معاملة سيئة جدا من توكيل رينو فرع المقطم

كنت بدور علي ميجان و لقيت واحدة مو 2006 هاتش باك بانوراما ماشية 70 الف كيلو ب 70 الف جنية المهم توجهت الي توكيل رينو فرع المقطم بعد الحجز المسبق قبل الذهاب ) المهم مهندس اسمه ( عمرو سلامة ) بص علي العربية كده و قالي العربية ملعوب في عدادها و مغيرة قواعد و كذا و كذا ...... و هتحتاج فحص و هتستلمها يوم الثلاثاء !!!!!!!! قولتو ازاي يومين فحص !!! المهم قالي هو النظام كدة عندنا بكل قلة ذوق ....... مشينا انا و الراجل شوية كدة و روحت انا لوحدي عند المهندس ( عمرو سلامة ) قالي انت الي هتشتريها قولته ايوة ... قالي طيب مبروك عليك بكل قله ادب !!! قلتله فين مدير الصيانة و الكشف
المهم قابلت المدير مش فاكر اسمة بس محترم جدا و رحب بيا و قالي معلش يا استاذ في ضغط شغل عشان بكرة اجازة و لو هتيجي الثلاثاء هنخلصهالك ان شاء الله

المهم انا بس مستعجب من المقابلة الزبالة بتاعت المهندس !!!! و انا الي بسمعمو عن توكيل رينو ان هو توكيل محترم ....... مش معاملة سيئة .... كأني بشحت منه ..........


انا صرفت نظر عن العربية من غير مفحصها خلاص و بدور علي حاجة تانية و ياريت حد يفيدني في موضوع الفحص ده عشان سمعت كمان ان فرع المقطم مفيهوش بودي ( فيه ميكانيكا بس ) ..... ياريت الاخوة الاعضاء يفيدوني اعمل الفحص في انهي فرع او مركز معتمد يكون كويس
و معلش طولت عليكم

الاحسن تحجز الاول وتروح فرع العبور

كل توكيل فى البلد لاى نوع عربيه ... هتلاقى فيه المؤدب الخدوم المستمع الجيد وهتلاقى فى المقابل ........... و ................. و .............

ناس كتير شكررت فى العبور

هو المقطم اقدم واحد و فيه احسن الصنايعيه بس فيه برضه شويه اهمال من ضغط العربيات عليهم، على فكره هو عمرو ده شخصيه بارده كده مع اغلب الناس و عمل حاجات زى كده معايا و مع ناس تانيه ادامى، انما باقى الناس كويسين الصراحه، لو روحت تانى متخليهوش هو اللى يستلم منك، مش عارف هو شايف نفسه اوى على ايه كده!! ممكن تروح العبور و نصيحه بلاش الميكانيكيون العرب عشان سمعتهم فى موضوع البيع و الفحص ده بالذات زباله و شوفت الكلام ده فى اكتر من موضوع هنا فى المنتدى، الناس اشتكت انهم كانوا متفقين مع البايع خاصه التجار!!!!

الكشف فى المقطم فيه كل حاجه ميكانيكا و سمكره و كهرباء

عليك و علىالعبور احسن معاملة و الفنين محترمين جدا و خصوصا هناك امجد محترم اقصى مما تتخيل و معلش على اللى حصل انا معايا ميجان و عمرى مارحت المقطم عشان المعاملة بتاعتهم دايما فى العبور

عندك حق المهندس ده برضوا كلمني قبل كده بطريقة مش محترمة علشان معجبنيش التاخير في استلام العربية وانا عملت شكوى في خدمة العملاء بس بصراحة اليوم ده طلبت مدير الصيانة ورد عليا رد محترم ومهذب جدا ولما كلمت خدمة العملاء شكرت في ادب الراجل ده صراحة
بس فعلا كل مكان فيه الكويس والوحش بس انا بعد كده بيقت اروح فرع العبور وهما ناس كويسين جدا

طيب شكوى بسيطة لرينو من سوء المعاملة على الموقع الالكتروني وشوف النتيجة ايه !!!

من خلال تجربة توكيل المقطم فى ناس كتير محترمة جدا .. ولكن اكيد مش كلهم
للاسف عمرو سلامة تحديدا معاملتة سيئة جدا علشان كدة كنت بطلب كل مرة اى مهندس تانى يستلم منى العربية فى الصيانة ..

اقتباس:

---

المشاركة الأصلية كتبت بواسطة ashour100

طيب شكوى بسيطة لرينو من سوء المعاملة على الموقع الالكتروني وشوف النتيجة ايه !!!

---

+111
خللى حضرتك ايجابى فعلا و اعمل شكوى فيه على الموقع الالكترونى و حط فيها كل المعلومات و الموقف بالتفصيل بالظبط زى ما حصل و انتظر النتيجه . دى مشكله مع مهندس و بالتالى مش شرط ان التوكيل كله يبقى سىء و تعامل التوكيل مع الشكوى و مدى اهتمامه بها ده اللى ممكن يستخدم للحكم على التوكيل و مدى اهتمامه برضاء العملاء

أنا مع رأي انك تقدم شكوي ... أنا اتعاملت مع عمرو سلامة ده لما جئت اشتري عربيتي و حسسني أني هشتري حاجة زبالة ... المهم اشتريت العربية برضه و لما رحت اعمل اول صيانة كان فاكرني و أتعامل معايا ببرود و جليطة و حسسني أني بشحت منه انه يعمل صيانة


أنا بصراحة اتخنقت و قلت والله ما هروح الفرع ده علشان البني ادم ده و حاليا أنا بروح يا اما العبور او فرنش موتورز تعامل أحسن بكتير

أنا مع رأي انك تقدم شكوي ... أنا اتعاملت مع عمرو سلامة ده لما جئت اشتري عربيتي و حسسني أني هشتري حاجة زبالة ... المهم اشتريت العربية برضه و لما رحت اعمل اول صيانة كان فاكرني و أتعامل معايا ببرود و جليطة و حسسني أني بشحت منه انه يعمل صيانة


أنا بصراحة اتخنقت و قلت والله ما هروح الفرع ده علشان البني ادم ده و حاليا أنا بروح يا اما العبور او فرنش موتورز تعامل أحسن بكتير

طبعاً أى واحد منكم يفكر أنه ميروحش فرع معين علشان شخص قليل الذوق يبقى غلطان.

فيه حاجة أسمها مدير خدمة ما بعد البيع أو مدير الصيانة ...... تطلب تتكلم مع أى واحد منهم و تعمل شكوى طالما ده العادي من الشخص ده مش مجرد مرة و خلاص.

لو عاوز تكشف أحجز و حاول تروح العبور أو من غير حجز روح على فرنش موتورز فى الرحاب.

فعلا عندك حق فى شكاااااوى كتير اوى من مركز خدمة المقطم
دليل المقطم

مش بس معاملة سيئة ، لكن استغلال لاقصى درجة ، رينو كادجار صيانة ال8000 كيلو ب 2300 جنية مع قلة ادب وسفالة ، كرهونى فى العربية وعارضها للبيع .

أرجو متابعة النشر وبخاصة عن نتيجة الشكوى المقدمة إلى الشركة.. لعلها تطلع شركة محترمة وتتخذ إحراء رادع تجاه مهندسها القبيح.

حضرتك عاوز تبيع الكادجار علشان مصاريف الصيانة بس و لا في سبب تاني؟