هل التقسيط الاسلامي يوجد به فوائد

**OlaOsman** · 25-07-2008 09:21 PM

متابعة باهتمام شديد

**pointer** · 26-07-2008 04:17 AM

يا جماعه هو في تقسيط مش اسلامي
ده ناقص يقولوا ربا اسلامي
يا اخونا لازم نتحري في الكلام ده ونخده من حد ثقه خد معاك ورقه وقلم وخلي مندوب المبيعات يشرح لك النظام واطحنه اسئله وكمان بتاع التامين و البنك ومتسبش اي نقطه وخلي بالك من النقط اللي بيعدوها و اطلع علي دار الافتاء ((( ببلاش)))) وقوله النظام بامانه وهو اللي هيقول لك
المشكله معقده مش سهله وهم لهم خبره في الموضيع دي كام سؤال ويدلك علي المفيد
لو قال حجه غلط هيشيل هو ذنبها بس انت الامانه في نقل المعلومات
والله اعلم

**som3aa** · 26-07-2008 09:19 PM

تعرفه منين؟؟؟ .. وما هي الأسانيد والأدلة يا أخي العزيز .. المسألة مش وجهات نظر وبس المسألة علم واجتهاد من متخصصين .
راجع اللينك السابق في مداخلتي السابقة وأنت تعلم الفارق بين الربا والبيع بالتقسيط ، ومدار الحرمة والحل فيهما ..
تقبل خالص مودتي

الموضوع واضح زى الشمس بس الناس عايزه تختلف علشان تحلل على نفسها الربا.
حضرتك ممكن تقرا تعريف الربا هنا او فى اى حتة تانية.
http://www.yaqob.com/site/docs/artic...الربا_:__

يعنى لما الواحد بيروح يشترى عربية تمنها 100 الف الراجل بيقولوا تدفع 100 كاش او تدفع 120 الف مثلا على سنتين بفايدة 10% مثلا كدا خلاص بقا ربا 1000000% مش عايزة تحليل و كلام. بيبيع حاجة بسعر و التقسيط بسعر تانى , يعنى دفعت السعر الاصلى + فايدة 10%.
مهما حاولنا نضحك على نفسنا و نقول دا مش ربا الكلام واضح و مفيش اى معرض فى مصر بيعمل تقسيط اسلامى لان كلهم بياخدوا فوايد.
دا رايى الصراحة و دا اللى انا شايفه واضح زى الشمس و اساسا كلمة ربا معناها اللغوى الزيادة!!
حضرتك اقرا الكلام فى اللينك الى فوق و قولى رايك ايه
شكرا على اهتمامك

**أبو عبدالله** · 27-07-2008 09:40 AM

المشاركة الأصلية كتبت بواسطة som3aa

الموضوع واضح زى الشمس بس الناس عايزه تختلف علشان تحلل على نفسها الربا.
حضرتك ممكن تقرا تعريف الربا هنا او فى اى حتة تانية.
http://www.yaqob.com/site/docs/artic...الربا_:__

يعنى لما الواحد بيروح يشترى عربية تمنها 100 الف الراجل بيقولوا تدفع 100 كاش او تدفع 120 الف مثلا على سنتين بفايدة 10% مثلا كدا خلاص بقا ربا 1000000% مش عايزة تحليل و كلام. بيبيع حاجة بسعر و التقسيط بسعر تانى , يعنى دفعت السعر الاصلى + فايدة 10%.
مهما حاولنا نضحك على نفسنا و نقول دا مش ربا الكلام واضح و مفيش اى معرض فى مصر بيعمل تقسيط اسلامى لان كلهم بياخدوا فوايد.
دا رايى الصراحة و دا اللى انا شايفه واضح زى الشمس و اساسا كلمة ربا معناها اللغوى الزيادة!!
حضرتك اقرا الكلام فى اللينك الى فوق و قولى رايك ايه
شكرا على اهتمامك

أخي سمعه
أحييك على حرصك الشديد عن البعد عن الحرام والدعوة الى ذلك

ولكن احب ان اوضح لك ان هناك خلاف بسيط بس في المعنى المذكور منك

وهو انه هناك اختلاف بين اني ابيع لك شئ واقول لك هذا كاش بكذا وتقسيط بكذا ( سعر ثابت وليس فائدة متغير او متزايده )
وان اقول لك ان سعر كاش بكذا وسعر تقسيط بفائدة 10 % مثلا اي كل تأخير شهر بزياده 10 %

