تغيير زجاج فتحة سقف النترا 2012

**alpop1976** · 06-01-2013 11:19 AM

ياجماعة ياريت تفيدونى ..... انا معايا النترا 2012 وزجاج فتحة السقف اتكسر وعايز اغييره ومش عارف اروح فين وكلمت التوكيل بيقولولى ب 5000 جنيه

**Land_Cruiser** · 06-01-2013 11:28 AM

لا حول و لا قوه الا بالله. اسأل فى دكتور جريش للزجاج احتمال يقدروا يفيدوك و ممكن تجيب أرقامهمم من الدليل او ممكن تشوف الاستيراد نظامه ايه برضه فى الحرفيين. على فكره حضرتك عامل الموضوع فى قسم خطأ و يستحسن تطلب من الاداره نقله لقسم هيونداى او على الاقل القسم العام للسيارات

**alpop1976** · 06-01-2013 11:47 AM

شكرا لاهتمامك وسرعة الرد ... انا فعلا بتصل بجريش ومافيش حد بيرد عليا ... وبالنسبة للموضوع انا لسة جديد فى المنتدى ودى اول مشاركة ليا وعلى قدى لسة

**alpop1976** · 06-01-2013 12:03 PM

ياجماعة ياريت تفيدونى ..... انا معايا النترا 2012 وزجاج فتحة السقف اتكسر وعايز اغييره ومش عارف اروح فين وكلمت التوكيل بيقولولى ب 5000 جنيه

**original** · 06-01-2013 03:52 PM

روح لأى حد بتاع إزاز محترم هيجيبهولك حتى لو مش عنده ده إذا كان المصانع اللى فى مصر بتنتجه طبعا!! إللا لو التوكيل جايبه من بره بس أشك فى التوكيل..

**atyam** · 06-01-2013 07:29 PM

فعلا جريش احسن حل ليك وسيبك من التوكيل فى موضوع الزجاج ده وخليك وراهم عشان هما اكيد بس اجازة عشان الاعياد

**mahmoud_afifi** · 06-01-2013 07:50 PM

انزل شوف في الحرفيين. انا كنت في الحرفيين من كام يوم وشفت انصاص النترا جديده كتير يعني ان شاء الله تتوفق وتلاقي وعلى الاقل هيكون اصلي. سيبك من جريش عشان الازاز بتاعهم ضعيف جدا ومجربه في ازاز امامي.