لاصحاب الخبرة ارجوا الافادة

**caspier** · 06-01-2013 03:40 PM

اشتريت سيارة نصر 128 موديل 80 بعد يومين من شراء السيارة وجدت بارومة وتأكل حتى اني رايت الارض في دواسة السيارة الشمال اسفل السائق وبارومة ايضا في الكارتيرتين الخلفيتين وثقوب لا ترى من الشنطة ولكن ترى من اسفل التجويف مع العلم ان الحوض والقوائم و الشاسية والسقف والكارتيرات الامامية جيدة جدا. انا محتار ولا اعرف هل يمكن اصلاح هذه المشاكل ام ان هذه المشاكل لا يمكن اصلاحها ؟ واذا امكن اصلاحها فكم من الممكن تكون التكلفة ؟ وما هي طريقة الاصلاح ؟ وهل سيؤثر على متانة السيارة ام لا ؟

اسف على الاطالة ولكم جزيل الشكر ,,,

**original** · 06-01-2013 04:02 PM

كل ده بيتصلح ماتقلقش ومابيأثرش على حاجة والتكلفة حسب السمكرى!! يعنى ممكن واحد ياخد 500 جنيه ويعمللك كل اللى فيها..

**caspier** · 06-01-2013 04:54 PM

انا متشكر جدا على مرورك واهتمامك

**kayson** · 06-01-2013 08:17 PM

كل ده عادى جدا الدواسات بيقص البارومة و بيعمل غيرها و الكرتيرات ممكن كلها تتغير كل ده عادى بس شوف سمكرى كويس

**caspier** · 08-01-2013 08:44 AM

انا متشكر جدا وبجد انتوا طمنتوني انا كنت قلقان وحاسس ان العربية دي مشممكن تتصلح تاني بسبب موضوع الكارتيرات شكرا جدا لاهتمامكم

**caspier** · 10-01-2013 11:31 AM

يا جماعة انا لقيت كمان شرخ صغير جنب الكارتيرة الامامية الشمال واصل الي حرف الشاسية بس مش موجود في الشاسية وكمان لقيت ان الصاج الامامي الي تحت الركب دي خفيف وبه صدأ لكن مفهوش بارومة والكارتيرة اليمنى مفهاش شرخ بس برده الصاج خفيف وبه صدأ بدون بارومة هل يمكن اصلاح الشرخ ام لا ؟