مركز صيانه متخصص بالاسكندريه

**ESSWAR** · 25-06-2007 09:59 PM

ارجو من الساده الاعضاء ذو الخبره فى الاوكتافيا - اريد ان اعرف مركز صيانه معتمد بالاسكندريه حيث اننى اشتريت سياره اوكتافيا A5 وذهبت اليوم لعمل صيانه الالف كم بمركز نور الدين بالاسكندريه واصبت باحباط شديد من مستوى الخدمه ومستوى المركز ابتداء من الاستقبال الى مشاكل مع العملاء الاخرين حتى مستوى صاله الانتظار حقيره جدا بالمقارنه بايتامكوا او مركز صيانه تويوتا - حيث انى كنت املك سياره هيونداى ثم تويوتا والان اشتريت اوكتافيا نظرا لان الكثير يشكر فيها - برجاء افادتى بمركز اخر بالاسكندريه وان لم يوجد (حيث انى سألت بعض الاصدقاء واخبرونى بذلك ) فبرجاء اخبارى عن مستوى المركز الرئيسى بالقاهره ومكانه
ولسيلدتكم جزيل الشكر

**goodwave** · 27-06-2007 12:00 PM

السلام عليكم

بخصوص مركز صيانة سكودا
في مركز اسمه "كوين موتورز" ودة في محرم بك على الترعة وهم ناس محترمه جدا وعندهم امانة "لحد علمي"
انا معملتش عندهم صيانة بس واحد زميلي بيعمل عندهم صيانة دورية للفليشيا ومبسوط معاهم
خبرتي معاهم اني اخدت عربية فليشيا كنت ناوي اشتريها و طلبت عمل كشف بيع وشراء ب 75 جنية. هما فحصوا العربية "فلوها" وادوني تقرير وافي ودقيق عن حاجات فيها حتى صاحبها ماكانش يعرفها عن العربية

هذة تجربة شخصية ومرة واحدة بس اخدت انطباع جيد

ربنا معاك وانا ممكن اوصفلك المكان بتفاصيل اكتر لو تحب تروح ومبروك عليك العربية

goodwave

**ESSWAR** · 27-06-2007 10:15 PM

الاخ الكريم
اشكرك كثيرا على الاهتمام والرد
برجاء وصف المكان

**goodwave** · 28-06-2007 09:45 AM

السلام عليكم

وانت جاي من البلد ورايح كارفور ما تتلعش الكوبري انزل من جنبة كانك رايح محرم بك و عدي شريط الترام وكمل على طول لحد ما تشوف الترعة احود يمين وخليك ماشي بمحاذاة الترعة حوالي 300 متر حتلاقي عمارة عالية التوكيل تحتها بالظبط.

بالتوفيق

goodwave