الأول قال عليه الجمهور بحله وهو التقسيط بسعر ثابت اي انه لو تأخرت في اي شهر فانت ستدفع نفس المبلغ المتفق عليه ايضا
او انك على الأقل من بداية الشراء وانت تعلم علم يقين انك ستدفع المبلغ المتفق عليه فقط مهما حدث

ولكن الفائدة 10% مثلا ليست هكذا
فانت على كل تأخير يزيد المبلغ المتفق عليه وليس بعلم او بحريتك وانما فرض عليك

وهو ده الخلاف بين التقسيط بسعر معلوم ومعروف ولن يتغير طول فترة التقسيط
والتقسيط بزيادة فائدة بنسبة معينه تزيد حسب ظروف معينه كالتأخير او التعسر في السداد لأي سبب يحل عليك

الفرق بين الربا والبيع قريب جدا

**tutankhamoun** · 27-07-2008 09:53 AM

المشاركة الأصلية كتبت بواسطة أبو عبدالله

أخي سمعه
أحييك على حرصك الشديد عن البعد عن الحرام والدعوة الى ذلك

ولكن احب ان اوضح لك ان هناك خلاف بسيط بس في المعنى المذكور منك

وهو انه هناك اختلاف بين اني ابيع لك شئ واقول لك هذا كاش بكذا وتقسيط بكذا ( سعر ثابت وليس فائدة متغير او متزايده )
وان اقول لك ان سعر كاش بكذا وسعر تقسيط بفائدة 10 % مثلا اي كل تأخير شهر بزياده 10 %

الأول قال عليه الجمهور بحله وهو التقسيط بسعر ثابت اي انه لو تأخرت في اي شهر فانت ستدفع نفس المبلغ المتفق عليه ايضا
او انك على الأقل من بداية الشراء وانت تعلم علم يقين انك ستدفع المبلغ المتفق عليه فقط مهما حدث

ولكن الفائدة 10% مثلا ليست هكذا
فانت على كل تأخير يزيد المبلغ المتفق عليه وليس بعلم او بحريتك وانما فرض عليك

وهو ده الخلاف بين التقسيط بسعر معلوم ومعروف ولن يتغير طول فترة التقسيط
والتقسيط بزيادة فائدة بنسبة معينه تزيد حسب ظروف معينه كالتأخير او التعسر في السداد لأي سبب يحل عليك

الفرق بين الربا والبيع قريب جدا

الله ينور يا أبو عبد الله ............ بجد أختصرت و افدت
شكرا لك و جزاك الله خيرا

( طبيعي التقسيط لا يتساوى مع الدفع النقدي ............ فلوس متأخرة في الدفع لازم الربح يزيد
بس زي ما وضح أبو عبد الله ............. جزاه الله خير )

**د.أحمد سمير** · 27-07-2008 12:52 PM

المشاركة الأصلية كتبت بواسطة som3aa

الموضوع واضح زى الشمس بس الناس عايزه تختلف علشان تحلل على نفسها الربا.
حضرتك ممكن تقرا تعريف الربا هنا او فى اى حتة تانية.
http://www.yaqob.com/site/docs/artic...الربا_:__

يعنى لما الواحد بيروح يشترى عربية تمنها 100 الف الراجل بيقولوا تدفع 100 كاش او تدفع 120 الف مثلا على سنتين بفايدة 10% مثلا كدا خلاص بقا ربا 1000000% مش عايزة تحليل و كلام. بيبيع حاجة بسعر و التقسيط بسعر تانى , يعنى دفعت السعر الاصلى + فايدة 10%.
مهما حاولنا نضحك على نفسنا و نقول دا مش ربا الكلام واضح و مفيش اى معرض فى مصر بيعمل تقسيط اسلامى لان كلهم بياخدوا فوايد.
دا رايى الصراحة و دا اللى انا شايفه واضح زى الشمس و اساسا كلمة ربا معناها اللغوى الزيادة!!
حضرتك اقرا الكلام فى اللينك الى فوق و قولى رايك ايه
شكرا على اهتمامك

أستاذ سمعة يبدو أنك لم تقرأ اللينك المذكور .. ويظهر إن سعادتك أعلم مننا جميعاً .. فياريت حضرتك بس تقولنا تخصصك إيه علشان نستفيد ..
وأبدأ بنفسي .. أنا عضو هيئة تدريس في جامعة الأزهر .. يعني الكلام اللي حضرتك بتقوله بالنسبة لي قدره معروف ..
وأوضحلك مرة أخرى مداخلتي التي لم تقرأها ..

