اللي مجربين بروسيسور amd

**h_shahin** · 07-01-2013 01:48 PM

معظم الناس بتفضل معالج إنتل لإنه هو المنتشر أكتر
زى ما معظم الناس كانت بتشترى نوكيا كده زمان

يعنى التفضيل بيبقى للرائج أكتر بغض النظر عن الموصفات الفنية

أعتقد بروسيسور AMD لا يقل عن Intel بل يتفوق عليه أحيانا
و كل ما يشاع فى السوف ما هو إلا إشاعات بدون دليل عملى

**hazoom2006** · 07-01-2013 02:24 PM

المشاركة الأصلية كتبت بواسطة h_shahin

معظم الناس بتفضل معالج إنتل لإنه هو المنتشر أكتر
زى ما معظم الناس كانت بتشترى نوكيا كده زمان

يعنى التفضيل بيبقى للرائج أكتر بغض النظر عن الموصفات الفنية

أعتقد بروسيسور amd لا يقل عن intel بل يتفوق عليه أحيانا
و كل ما يشاع فى السوف ما هو إلا إشاعات بدون دليل عملى

amd كانت بتتفوق على intel من 4 سنين فى البروسيسورات low end &mid
لكن فى high end التفوق ل intel

انا مش بدافع عن الانتل وبهاجم الية ام دى (الجهازين اللى عندى amd ) بس انا كمستهلك يهمنى السعر مقابل الاداء اللى حاليا intel بتحقق المعادله دى فى معظم بروسيسوراتها

**M.Mosaad** · 07-01-2013 05:20 PM

المشاركة الأصلية كتبت بواسطة tutankhamoun

أولا ألف شكر على الرد .
ثانيا .... ممكن أعرف أداء الجهاز زي ما هو من يوم أشتريته
يعني مش بتحس ان البروسيسور بيهنج أو بيسخن لو حملت عليه ؟

آسف على الأسئلة الكتيرة بس واحد شككني في البروسيسور و بطريقة تخليك تصدق .

أنا مُقبل على شراء واحد رباعي النواه أو سداسي النواه لسة ما قررتش .

دة تاني جهاز amd اجيبه و ادائه زي الفل - بس هاتله بوردة محترمه و استفاد بفرق الفلوس بينه و بين الانتل في كارت شاشه محترم

**Forever.Leo** · 07-01-2013 08:02 PM

ال AMD كان متفوق على Intel في فترة البروسيسور pentium من انتل .. اما بعد ان اطلقت انتل معالجات Core و Core I على الخصوص .. اصبحت هناك مسافة بين الشركتين لصالح انتل .

**مواطن مصرى** · 07-01-2013 08:26 PM

انا جهازى الشخصى فيه AMD Phenom 955 و ممتاز جدا جدا عمره ما سخن او عمل اى مشكله او هنج و جربت انزل عليه ويندوز 8 كمان و اشتغل زى الفل ..

AMD ميزتها انها عامله كذا عائله و موديل بكذا تكنولوجيا و سعر منافس علشان تحقق اكبر انتشار ممكن
AMD Athlon - AMD Phenom - AMD Liano - AMD FX
على العكس من انتل اللى كل عائلتها مصدرها تكنولوجيا واحده مع فرق الانويه و الكاش ..

ده غير ان AMD اشترت شركه ATI بتاعت الجرافيكس و عملت عائله AMD Liano المخصصه للجرافيكس و الالعاب و التصميمات و دعمت كل الـ Motherboards المبنيه على AMD بتكنولوجيا جرافيك تغنيك احيانا عن شراء كارت شاشه منفصل بمبلغ كبير