الحمد لله - جددت الرخصه و اللى تخاف منه مفيش احسن منه

النهارده باذنك يا رب
نزلت وديت احمد الأمتحان
و احنا فى السكه بقله انتوا بكره اجازه على اساس بكرة الأتنين
قاللى لأ
النهارده و بكرة امتحانات
و اكتشفت ان النهارده السبت
قلت يعنى هاروح
اروح المرور و انا و نصيبى و اللى يحصل يحصل
الرخصه خلصانه من 8/2012

كنت قدام المرور 7.45
ثانى عربية هناك و اول عربية فى الصف
و بما انى عارف الدنيا ماشية ازاى
اشتريت ورق الفحص ب 35 جنيه من بره
عشان الخزنه لسه مقفوله
و الفحص بيبدأ بدرى
و صورت البطاقه و الرخصه
و جبت شهادة بيانات لنيابة المرور
و عملت التأمين الأجبارى ب 35 جنيه
كل ده قبل ما يبدأ الفحص
و جه مهندس الفحص و طلع حبيبى قوى وجارى كمان
ايه اللى جايبك
هافحص
راح منادى عم على بتاع البصمه و قاله خد البصمه
خد البصمتين و رضيته عشان راجل حبيبى
و طلع العربية بره خالص

و اديت لبتاع الطفاية اللى فيه القسمه محبة عشان الطفاية كده كده سارية

الظريف بيقوللى جاى تفحص طيب اغسل العربية
اديها حتى فوطه
دى شكلها معفن
قلتله ده الموجود
ايه النظام
قاللى ماشى بس متعملشى كده تانى

و طلعت على شباك 13
ناديت رجب العسكرى كانت 8.30 الصبح
عملى شهادة البيانات عشان معايا صورة الرخصه بتاعت المالك الأول
و ادهانى طلعت على النيابه
و دى كانت الورطه الكبيره
ليه بقى
معمولى مخالفه عجب
اخد فيها سجن مش غرامه
اقتحام كمين
و الهروب بسيارة بدون لوحات
و التعدى على افراد الشرطه

و كلام كبير
لقيت بتاع النيابه بيقوللى خش لرئيس النيابه
لقيته بيقوللى المخالفه دى
قلتله : يا باشا بالمنطق العربيية من غير لوحات اللى عملت كده و الرخصه فى جيبى و ضربت الظباط و العساكر و الأمنا :b4_444:
و سابونى امشى
ده يبقى كمين قلل مش كمين شرطه

قاللى طيب استنى بره
المخالفه كانت فى المعادى
الراجل المحترم اتصل بيهم جاب صورة المحضر و المخالفه
لاقاها عربية كروز سودا
و انا اوبل حمراء اللون

راح منادينى تانى
قاللى انت ربنا بيحبك ان المحضر مضعشى
و شالها من على الشاشه
و ادانى شهادة المخالفات " لايوجد "
براءة يا رجاله

و كان فى مخالفتين ردار بس عدى عليهم 3 سنين فسقطوا و الحمد لله عشان انا كنت باجدد فى المواعيد

نزلت على شباك التجديد كان امر الدفع جاهز
دخلت دفعت 280 جنيه
بالرغم ان الرخصه انتهت من 4 شهور
مدفعونيش 1/3 ضريبه اضافى
و الحمد لله

دفعت و كشت على البطاقه
معليش احكام
و دخل الكمبيوتر
و خدت الرخصه بتاريخ فحص 2016
وكانت الساعه تمام الحادية عشر و الربع بتوقيت القاهرة
التكلف الأجمالية بالسلطات و البابا غنوج 500 جنيه
و تفضلوا بقبول فائق الأحترام

تقرير
محمد الطنانى

ياباشا فعلا الحمد لله واللى تخاف منه ميجيش احسن منه وربنا بيعينك لانك بتعين الناس هنا فعلا وده من دعاهم ليك بالخير فكان الله فى عون العبد ما كان العبد فى عون اخيه ربنا يبارك فيك دائما ويكرمك

طناني باشا انت رخصتك مكتوب فيها 2000 سي سي ولا 1999

الف مبروك الترخيص
انا رخصت بس ناقص مخلفات من الدراسة معرفش النيابات اشتغلت ولا لسه .

