معلش ياشباب عاوز اقصر طريق من الهرم للمطار و من المطار لشبرا :)
خط سير غريب بس مش عارف امشي ازاي
عرض للطباعة
معلش ياشباب عاوز اقصر طريق من الهرم للمطار و من المطار لشبرا :)
خط سير غريب بس مش عارف امشي ازاي
ده مشوار محترم جدا
ممكن تمشي من الهرم .... مريوطية ...الي الدائري ( المنيب ) لغاية ما توصل الاوتوستراد تنزل وتمشي اوتوستراد لغاية مطلع المقطم عند توكيل رينو ... وتدخل صلاح سالم ... وطوالي للمطار
العودة صلاح سالم الي العباسية وتدخل العباسية ارضي ( اكتوبر زحمة في المنطقة دي
) وتطلع كوبري العباسية من عند مصلحة الأحوال المدنية تنزل لطفي السيد وتطلع اكتوبر من مطلع غمرة وتنزل اول منزل بتاع شبرا ح تبقي عند نفق احمد بدوي ... وتكمل الي حيث تريد
لو حد عنده اقتراح افضل يقول
توهتني يا ابو حميد
هو الحمد لله المشوار هيبقي بدري جدا علي الساعه 4 فجرا فغالبا هاخد صلاح سالم من اوله للمطار
اما الرجوع لسه معرفش
أقصر طريق أنا عارفه من الهرم للمطار كلآتي:
من الهرم أطلع طلعة الدائري اللي بيودي على المعادي، ممكن تطلعه من طلعة المريوطية أو طلعة المنصوريه، أيهما أقرب ليك، وبعد كده أنزل كورنيش المعادي وبعد كده في كوبري بيطلع على شارع كده أخره صلاح سالم وأمسك صلاح سالم لأخره لحد المطار.
ممكن تطلع الدائري في الإتجاه التاني اللي رايح على المرج ومدينة السلام، ممكن تطلع الدائري ده من الطلعه اللي في طريق مصر إسكندريه الصحراوي يعد ميدان الرمايه أو من طلعة المريوطيه، وتفضل ماشي في الدائري لحد نزلة مدينة السلام لما تنزل هاتلاقي المطار على إيدك الشمال، هاتكمل لحد أخر الشارع وهاتحاول توصل للشارع الموازي للشارع االي إنت كنت فيه، عشان هو ده الشارع اللي هايوديك على المطار.
fe dakhla min elda2ere elmoneeb lil matar elgedid 3al tool, bas adam el fagr yeb2a zay ma Mr. aif aal
يااااااااااااه الف شكر علي التعاون و المعلومات الحلوه دي كلها
بس سؤال لاحمد باشا ابراهيم فين مطلع اكتوير من صلاح سالم
elmatla3 3altool 3ala ymenak abl ma tewsal le dakhlet el3abaseya min sala7 salem wenta rage3 mil matar, ya3ne ba3d ard elma3ared
الف شكر ياباشا
و شكرا لاحمد ابراهيم و marsguy
او ممكن تعرفه بأنك بعد ما تعدي الأستاد .... وكوبري الفنجري اللي بعرض الطريق عند البانوراما .... خليك في اقصى اليمين .... ح تلاقي مطلع كوبري اكتوبر قبل العباسية علطول .... انا بقي قريب جدا من هناك - بس مش ناجية المستشفى ... الناحية التانية - ممكن تنورنا نشرب النسكافية الصبح سوا .... انا باصحى بدري