عمل نسخه علي ريموت الانذار

**Elsebily** · 06-01-2013 12:40 PM

امبارح رحت شركة عبر البلاد اللي في جسر السويس وكنت عاوز اعمل نسخه ريموت الانذار الوولف ولكن لقيت اني كل اللي عندهم ريموت منفصل عن المفتاح والشكل اللي كان موجود كمان معجبنيش فقلتله اني عاوز ريموت بالمفتاح مش منفصل فقالي انهم بيعملوه في المصنع اللي في 6 اكتوبر وبصراحه مشوار عليا او اني اسيبله المفتاح واجي بعدها بيومين و بصراحه الاقتراحين معجبونيش المهم اني فيه واحد صاحبي قالي انه ممكن اجيب ريموت بمفتاح من اي محل بره وهما يبرمجهولي السؤال بقي انه هل اي مفتاح ينفع يتبرمج علي الوولف ولا الوولف ليها مفتاح خاص بيها بيتبرمج عليها ؟؟؟؟؟؟؟؟؟؟؟؟؟؟؟؟؟ ولا اروح 6 اكتوبر وامري لله وياريت لو فيه حد يعرف اماكن حد في التوفيقيه او في شارع دمشق ممكن يعملي نسخه عالريموت بالمفتاح يكون افضل

**Elsebily** · 07-01-2013 01:53 PM

إيه ياجماعه هو للدرجادى الموضوع غامض

**kreka** · 07-01-2013 02:09 PM

ممكن بعد إذنك عنوان المحل اللى فجسر السويس والمصنع اللى فاكتوبر ... عشان عندى جهاز انذار ومش عارف اركبه عشان الريموت التانى ضايع ... وهل بيعملوا ريموت لأى نوع ولا وولف بس ؟

**Elsebily** · 07-01-2013 03:57 PM

المشاركة الأصلية كتبت بواسطة kreka

ممكن بعد إذنك عنوان المحل اللى فجسر السويس والمصنع اللى فاكتوبر ... عشان عندى جهاز انذار ومش عارف اركبه عشان الريموت التانى ضايع ... وهل بيعملوا ريموت لأى نوع ولا وولف بس ؟

هو اسمه عبر البلاد للصناعه والتجاره في جسر السويس وهو علي امتداد شارع جسر السويس خلف سوق القنال ومواعيدهم كل يوم من 9 الي 5 ماعدا الجمعه والمصنع بتاعهم موجود في المنطقه الصناعيه مجمع الاردنيه ورا مصنع سوزوكي ومرسيدس ومواعيدهم كل يوم من 9 ل 5 ماعدا الجمعه والسبت أما بالنسبه لموضوع الريموت لأي نوع فمش عارف بس ممكن تتصل بيهم علي ارقامهم 26234729 (الشركه) و 38335775 (المصنع) بس هما اجازه النهارده تقريبا لاني عمال اتصل بيهم عشان موضوع المفتاح بتاعي ومبيردوش

**ggaamm** · 08-01-2013 01:03 AM

ياااااااااااااااه ده انا دايخ على حد يعملى نسخة للريموت
بجد انت جيتلى نجدة :)

يارب يكونوا بيطلعوا على الأسباى اللى بشاشة

**Egyzizo** · 08-01-2013 01:16 AM

المشاركة الأصلية كتبت بواسطة ggaamm

يارب يكونوا بيطلعوا على الأسباى اللى بشاشة

يا ريت فعلاً ، علشان أنا عندى الشاشة شيعت من زمان

**Elsebily** · 08-01-2013 02:20 PM

المشاركة الأصلية كتبت بواسطة ggaamm

ياااااااااااااااه ده انا دايخ على حد يعملى نسخة للريموت
بجد انت جيتلى نجدة :)

يارب يكونوا بيطلعوا على الأسباى اللى بشاشة

اظاهر اني الموضوع جديد ولا ايه مع اني اعتقد اني فيه كتير طلعو علي ريموت الانذار بس مش عارف مختفيين ليه عامة لو اتصلت بيهم ياريت تعرفنا ايه بقية الانواع اللي بيقبلوها