السلام عليكم هحكيلكو قصتي مع محمد اصلان انا من اسبوعين كنت طلبت من المنتدي حد يعرفني ميكانيكي للفيليشيا بتاعتي يكون محترم يغيرلي جوان وش السلندر فكانت كل الترشيحات بتقول اروح لمحمد اصلان المهم روحتله حل الوش لقاه مقفع و مش هينفع يتخرط و بص علي الموتور انا خبرتي في العربيات شبه منعدمه المهم قاللي الوش عايز يتغير كله تجيبه من عزبه شلبي و لو تحب انا عندي وش اهو عامل الف جنيه و دا سعره هناك بدل ما تدب المشوار انا قلت اريح دماغي و خدته منه المهم خلص الشغل تمام و خد مني 150 مصنعيه و تمن الوش و جبنا الجوان و اتركب تمام الاقيه ييجي يقولي بص نصيحه ليك غير الموتور كمان عشان بيرزع و انا عندي موتور اهو عامل الفين و نص لو تحب قولتله شكرا لما جيت قلت للمنسي علي المشوار قاللي لما هوا كان شايف من الاول ان الموتور بيرزع ليه مقالكش ووفر عليك تمن الوش من الاول المهم شكله كان عايز يعمل شغل عليا و انا الحمد لله العربيه تمام و نصيحه ليكم لو حد مبيعرفش في العربيا اوي يروح معاه حد بيفهم عشان هيتضحك عليه اكيد هوا شغله نضيف بس لو حس انك مش فاهم هيلعب بيك