السلام عليكم
اود ان اعرف هل مفتاح السيارة به شفرة وماهى وسائل الامان بالسيارة كالانذار واللمبة الحمراء التى تضئ وتطفء فى الامام ..
ولزيادة وسائل الامان ماذا يمكن فعله ؟؟؟
وشكرا جزيلا لكم
السلام عليكم
اود ان اعرف هل مفتاح السيارة به شفرة وماهى وسائل الامان بالسيارة كالانذار واللمبة الحمراء التى تضئ وتطفء فى الامام ..
ولزيادة وسائل الامان ماذا يمكن فعله ؟؟؟
وشكرا جزيلا لكم
اولا السياره ليس بها ابموبلايزر و لا جهاز انذار بمفهومه العادى. اللمبه الحمراء التى تضيء و تطفىء دى علشان لو حد كسر الزجاج او الهوايه و حاول يدور العربيه الانذار هيضرب فورا لو مكنش الريموت بتاع العربيه فى المجال بتاع العربيه و هى بتشتغل فى هذه الحاله فقط اما لو حد عدى جنبها و لا خبط فيها و لا الهوا.بالنسبه لوسائل زياده الامان حضرتك تقدر تجيب قفل الدركسيون و تقدر كمان تركب عليها جهاز إنذار ماركه كويسه و أخيرا حاول تركنها فى جراج عليه سايس او بواب و تجنب الركن فى الأماكن المهجورة و ما تسيبش فيها اى حاجه و هى مركونه ممكن تكون مطمع للحرامى و كمان لو العربيه مانيوال لازم تشد فرمله اليد جامد و لو اتوماتيك ما تسيبهاش على n لان فى حراميه بتزق العربيه من مكانها لاى مكان تانى بعيد علشان يعرفوا يفتحوها فيه براحتهم و ربنا يسترها علينا جميعا
يا باشا العلربية ال2008 فيها نظام امان لمل بتقفل بالريموت لو فتحت بالمفتاح وجيت تتدور مدورش وتعمل انذار ودا موجود فى الصنى لحد 2008 ولما سالت ال ا/سعد من التوكيل فى بعض المقابلات قالى انهم لغوه بعد كدا عشان بتبق مشكلة كبيرة ان العربية تدور لو الريموت ضاع والعربية مقفولة بيه ولازم يتغير حجات كتير
لو الريموت ضاع شيل كابل البطارية و حطه تانى هيقفل الانذار و بعد كدا افتح بالمفتاح و اقفل بيه هيشتغل الانذار على المفتاح و مش هيبقى للريموت علاقه
لو قفلت العربيه بالريموت لازم تفتحها بالريموت او الريموت يبقى فى مجال العربية و لو قفلتها بالمفتاح ممكن تفتحها بالمفتاح عادى جدا والانذار مش هيشتغل.
يا جماعة الخير العربية فيها انزار زي الفل بيشتغل بالريموت او باي من مفاتيح العربية الاصلية و جربو تقفل العربية بالريموت وسيب زجاج مفتوح و انتظر دقيقة علي الاقل ثم قم بفتح اي باب من الابواب 4 او شنطة او الكبوت حتسمعو صوت كلكس العربية و لقفل الانزار اما بالريموت او من فتح الباب بالمفتاح الاصلي طبعا و ده عن يجربة في الصني 2009 شكل 2008 ( يعني اخر2008 استلام2009)
شكرا جزيلا ياجماعة لكل هذه الردود
وليا سؤال تانى ؟
يعنى لو الريموت داخل مجال السيارة حيشتغل الانذار لو حد كسر الزجاج ؟؟؟
استاذ land cruizer مش فاهم موضوع مجال العربية دى للمبة الحمراء
المفتاح الاصلى ليس به كود ... مفتاح عادى جدا ...
الامان فى الصنى باختصار ان بعد القفل بالريموت لما اللمبه الحمراء التى تضىء و تطفى ... ان لو احد كسر الزجاج و فتح اى باب من الاكره بالداخل تطلق الزماره و يتم ايقافها بالريموت ...
غير كده تتفتح بأى مفتاح مصطنع ( غير اصلى ) و تدور عادى جدا بدون اى انذار ...
انا بأقفل فى الجراج بالريموت و سايبلهم مفتاح مصطنع بيفتحوا و يدوروها به عادى جدا لتحريكها ...
تحياتى ...