مبروك يا باشا .. و تقريبا رجب العسكري ده في بين السرايات صح ؟

اظن انك كده دفعت ضريبه سنه واحده
مبروك

ماشاء الله ربنا يباركلك ياطناني باشا
انا بقي محتاج دعواتكو
لان عليها مخالفه ام 526 جنيه (انتظار صف تاني) وعملت تظلم في الدراسه ومشالوهاش برضه وانا مستحرم ادفعها لاني معملتهاش وبيتي اولي بالمبلغ ده خساره ادفع مبلغ كده اتاوه لاني مجرد سايق عربيتي في حالي وحسبي الله ونعم الوكيل
وبس مش عارف اعمل ايه واهي الرخصه انتهت اهي :(

اقتباس:

---

المشاركة الأصلية كتبت بواسطة khalid_adel

ماشاء الله ربنا يباركلك ياطناني باشا
انا بقي محتاج دعواتكو
لان عليها مخالفه ام 526 جنيه (انتظار صف تاني) وعملت تظلم في الدراسه ومشالوهاش برضه وانا مستحرم ادفعها لاني معملتهاش وبيتي اولي بالمبلغ ده خساره ادفع مبلغ كده اتاوه لاني مجرد سايق عربيتي في حالي وحسبي الله ونعم الوكيل
وبس مش عارف اعمل ايه واهي الرخصه انتهت اهي :(

---

انا برضوا عليا 410 جنيه فأيه مش عارف ..

واضح كدا ان المرور فى مصر كلها حرامية عينى عينك

بس الف مبروك يا طنانى باشا وتدوبها فى الخير ان شاء الله

الف مبروك يا عم طنانى أنا دفعت تأمين اجبارى 108 جنيه فى السنه أنا كدا أنضحك عليا ولا ايه رغم عربيتى فيكترا ايه 1600 موديل 95 بالنسبه للمخلفات انا بردوا كان عليا مخلفة انتظار فى الممنوع ب 550 جند رغم انى معملهاش وكانت من المالك الأول وقولت لأخويا على انه ظابط مرور قالى انسى حتى لو انا معاك مش هقدر أعملك حاجه وحسبى الله ونعم الوكيل

مبروك
وبلاش تقتحم كماين تانى :)

مبروك عليك ياباشا
انا رخصة عربيتي منتهية من 3 / 2012 ومسحوبة من شهرين

اقتباس:

---

المشاركة الأصلية كتبت بواسطة adelhamed

طناني باشا انت رخصتك مكتوب فيها 2000 سي سي ولا 1999

---

2000 سى سى

اقتباس:

---

المشاركة الأصلية كتبت بواسطة s o p h o s

الف مبروك الترخيص
انا رخصت بس ناقص مخلفات من الدراسة معرفش النيابات اشتغلت ولا لسه .

---

شغاله

اقتباس:

---

المشاركة الأصلية كتبت بواسطة hossam99

مبروك يا باشا .. و تقريبا رجب العسكري ده في بين السرايات صح ؟

---

ايوه هو ده

اقتباس:

---

المشاركة الأصلية كتبت بواسطة hesham.h

اظن انك كده دفعت ضريبه سنه واحده
مبروك

---

ايوه سنه واحده اللى كانوا معايا

اقتباس:

---

المشاركة الأصلية كتبت بواسطة khalid_adel

ماشاء الله ربنا يباركلك ياطناني باشا
انا بقي محتاج دعواتكو
لان عليها مخالفه ام 526 جنيه (انتظار صف تاني) وعملت تظلم في الدراسه ومشالوهاش برضه وانا مستحرم ادفعها لاني معملتهاش وبيتي اولي بالمبلغ ده خساره ادفع مبلغ كده اتاوه لاني مجرد سايق عربيتي في حالي وحسبي الله ونعم الوكيل
وبس مش عارف اعمل ايه واهي الرخصه انتهت اهي :(

---

انتظار صف تانى ب 500 جنيه
ليه
انا عارف انها ب 50 بس
الا لو معاها تعطيل حركة سير

اقتباس:

---

المشاركة الأصلية كتبت بواسطة s o p h o s

انا برضوا عليا 410 جنيه فأيه مش عارف ..

---

ربنا يكون فى عونك

اقتباس:

---

المشاركة الأصلية كتبت بواسطة هيثم الدسوقى

واضح كدا ان المرور فى مصر كلها حرامية عينى عينك

بس الف مبروك يا طنانى باشا وتدوبها فى الخير ان شاء الله

---

ده اكيد
و الله يبارك فيك

اقتباس:

---

المشاركة الأصلية كتبت بواسطة loda80

الف مبروك يا عم طنانى أنا دفعت تأمين اجبارى 108 جنيه فى السنه أنا كدا أنضحك عليا ولا ايه رغم عربيتى فيكترا ايه 1600 موديل 95 بالنسبه للمخلفات انا بردوا كان عليا مخلفة انتظار فى الممنوع ب 550 جند رغم انى معملهاش وكانت من المالك الأول وقولت لأخويا على انه ظابط مرور قالى انسى حتى لو انا معاك مش هقدر أعملك حاجه وحسبى الله ونعم الوكيل

