مقـابلة قسم نيسان :: 11 :: يوم الجمعة القـادمة 11 يناير بمطعم اوكسيد بمنطقة 6 اكتـوبر

**Ahmed.TV** · 06-01-2013 01:57 AM

استكمالا لمسيرة الترابط الاخوى الذى هو هدفنا فى قسم نيسان وجميع اقسام منتدى نايل موتورز
ندعوا اعضاء قسم نيسان

وجميع اعضاء نايل موتورز جميعا

لحضور المقابلة الحادية عشر لقسم نيسان

هدف المقابلة :

- بقالنا فترة مش اتجمعنا فى مقابلة كبيرة عشان نشوف بعض لان امور الحياة شغلتنا كتير عن بعض
- نتمنى نتعرف بالاعضاء الجدد ونتشرف فيهم
- نتنمى نشوف ونتعرف على الاعضاء اللى بيشروفنا بمشاركتهم من خارج قسم نيسان .. ونلتقى بيهم عن قرب
- مشاهدة تعديلات سياراتنا ونجرب السيارات
- الحديث الشيق عن السيارات والمميزات والعيوب والمشاكل
- البحث عن تطوير اهداف قسم نيسان والبحث عن تطوير الخدمة لصالح الاعضاء داخل القسم
- مناقشة بعض الافكار الجديدة لقسم نيسان مع التوكيل الفترة المقبلة
- سوف استلم كيت ريموت الصنى فى خلال اليومين القادمين وسوف يتم توزيع كييت الريموت الدفعة السادسة فى يوم المقابلة
- حجز الدفعة الجديدة السابعة لكيت ريموت الصنى

الميعاد : الجمعة 11 يناير
المكان : مطعم برجراوكسيد فى منطقة 6 كتوبر عند بنك فيصل الاسلامى بعد جامع الحصرى
التوقيت : الساعة 2

منيو مطعم اوكسيد

والمفاجاءة للاعضاء قسم نيسان

خصم 10%

انا روحت بنفسى المطعم .. واكلت فيه
هو مطعم زميلنا اوخونا احمد ابو النور
ربنا يباركله فيه .. ويرزقه الخير دايما

بصراحة اللى عجبنى فى الاكل انهم بيعملوا لحمة الهامبرجر بنفسهم اكنه بيتى مش جاهز .. واللحم صافى 100% مفيش مواد حافظة فيها ومفيش فول صويا على عكس المطاعم الاكل الجاهزة اللى لحمة الهامبرجر فيها بتكون قليلة وبيكون المواد الحافظة فيها كتير وبتنشف الريق

وفعلا لما اكلت استمتعت بطعم الاكل وروحت لاحمد هناك 3 مرات
واخدت اسرتى معايا

الساندوتش الواحد كبير ومشبع جدااااا .. ولو اخدت معاه بطاس هولندية .. مش حتقدر تكمله فعلا .. وده عن تجربة والصور وحسين جمال يحكم ههههههه

احمد عملنا بمناسبة التجمع عنده خصم 10% .. وطبعا غير الاستضافة .. لان المطعم بيقدم اكلات تيك واى .. ولكن حيجهز لنا كراسى وترابيزات عشان نقعد

والميزة ان قدامه جراج واسع كبيرررررررررر بين بنك فيصل وبنك الاسكان والتعمير .. عشان نركن براحتنا .. وكمان نجرب عربيات بعض .. واللى عايز يعمل دريفتات كمان ويعيش حياته حيعمل .. لان الساحة كبيرة وواسعة

**Dr'AhmZZong** · 06-01-2013 02:28 AM

نفسي آجي بس صعب جدا ما أنت عارف اللي فيها مطحوووووووون :(((

**DarkMagician** · 06-01-2013 02:33 AM

بسم الله الرحمن الرحيم

باذن الله تعالى انا معاكم في المقابلة ان شاء الله

وانا مبسوط جدا رجوعك كان معاه هدية جميلة جدا
هي تجميعنا التجمع الاخوي اللي الواحد محتاج جرعة اخوة في الايام الصعبة دي

وان شاء الله يكون يوم جميل ومقابلة جميلة
جزاك الله خير يا احمد

**Ahmed.TV** · 06-01-2013 03:14 AM

المشاركة الأصلية كتبت بواسطة ahmazong

نفسي آجي بس صعب جدا ما أنت عارف اللي فيها مطحوووووووون :(((

ان شاء الله حتيجى يا لزج .. زى ما اتفقت معاك .. واللى طلبته منى حنفذه يالزج

وبعدين عايزين نقضى وقت جميل ان شاء الله فى اكتوبر .. ده انت ملك 6 اكتوبر .. ظبطنا هناك .. بعد ما نمشى من عند احمد على اخر النهار .. ونعمل دريفتات بالصنى .. بس يارب الماتور ميفوتش بتعها هههههه .. نبقا نروح الكاركير اللى قولتلى عليه ونقعد فى اى كافيه باليل

المشاركة الأصلية كتبت بواسطة darkmagician

بسم الله الرحمن الرحيم

باذن الله تعالى انا معاكم في المقابلة ان شاء الله

وانا مبسوط جدا رجوعك كان معاه هدية جميلة جدا
هي تجميعنا التجمع الاخوي اللي الواحد محتاج جرعة اخوة في الايام الصعبة دي

وان شاء الله يكون يوم جميل ومقابلة جميلة
جزاك الله خير يا احمد

حبيبى يا اوس اوس .. تسلم على محبتك الغالية واللى من القلب .. وفعلا كلامك صح .. لاننا فى الايام دى فى الحياة محتاجين اننا نتلم مع بعض .. لان الحياة بقت صعبة .. وماليانة ضغوط

وان شاء الله حتنورنا .. ونتجمع على خير مع الصقور .. ونقضى وقت جميل

**M.Nabeeh** · 06-01-2013 04:34 AM

معاكم في الليله دي
ويارب نتبسط كلنا

**alaamousa** · 06-01-2013 04:57 AM

ان شاء الله يا نسور اكون معاكم بامر الله واتكلم مع الناس المحترمة اللي منورين القسم

**alaamousa** · 06-01-2013 04:59 AM

ياريت يا احمذ الخريطة عشان الموضوع يكون اسهل بامر الله

-

-

الموضوع: مقـابلة قسم نيسان :: 11 :: يوم الجمعة القـادمة 11 يناير بمطعم اوكسيد بمنطقة 6 اكتـوبر

LinkBack

أدوات الموضوع

عرض

مقـابلة قسم نيسان :: 11 :: يوم الجمعة القـادمة 11 يناير بمطعم اوكسيد بمنطقة 6 اكتـوبر - انشر الموضوع فى :

-

-

-

-

-

المواضيع المتشابهه

بنـجاح منـقطـع النظــير .. مقـابلة قـسم نيسان السابـعة برعـــاية اتــو ايـجيبت نيـسان

المقابلة الخامسة لصقور نيسان يوم الجمعة 17/6

حد يعرف هيدونا يوم اجازة رسمى بدل يوم الجمعة 7 يناير؟

هام جدا: كسوف للشمس غدا الجمعة 15 يناير.

اعلان عقد مقابلة استثنائيه الجمعة القادمة 11 يناير 2008

الكلمات الدلالية لهذا الموضوع

المفضلات

المفضلات

ضوابط المشاركة