أنا إلي أخطأت ونسيت أكتب درجة لزوجة زيت المحرك
كاسترول إيدج 5w40 وبيتغير كل 15 ألف كم
عرض للطباعة
الله ينور عليك و مبروك
تقرير جميل
مبروك الزيرو من تانى وربنا يكفيك شرها وربنا كرمك ولقيت موتور وفتيس بالحالة ديه لانها من النوادر. مبروك عليك
يا أستاذ عمرو حضرتك مقلتلناش إيه العطل اللى كان فى الموتور القديم ومصلحتوش ليه ؟؟ وهل بعته ولا إيه ؟؟
ومشى كام كيلو ؟؟
الموتور مشي 382 ألف كم بضبط
الموتور كان بياكل زيت جامد وكان الزيت بينشع من أماكن كتير في الموتور وكان البستم التاني في نقرة خفيفة أوي
كان محتاج طقم شنبر وأكيد كان هيتعمل شغل في البلوك وبصراحة الكل قالي هات شورت بلوك أضمن وأنضف
بصراحة كده أحسن كتير
الموتور مابعتوش
بسم الله ما شاء الله أ.عمرو
ربنا يباركلك فيها ويحميهالك ويديلك خيرها ويكفيك شرها
الله يبارك لك فيها لحب ان اشيد بطريقه عرضك للموضوع
ولك تحياتي
ربنا يباركلك فيه إن شاء الله وعمل رائع ومفيد جداً
الف مبروك على العربيه والموتور الجديد عايزين نعرف احساسك ب الموتور الجديد والفروق الملحوظه بين الاتنين
انا كنت غيرت الكوبلن اليمين برضه عشان الصليبه الداخليه فركت وعملت نفس الصوت الرهيب اللى انت سمعته لدرجت انى حسيت ان العفشه كلها نزلت وبرضه كان وانا جنب البيت وداخل على شارعى وبكسر شمال على الاخر ...من ساعتها وانا بخاف اكسر شمال على الاخر حتى بعد تغيير الكوبلن
بعد ما ركبت الموتور لاحظت في المشي الطوالي إن عداد الحرارة بينزل زيادة عن اللزوم( كان لسة البرد مش زي الأيام دي )..... وده مش طبيعي لأنه دايماً في الزحمة مايزدش عن النص وفي الطوالي ينزل شرطة واحدة عن النص
شكيت في الثرموستات الأول وقولت أجرب كده إسبوع وأشوف......إنشغلت في العمل ونسيت الموضوع
دخل البرد القارص الإسبوع إلي فات والمؤشر كان بينزل جامد
http://www7.0zz0.com/2013/01/13/11/238909581.jpg
لاحظت أيضاً إن إستهلاك البنزين بدأ يزيد جامد ( 260-270 كم في الصفيحة ) وخصوصاً إحنا في شتا ومفيش تكيف ومعظم طريقي دائري وسفر والصفيحة المفروض تعمل معايا 320-340 كم.....ولاحظت إن العربية بتاخد وقت جامد عشان تسخن
المهم بحثت على النت وقرأت إن أعراض الثرموستات المفتوح هي نفس الأعراض إلي أنا بشتكي منها وزيادة كمان إن ده غلط على الموتور على المدى الطويل لأن الموتور مش شغال على درجة الحرارة المثلى ( 90 درجة )
حساس المية بيدي إشارة للـECU إن الموتور بارد وبالتالي بيزود في ضخ البنزين
ذهبت للباشا الميكانيكي وقولتله إنت ركبت الثرموستات وإنت بتقفل ؟.....ضحك ضحكة هابلة وقالي " أنا أي عربية بتجيلي بلغي الترموستات بتاعها عالطول "
طبعاً محمد الشرقاوي لو كان موجود كنت حاسبته على الغلط ده
المهم روحت جيبت ثرموستات وركبته والموتور ظبط والحرق بقى أحسن من الأول عشان الموتور كده شغال على درجة الحرارة المثلى له
دي صورة الكوعة إلي الباشا شال منها الثرموستات
http://www7.0zz0.com/2013/01/13/11/502851676.jpg
دي صورة العداد وأنا ماشي طوالي إلي مفروض درجة الحرارة متقلش عن كده
http://www6.0zz0.com/2013/01/13/12/857183483.jpg