حول شرعية التقسيط دينياً

يرى الكثيرون أن مسألة تحديد الفائدة مسبقاً أو رفع سعر السلعة بهدف التقسيط أمر واحد حيث يقولون ما الاختلاف بين أن أدفع 85 ألف جنيه مثلاً لسيارة سعرها 60 ألف في الحالتين فسعر السيارة زاد في الحالتين عن قيمتها السوقية الفعلية سواء كان هذا تحت مسمى الفائدة أو التقسيط .
والأمر أكبر من ذلك يا إخواني .. وهذا بالتحديد ما جاء صريحاً في الآية الكريمة يقول الله عز وجل " ذَلِكَ بِأَنَّهُمْ قَالُواْ إِنَّمَا الْبَيْعُ مِثْلُ الرِّبَا وَأَحَلَّ اللّهُ الْبَيْعَ وَحَرَّمَ الرِّبَا "
فالربا إضافة إلى كونه يحمل كل صنوف الاستغلال وخلافه إلا أنه يعني بشكل مباشر تجارة في المال ، وتجارة المال فقط دون أن يتوسط العملية سلعة أمر مدمر لأي نظام اقتصادي ومالي إذ ما الفائدة الذي ستعود على حركة هذا المال دون وجود سلعة أو خدمة ناهيك عن تقلص وجود هذا المال وذهابه إلى المستغلين فقط ، وهذا الأمر إن انتشر فإنه كفيل بأن يلتهم المال دون أي تقدم ويركزه في أيدي حفنة من المستغلين الذين يغتنون ويفقرون من حولهم . لذا فإن الربا كبيرة من الكبائر .
أما الفارق بين الحالتين فهو أن التقسيط مع زيادة الثمن نتيجة لتضرر البائع من حبس الثمن لفترة طويلة تؤثر عليه في دورة رأس مال عمله فهو حلال . ووجه الحل هنا هو أن العملية بيع في الأساس ففيها ثمن وسلعة وبائع ومشتري وربح ، وهو ما يعني حالة مختلفة تماماً عن الحالة السابقة ، وقد أفتت المجامع الفقهية بحل هذا النوع من البيع .
نأتي للبعد الشكلي ، وكما يقول فقهاء القانون أن الشكل هو أساس الموضوع . ودون الدخول في تفاصيل معقدة فالأمر كالتالي :
اشتريت السيارة فذهبت للبنك فأدى ثمنها للبائع واعتبر هذا الثمن قرضاً لك بضمان السيارة وقام بجدولة هذا الدين وفق فائدة محددة على مدى زمني فهذا ربا محرم وصريح حيث أن هذه العملية هي ذاتها فيما لو توجهت للبنك لأخذ قرض وسددت أنت بنفسك ثمن السيارة كاش ودفعتلبنك المبلغ بالفوائد .
اشتريت السيارة فقال لك المشتري أن هذه السيارة قيمتها كذا للدفع الفوري ، وكذا للتقسيط دون تحديد أية فوائد ، وارتضيت أنت هذا الفارق هنا يقوم البنك فقط بدور المحصل لثمن السيارة المتفق عليه بين البائع والمشتري دون تدخل ، وأمر العلاقة بين البائع والبنك لا صلة لك به فما يتقاضاه البنك هنا يسمى عمولة وليس فائدة .
أردت توضيح هذا الأمر ، وهذه ليست فتوى مني ولكنها توضيح لمسببات تحليل هذا الأمر وتحريمه كما أقرته المجامع الفقهية .
نسأل الله أن يعفينا من الوزر والكبائر .

**som3aa** · 28-07-2008 12:59 AM

اولا شكرا على الردود و التوضيحات
ردا على الدكتور

أستاذ سمعة يبدو أنك لم تقرأ اللينك المذكور .. ويظهر إن سعادتك أعلم مننا جميعاً .. فياريت حضرتك بس تقولنا تخصصك إيه علشان نستفيد ..
وأبدأ بنفسي .. أنا عضو هيئة تدريس في جامعة الأزهر .. يعني الكلام اللي حضرتك بتقوله بالنسبة لي قدره معروف ..

