مرسى مطروح و الرادار

**magomago** · 24-07-2008 02:29 PM

نسيت اقولك خلى بالك من المزلقان الاولانى اللى حصلت عندة الحادثة لانك بتكون نازل من عالى جدا وبيظهر فجأة ولازم تهدى من بعيد اول ماتشوفة لانة غدار جدا وانت بتكون شايل حاجات كتير والسيارة نازلة باندفاع جامد
ورنا يسلم وتروح وتيجى بالسلامة ومتنساش اللب

**hesham2004** · 24-07-2008 02:41 PM

المشاركة الأصلية كتبت بواسطة magomago

نسيت اقولك خلى بالك من المزلقان الاولانى اللى حصلت عندة الحادثة لانك بتكون نازل من عالى جدا وبيظهر فجأة ولازم تهدى من بعيد اول ماتشوفة لانة غدار جدا وانت بتكون شايل حاجات كتير والسيارة نازلة باندفاع جامد

ورنا يسلم وتروح وتيجى بالسلامة ومتنساش اللب

مزلقان فوكه نازل و انتى جاى من مطروح

**mshamy** · 24-07-2008 02:51 PM

فعلا تحس إنك مسنود من كل االي حواليك
ربنا يخليكم ليا "مش لحمة" و لنايل موتورز

جزاكم الله خيرا

**Mosso** · 24-07-2008 05:07 PM

\خللي بالك بعد البوابات السرعة 60 مش 80 لان دي تعتبر السبوبه بتاعتهم و معظم العربيات الي داخله مطروق بتتمسك في الطريق ده
و في واحد دايما موجود عند قرية الدبلوماسيين( الي فيها كنتاكي و بيتزا هت )كده قبل مطروح بشويه بس معرفش في الكيلو كام لو حد يعرف يقوللنا هو قبل القريه بشويه و الكمين بيبقى بعد مدخلها بشويه
و لو انت جاي من اسكندره في واحد قبل مارينا بحوالي 40 كيلو تقريبا

**mexmarine** · 24-07-2008 08:18 PM

انا لسه راجع من مطروح و ربنا كرمنى و ممساكنيش اى رادار و بمعنى اصح ماكنش فيه رادار لا رايح و لا جاى .. اهم حاجه عينيك على العربيات المقابله لان الطريق كله مكشوف ,, كل اتجاه للإتجاه الاخر, الطريق وانت رايح مطروح احسن بكثير و يغريك على الجرى و بعد مراقيا انا شديت لحد 180 و المتوسط كان من 130 لـ 140
لكن الطريق و انت جاى مايستحملش سرعه عاليه و اخره 120 130 يعنى ..
و الاحسن على مهلك و ربنا يوصلك بالسلامه ان شاء الله

**Tamer-Ezzat** · 25-07-2008 06:45 AM

والله موضوع جميل بس بعد الفاس ما وقعت فى الراس واتعلقت الرخصة رادار على 122 كم

انا فعلا مفتحتشش مخى مش عارف ليه كنت نايم ولا مكسل ... العسكرى دخل بيبتسم وبيقولك حمدلله على السلامة ليه الجرى يا باشا .. ياريت نشوف الرخص ,...
يعنى حيحمل ايه اكتر من كدة قعد يقلب فيها ... وانا متيس مش عارف ليه لحد ما راح للضابط اللى قاعد بعيد ،، لما وصلت هنا فهمت ... بس متأخر ...

الحمد لله انها جت على قد كدة .. بس نصيحة السواقة فى الطريق دة باليل مرعبة ...

**l0new0lf** · 25-07-2008 07:33 AM

we khale balak min wade elnatroon sa3at kteer beykon 3aleh radar tareban ba3d tany notet shorta wenta rage3 masr, bas makano beyet'3ayar 3alatool

**ياسر شقو** · 22-06-2017 01:50 PM

السلام عليكم ورحمه الله وبركاته
انا كنت ناوي اشتري شقة او شالية في قرية في مدينة مرسى مطروح
وانا ساكن في مدينة القاهرة بالتحديد في مدينة حلوان
عاوز نصائحكم وتجاربكم في مطروح
اشتري ولا بلاش
ولكم الشكر والتقدير