الموضوع: ايه رايكو في هيونداي النترا 2012

المشاركة الأصلية كتبت بواسطة Samir Elshahawy

لأ مافيش حاجة غلط
هو تصميم العربية دي كده

الالنترا الجديدة و السيراتو و كمان الجيتز و بعض السيارات الاخري نظام العفشة الخلفية لها معمول بنظام أسمه TOURSION BEAM و هو بأختصار أن العجلتين اللي ورا متصلين ببعض من خلال بار واحد مع وجود تعليق علي مساعد و ياي لكل عجلة

عندما تأخذ أحدي العجلات مطب ينتقل الي العجلة الاخري بفعل هذا البار
و لو العربية في ملف و العجلتان الاماميتان في وضع أنحراف بزاوية معينة تحدث حركة عرضية (في حالة المطب أو الفواصل) و لكن بسيطة جدا للعجلتين الخلفيتين

هذه الحركة لا ضرر منها و لا تمثل أي خطورة حقيقية و لكنها مجرد أحساس بأن السيارة بتعوم من ورا

لكن نصيحتي و من خلال تجربتي مع الألنترا و الجيتز يفضل أن تكون الملفات علي سرعات منخفضة خاصة مع وجود فواصل للمزيد من الراحة و الاحساس بالامان طالما لم تكن متمكن من سيارتك الجديدة و معتاد عليها

و دي صورة توضيحية لنظام التعليق الخلفي مشابهه لما هو بالالنترا الجديدة

أولا 1000 شكر علي المجهود المبذول في الرد. أنا مشكلتي أني عارف أن الانترا تعليقها من ورا Torsion beam مش Multi link و كان عندي سيراتو و لسه بايع جيتز 2008 من حوالي شهر و عمري ما حسيت بالحركة ديه في الجيتز. السيراتو كانت موجوده فيها طبعا و أكتر من الانترا. فأنا حاسس أن الموضوع مش مجرد وجود ال Torsion beam هو اللي عامل كده بدليل أن الجيتز عمري ما حسيت فيها بكده. و حاجة كمان أنا كان عندي زمان عربية ياباني اسمها ايسوزو مش نص نقل كانت ملاكي و كانت فيها الحركة ديه و كانت المساعدين الخلفية خفيفة. غيرت المساعدين و المشكلة اختفت تماما. المهم أنا عندي صيانة ال 10000 كمان أسبوع تقريبا هقولوهوم يشوفو المساعدين الخلفي و الله المستعان.