بالعكس انا قريت اللينك و انا لست اعلم منكم جميعا بالعكس انا اقل علما منكم لان حضرتك دكتور و كمان فى جامعة الازهر اما انا فطالب فى هندسة و طبعا اصغر من الكل سنا و كمان معلوماتى اكيد من الناحية الدينية اقل منكم بس الفكرة كلها انى قريت حاجات بسيطة عن موضوع الفوايد و الربا و مقتنع جدا بكلام معين و دا على حسب فهمى بالنسبة لسنى و يمكن مفهمتش كل حاجة فى اللينك لان الكلام صعب على شوية بس فهمت حاجات اساسية هى اللى كنت بدور عليها و هشرح لحضرتك دلوقتى.
اولا

أما الفارق بين الحالتين فهو أن التقسيط مع زيادة الثمن نتيجة لتضرر البائع من حبس الثمن لفترة طويلة تؤثر عليه في دورة رأس مال عمله فهو حلال . ووجه الحل هنا هو أن العملية بيع في الأساس ففيها ثمن وسلعة وبائع ومشتري وربح ، وهو ما يعني حالة مختلفة تماماً عن الحالة السابقة ، وقد أفتت المجامع الفقهية بحل هذا النوع من البيع .

( طبيعي التقسيط لا يتساوى مع الدفع النقدي ............ فلوس متأخرة في الدفع لازم الربح يزيد
بس زي ما وضح أبو عبد الله ............. جزاه الله خير )

طبعا الكلام دا انا مقتنع بيه جدا جدا
اكيد الكلام دا صحيح 100% و مفيهوش شك , انا بتكلم فى فايدة 10% بمعنى انا روحت معرض قلتله العربية دى بكام قالى :
كاش : 100 الف
تقسيط على سنه: 110 الف
تقسيط على سنتين : 120 الف او اكتر زى 125الف
ونفترض انى لو اتاخرت فى الدفع مش هيزود على اى حاجة خالص.

اللى انا مش مقتنع بيه هو الفايدة اللى الراجل حاتطها بشكل ثابت بمعنى ممكن الفلوس فى السنة دى قيمتها قلت على ال10% هياخد منك 10% برده , فضلت قيمتها زى ما هى برده ملوش دعوه هياخد ال10% , الفلوس قيمتها زادت (طبعا دا مبيحصلش فى مصر) بمعنى مثلا العملة بتاعتنا قيمتها ارتفعت قدام كل العملات التانية و العربية اللى ب 70 نزل تمنها ل 50 الف برده الرجل هياخد 10% من ال70 ملوش دعوه.
انا رايى انا دا بالظبط زى

اشتريت السيارة فذهبت للبنك فأدى ثمنها للبائع واعتبر هذا الثمن قرضاً لك بضمان السيارة وقام بجدولة هذا الدين وفق فائدة محددة على مدى زمني فهذا ربا محرم

و شايفه زى اللى بيحط فلوس فى البنك و ياخد فايدة ثابتة 8% سنويا , انت بتاخد ال8% دول بغض النظر البنك كسب و لا خسر و لا الدنيا ولعت , فى اخر السنة بتاخد 8% و ملكش دعوة باى حاجة.

طبعا انا مش بقول الراجل يقسط العربية على 5 سنين و فى الاخر العربية اللى ب 100 الف ياخد ب 5 سنين 100 الف لأ طبعا , بس ياخد 130 الف مثلا -150 مثلا اعتمادا على تغير سعر العربية فى ال5 سنين دول و معدلات التضخم فى البلد و قيمة الجنيه فى كل سنة من السنين + مكسبه , انما تحديد كذا فى المية سنويا هو دا اللى البنوك بتعمله بالظبط و هو دا اللى انا شايفه حرام.
بالنسبة للكلام اللى مكتوب فى اللينك

تعريف القرض الربوي
إذا كان القرض بمعنى دفع المال إرفاقاً لمن ينتفع به ويرد مثله أو قيمته، وكان الربا بمعنى تلك الزيادة المالية التي لا مقابل لها في معاوضة مال بمال تبيّن واضحاً أن القرض الربوي هو :
القرض الذي يشترط فيه المقرض شيئاً زيادة على ما أقرض.

