الموضوع: الدولار يرتفع 10 قروش فالعربية يزيد سعرها 10000 جنية

المشاركة الأصلية كتبت بواسطة midnightman_74

الدولار زاد ٤٠ قرش مش عشرة .....

طيب لو حسبناها بالورقه والقلم ال 40 قرش دول يزودو 10000 جنيه !!!!!!!!!!!

المشاركة الأصلية كتبت بواسطة midnightman_74

الدولار زاد ٤٠ قرش مش عشرة .....

ماشى ....
الدولار زاد 40 قرش ....
أزاااااى بقى ال 40 قرش دول يزودوا سعر العربية أكتر من 10000 جنية؟؟!!

المشاركة الأصلية كتبت بواسطة midnightman_74

إللى بيشلنى ان يقولك لا مساس بمحدودى الدخل

ههههههههههههههههه ....
هو فعلآ محدش هيقدر يمس محدودى الدخل لأن كلهم هيموتوا من الجوع والغيظ ....

غبور نصاب اساسا ،
كيا زادت ٣ الاف و رينو زادت ٣ بردو بس غبور عامل من بنها و زود ١٠ الاف ( ايموشن اهو غلاسه كده)

المشاركة الأصلية كتبت بواسطة midnightman_74

لو حسبت سعر الدولار مقارنة من تلات شهور
تقدر تقول ان سعر الدولار زاد تقريبا ١٠ ٪ بسعر السوق السوداء إللى موجودة دلوقتى
يعنى تضرب سعر العربية فى ١٠ ٪ زيادة
المشكلة ان الدولار لسة بيزيد كل يوم
يعنى إللى عايز يشترى يجيب دلوقتى
لان كل يوم هتمسع سعر تانى
ولسة لما الضرائب الجديدة هتطبق هتلاقى كلة زاد تانى
إللى بيشلنى ان يقولك لا مساس بمحدودى الدخل

كلامك سليم و لسه الاسعار حتزيد مع فرض الضرائب .
و فى تعريف محدودى الدخل عند الحكومه هو اللى مش لاقى ياكل و عدم مساسه مش رحمه منهم لانهم مش حيقدروا يمصه دمه و يفرضوا عليه ضرائب . اما المواطن البسيط اللى عايز يرحم نفسه و عيلته من بهدله المواصلات و عايز يشترى عربيه جديده فده يستاهل فرض الضرائب لغايه ما يبقى من معدومى الدخل .
اما المصيبه الكبرى المواطن اللى عايز يشترى عربيه نضيفه عربيه العمر زى مابيقولوا و ممكن يكون حاطط فيها تحويشه العمر يعنى مش ميليونير و لا حاجه . ده يجب القصاص منه فى سعر العربيه و البنزين و اسعار قطع الغيار لغايه ما يكره البلد و العيشه و اللى عايشينها . كام واحد مننا خايف يجيب عربيه نضيفه فى البلد دى حتى لو معهوش غير تمنها و يمكن دافع مقدم و حيقسط الباقى للأسباب اللى قلتها .
معلش طولت بس كنت محتاج افضفض و ربنا قادر يعدل الاوضاع من عنده .