفتها 15000 كم بسعر 275 الف موديل 2012 بحاله نظيفة ومش عارف سبب البيع هل لعيب في العربيه ولا لسبب اخر علما انها هاي لاين

**aboaya** · 06-01-2013 04:03 PM

متابع

**Batman372** · 06-01-2013 04:09 PM

المشاركة الأصلية كتبت بواسطة aboaya

شكرا
بس قلقي ان في عربيات كتير منها قوي كسر زيرو واكتر حاجه شفتها 15000 كم بسعر 275 الف موديل 2012 بحاله نظيفة ومش عارف سبب البيع هل لعيب في العربيه ولا لسبب اخر علما انها هاي لاين

البى-ام / المرسيدس الحديث تأكد ان ليس لهم اى عيوب ...
ده موجود عادى جدا فى كل الفئات مثل ال 5 و 7 الجديده موديلات 2011/2012 ... حتى ال 3 الجديده f30 الى بقالها شهرين فقط لسه شايف لها اعلان كسر 700 كم امس فى اهرام السيارات ...
ايضا فى المرسيدس كذلك ...
الفكره ان كثير من ركيبه البى-ام/المرسيدس الجديد زيرو يفضلوا انهم يبيعوا بعد اول سنه و يخسروا 50 الف ... يعنى ممكن تقول انهم يضعوا ميزانيه حوالى 50 الف سنويا للسياره و منه تغيير شكل و موديل العربيه ...
تحياتى ...

**aboaya** · 06-01-2013 04:47 PM

شكرا واتمنى تكون دي الحقيقه لاني شايف ان سيارة تنزل 60 - 65 الف جنيه في كام شهر واستعمال خفيف مقلقه شويه ولا رأيكم ايه وشكرا مرة تانيه

**Batman372** · 06-01-2013 04:57 PM

المشاركة الأصلية كتبت بواسطة aboaya

شكرا واتمنى تكون دي الحقيقه لاني شايف ان سيارة تنزل 60 - 65 الف جنيه في كام شهر واستعمال خفيف مقلقه شويه ولا رأيكم ايه وشكرا مرة تانيه

تأكد ان كل البى-ام و المرسيدس الجديد كده ... بحكم سعره الزيرو المرتفع و سوقه الموجه لشريحه معينه فقط من المشتريين ...
لذلك دائما ما نقول ان مش اى حد يشترى بى-ام و مرسيدس حديث ... و حضرتك لازم تكون متقبل و عامل حسابك انك سوف تخسر سنويا 15/20 الف من القيمه السوقيه + مصاريف صيانه الفان جم ثم 5 الاف سنويا بعد رابع سنه فى المتوسط و ذلك لتظل العربيه تعطى نفس الاحساس و الكفائه مثل الزيرو ...
غير كده فى كل الاحوال عندك التوكيل و الكشف الجيد للاطمئنان ...
تحياتى ...

**aboaya** · 06-01-2013 07:10 PM

الف شكر جزاءكم الله كل خير

**maskeen** · 07-01-2013 12:02 AM

يا فندم... الحقيقه فى موضوع كسر الزيرو للبى ام بالذات ان سعر العربيه اصلا مبالغ فيه جدا...بس الشركه مضطره تسعر عالى كده للحفاظ على برستيج ومكانة الاسم بالمقارنه بالمنافس الرئيسى مرسيدس فى مصر.

الفكره ان الوكيل لا يستطيع بيع الزيرو بسعر اقل من المنافس بكتير والا كانه بيعترف بتفوق المرسيدس عليه كقيمه..ولكنه عشان يعرف يبيع بيقوم باستعمال العربيه استعمال بسيط جدا بواسطة موظفيه انفسهم (المديرون ورؤساء الاقسام) يمشوا بالعربيه الف ولا الفين كيلو ثم تباع فى معارض خارجيه (تشتغل مع التوكيل خلف الستار) على انها مستعمله وبكده يقدر ينزل السعر كتير ويبيع..

اكبر مثال على ذلك ال 525 كانت زيرو ب 560 الف وكانت تباع كسر زيرو ماشيه 10 الاف بس بسعر 430 الف!!!! يعنى نزول 130 الف جنيه مره واحده!! دى سياسه تسويقيه معروفه جدا اى دارس لعلم الاداره والتسويق عارفها