ال 10% سنويا دى مش لازم نعتبرها ما قيمته لأ لاننا عرفنا منين ان قيمة الزيادة السنوية هى 10% بالظبط؟ ليه مش 8%؟ و ليه مش 100%؟
الفكرة ان ليه هى 10% لان البنوك بتدفع فايدة سنوية بتاع 8% مثلا, فهى هتقرض الفلوس لشخص بياخد 8% سنويا و تخليك تدفع 10% و تكسب هى 2% بغض النظر عن الظروف الاقتصادية و كل حاجة و النظام دا اللى بيحصل.
اما لو مفيش بنك و التقسيط مع معرض مباشرة , يعنى نفترض التقسيط مع عبد اللطيف جميل مثلا , هياخد منك فايدة 10% سنويا يعنى العربية اللى ب 100 هيقسطهالك على سنة و ياخد منك 110 كدا بالظبط كانه خد ال100 الف و حطها فى البنك لمدة سنة , هو حسبها لقى انه هيحطها فى البنك هياخد 6% بس قام قال اقسط عربيات و ازود المبلغ ل 10% و بكده كانى حطيت الفلوس فى البنك و خدت 10% بدل 6% سنويا و كدا كدا البنك مبيسمحلوش يسحب الفلوس لو حاطط وديعة الا بعد مدة الوديعة فهو يعتبر نفسه حاطط الفلوس وديعة فى البنك (لان كدا كدا مش هياخد فلوسه من اللى بيقسط العربية كاملة الا بعد كذا سنة), لا و كمان دا كل سنة بياخد جزء من تمن العربية ممكن يستثمره تانى انما الوديعة فى البنك مبتاخدش و لا مليم غير بعد انتهاء مدتها يعنى احسنله بكتير من انه يحط فلوسه فى البنك و فى الاخر نفس الفكرة و احسن كمان لانه خد 10 بدل 6 ولا 8%.

يعنى كانه بالظبط حط الفلوس فى البنك و خد فايدة اكتر بكتير من اللى بيديها البنك و برده ثابته , يعنى البنك بيدفع فايدة ثابته 6% مثلا بغض النظر عن الظروف الاقتصادية , هو نفس الكلام و هنا هو بياخد 10% ثابته برده .
حد ممكن يقولى البنك دى فلوس فى فلوس اما العربيات دى سلعة , لأ برده هى هى لان البنك الفلوس دى بيستثمرها و بيشترى اراضى و يعمل مشروعات يعنى برده فى سلع برده.

ارجو اكون وضحت وجهة النظر بتاعتى و يا ريت حد يشرحلى الفرق لو كانت غلط ليه بالظبط
شكرا على ردودكواو الحقيقة انتوا التلاتة من اكتر الناس اللى بحترمها.

**د.أحمد سمير** · 28-07-2008 02:04 AM

الأخ العزيز / سمعة ..
اتضحت لي وجهة نظرك تماماً في الفقرة الأخيرة في رسالتك والتي أود أن أوضح لك فيها بعض المفاهيم التي على أساسها جاء هذا الخلط بين مفهوم الربح والفائدة الربوية ، واسمحلي أن أعرض بعض التوضيحات في النقاط التالية .

