هل في عمر إفتراضي لزيت المحرك؟

**Sailor** · 23-07-2008 11:03 PM

يا جماعة يا ريت حد يفيدني .... هو في مدة محددة لبقاء الزيت في المحرك بغض النظر عن الكيلومترات ولا لأ. أصلي بسافر كتير و عايز أحط موبيل 1 و ده 10,000 كم. فبالشكل ده ممكن يقعد 8 أو 9 شهور و ممكن أكثر قبل ما احتاج أغيره فهل فيها مشكلة كدة ولا لأ.
أرجو الإفادة و شكرا.

**sherif_84** · 23-07-2008 11:54 PM

بص يا باشا هى 9 شهور مدة كويسة جدا على بقاء الزيت فى الموتور لو انت مامشتش الكيلومترات المطلوبة للزيت وكمان انت بتحط موبيل وان يبقى كويس جدا لانه بيبقى محتفظ بلزوجته فترة طويلة يعنى ممكن بعد الـ 9 شهور تلاقيه نازل كويس وان شاء الله مافيش مشاكل

**Sailor** · 24-07-2008 12:04 AM

الف شكر يا باشا على الإفادة السريعة. أصلي كنت سمعت إن الزيت المفروض أخره ست شهور فهل دي بأه إفتاء كالعادة ولا الموضوع مرتبط بنوع الزيت ولا إيه؟

**sherif_84** · 24-07-2008 12:20 AM

هو مرتبط برضو بنوع الزيت اللى انت بتحطه يعنى ماتجبش موبيل وان زى موبيل Xhp مثلا او شل هيليكس لان موبيل وان لزوجته عاليه وأنا أوكدلك ان بعد الـ 9شهور هتلاقيه نازل كويس ان شاء الله بس عيبه الوحيد سعره ارتفع قوى ( منهم لله ) تقريبا بقى بـ 245 جنيه !!