---

هى المخالفات غليت و لا ايه
اذا كان الردار ب 600
و هى المخالفه لوحدها و لا معاها تعطيل حركة السير

اقتباس:

---

المشاركة الأصلية كتبت بواسطة nab!l

مبروك
وبلاش تقتحم كماين تانى :)

---

عينى حاضر
انت السبب

اقتباس:

---

المشاركة الأصلية كتبت بواسطة mifs

مبروك عليك ياباشا
انا رخصة عربيتي منتهية من 3 / 2012 ومسحوبة من شهرين

---

انا مشيت بيها كتير
بس اتمسكت 3 مرات
مرتين عدوا و التلاته جبتها بالعافية

دلوقتى يا طنانى .... تتمسك أمن ونتانة .... ينفع كده يا راجل .... الراجل يقولك حتى اخبطها فوطة ..... ليه كده يا مان ..... هههههههههههه ...... حبيبى والله .
مبروك التجديد .... وعقبال ما تنقل الشقة الجديدة .... سلام يا صاحبى

ألف مبروك يا طناني .. أشوفك 2017 ان شاء الله :-)

اقتباس:

---

المشاركة الأصلية كتبت بواسطة neemoo

دلوقتى يا طنانى .... تتمسك أمن ونتانة .... ينفع كده يا راجل .... الراجل يقولك حتى اخبطها فوطة ..... ليه كده يا مان ..... هههههههههههه ...... حبيبى والله .
مبروك التجديد .... وعقبال ما تنقل الشقة الجديدة .... سلام يا صاحبى

---

والله لو عملوها مخالفه هاخدها وش كده
و قول يارب فى حوار الشقة دى

اقتباس:

---

المشاركة الأصلية كتبت بواسطة kar!m

ألف مبروك يا طناني .. أشوفك 2017 ان شاء الله :-)

---

ان شاء الله يا كيمو

اقتحام امين و التعدي علي الشرطه !!
ما شاء الله عليك :))
و كمان غيرت العربيه عشان متتعرفش :))
الف مبروك
و عقبالي عشان انا لسه ماشي برخصه اللي شاري منه العربيه (لسه لغايه مايو 2014 )

والله ياباشا المخالفه جبت تفاصيلها مكتوب: 20 جنيه انتظار صف تاني+500 جنيه تعطيل حركه المرور+6.5 مصاريف قضاءيه كل ده في مخالفه واحده في قصر النيل وانا عمري ماروحت هناك في اليوم اللي كاتبينه ده
يعني كده حادفعها وامري لله
حسبي الله ونعم الوكيل

اقتباس:

---

المشاركة الأصلية كتبت بواسطة hesham ahmed

اقتحام امين و التعدي علي الشرطه !!
ما شاء الله عليك :))
و كمان غيرت العربيه عشان متتعرفش :))
الف مبروك
و عقبالي عشان انا لسه ماشي برخصه اللي شاري منه العربيه (لسه لغايه مايو 2014 )

---

معاك محمد الطنانى
محاسب سابقاً
و سوبر مان حالياً
و انا للعلم رخصه المالك السابق مشيت بيها لغاية ما خلصت مدتها

اقتباس:

---

المشاركة الأصلية كتبت بواسطة khalid_adel

والله ياباشا المخالفه جبت تفاصيلها مكتوب: 20 جنيه انتظار صف تاني+500 جنيه تعطيل حركه المرور+6.5 مصاريف قضاءيه كل ده في مخالفه واحده في قصر النيل وانا عمري ماروحت هناك في اليوم اللي كاتبينه ده
يعني كده حادفعها وامري لله
حسبي الله ونعم الوكيل

---

مش باقولك فيها تعطيل حركة سير
ربنا يكون فى عونك
الظلم وحش

اقتباس:

---

المشاركة الأصلية كتبت بواسطة tananybasha

معاك محمد الطنانى
محاسب سابقاً
و سوبر مان حالياً
و انا للعلم رخصه المالك السابق مشيت بيها لغاية ما خلصت مدتها

---

المهم .... احمد عمل ايه في الامتحان ؟؟؟

لسه
ربنا يكرمه و يخلصنا عشان نرتاح من زن امه على دماغنا كلنا

بالتوفيق ان شاء الله ... ربنا ينجحه و يطلع الاول كمان