1. الخلاف في جوهره مرجعه التوافق اللفظي بين فكرة الفائدة بمعنى الربح والربح الذي نقصده بمعنى الربا .. وهو نابع من الخلط بين تعريف العمليتين بمعنى واحد .. وهما مختلفان ,, ولأوضح فكرتي أكثر إليك هذه الأمثلة والتوضيحات .
أ) عملية الربا هي عملية إقراض والإقراض يكون في المال سواء كان نقداً أم مثلاً أما عقود المعاوضات فهي ليست ذات محل في الربا .. يعني ببساطة سلفت حد ألف جنيه لازم ترجع ألف جنيه ولو زادت تبقى ربا ، سلفت حد كيلو سكر لازم يرجع كيلو سكر بنفس الجودة والوزن ولو زاد يبقى ربا .... أما عقود المعاوضات فتعني وجود سلعة وثمن ، والإسلام سمح باختلاف الثمن حتى لو كانت السلعة واحدة ، ولو كان البائع والمشتري هما هما .. وهو أمر نجده في كل يوم وحين ، فحين تنزل لشراء موبايل من عبد العزيز بألف جنيه من نفس المحل ، وترجع له آخر النهار عايز تشتري واحد تاني ممكن يزود أو يقلل عليك زي ما هو عايز ، ويا ترضى يا ماترضاش .. هذا عقد معاوضة في صيغة البيع لا شيء فيه .
ب) البيع ينبغي أن يكون فيه انتفاء للجهالة ، ولا يجوز أن يتقلب السعر وفق تقلب السوق بعد العقد .. يعني البائع بيقدر ظروف السوق المستقبلية ويحدد السعر على أساسها ويقول الثمن النهائي للسلعة للمشتري فإن وافق تم العقد ولا يجوز لأي منهما الرجوع في بيعه إلا بموافقة الآخر .. وهذا أمر نراه كثيراً فتجد السلعة التي على وشك النفاد من السوق يغلو سعرها حسب تقدير البائع للموقف ، وكم من بائع خسر بتقديره الخاطئ وكذلك الحال بالنسبة للمشتري أيضاً ..
وعلى هذا فإن البيع بالتقسيط لا دخل للمشتري فيه بتحديد الثمن ، عليه إما القبول أو الرفض ، وعلى البائع تقدير الموقف ، فحين يرتضي البائع بسعر أعلى من سعر السوق المعلن على أن يجعله على أقساط فقد لزمه هذا السعر إذا وافق عليه المشتري دون زيادة ولا نقصان ، وهي هنا ليست عملية إضافة فائدة على مال ، ولكنها عملية إنشاء عقد يحمل سلعة أيا كانت وثمناً أيا كان ، وطالما تم الرضا لزم العقد ، وأكرر كم من بائع فسد تقديره فخسر فلم يلزم المشتري شيئاً ، وكم من مشتر ساء تقديره فخسر فلم يلزم البائع شيئاً ... ومدار المسألة سهل وبسيط ومثالها موجود ، حين تنزل سيارة جديدة أو الطلب عليها متزايد ، فتحجزها لدى الوكيل لتستلمها بسعرها الرسمي بعد عدة أشهر ، وتجد معرضاً يبيعها أغلى من ثمنها الرسمي بعدة آلاف ، لو ارتضيت واشتريت فهل وقعت في الربا ... كلا على الإطلاق لقد باع لك سلعة أنت ترغبها بسعر ارتضيته ، وقدر السوق فحسب ثمن تعجيل البيع لك وفائدته الواقعة عليك في شكل نقود زائدة ، والمسألة تمت برضائكما ... فلا خلاف على حل هذه المسألة .. أرجو أن تكون الصورة اتضحت .

2. البعد الثاني للخلط يأتي عند مقارنة عمليات البنوك بعمليات البيع أو التداخل بين الأمرين .. فتجد المعرض يحيلك لبنك ، أو بنك يرسلك لمعرض ، أو معرض يتفق معك ويبيع قرضك للبنك ، أو بنك يبيع لك قبل امتلاك السيارة ودخولها في حوزته ....الخ وهذا التداخل الحاصل في السوق يؤكد على ضرورة أن توضح كل حالة على حدة لمن يريد شراء السيارة بالتقسيط لمعرفة إذا كانت ربوية أم لا ..
وكما ذكرت في رسالتي حول دور البنك والمعرض . ففائدة المعرض صاحب التقسيط المباشر تدخل تحت صنف البيع لا الإقراض ، بينما المعرض المتعامل مع البنك له حالات ذكرت في الموضوع المشار إليه .

المهم في هذه الفكرة لا تقس التقسيط الذي هو بيع بالربا الذي هو تجارة في المال قائمة على إقراض مال بمال يزيد عند تأجيل السداد .. حيث هنا لا يوجد إقراض ولا توجد زيادة عند تأجيل السداد .
كذلك فإن القياس الذي ذكرته حول ما يفعله المعرض بوضع النقود في بنك أو غير ذلك هذا لا شأن لنا به طالما كان عقدنا حلال ، فلو وضع الثمن في بنك أو اشترى به أسهم في البورصة ، أو خسرها في القمار كل هذا شأنه هو لا نحن يقول تعالى : " يا أيها الذين آمنوا عليكم أنفسكم لا يضركم من ضل إذا اهتديتم "

أرجو أن تكون الفكرة وضحت .. وأنا جاهز لأي سؤال أو استفسار آخر ..
تقبل خالص مودتي