هل زياده الاسعار على العربيات الموجوده بالفعل استغلال ام لا؟
بعد الزياده فى قيمة الدولار قصاد الجنية هل التاجر لو زود الاسعار على السيارات الموجوده عنده بالفعل استغلال؟؟ و لا المفروض يزود الاسعار على الدفعات الجديدة؟؟ علشان نفهم انا حفترض نفس وكيل ( و طبعا حمص دمكو :khd: هاهاها ) ... وكيل انهى ماركه يا واد يا ديفيل!!! انهى ماركة :11:... هيوندااااااى طبعا :018A1D~146: علشان النصب على الشعب الغلبان اللى زى حالتكوا :3mla:
رصيد اول المده فى بداية النشاط 1 عربية النترا بتكلفة 10$ الاف ( سعر الصرف 6.15 جنيه = 61.5 )
دفعت مصاريف (نقل و شحن و اعلانات و اهلاكات اصول و مرتبات موظفين و ...) و دفعت جمارك ... اجمالى المصاريف و الجمارك = 62,5 .... كده التكلفة النهائية للسيارة 124 الف
فانا حبيعها بسعر 136 الف ( 12 الف ربح بعد ما طلعت كل مصاريفى... خمسة و خميسه من عنيكوا اللى :gun_bandana: )
انا هنا لسه مبعتش و الدولار هوب بقى سعره 6.50 جنيه!!!! ... وانا علشان محترم مرفعتش سعر العربية و بعت على 136 الف و طلعت مكسبى ال 12 الف.... و طلعت مصاريفى و الجمارك ال 62.5 الف
دلوقتى انا معايا 61,5 و محتاج ارجع بضاعة رصيد اول المده تانى فى بداية النشاط اللى هو العربية الالنترا بقيمة 10 الاف دولار ... الدولار اللى بشترى بيه زاد!!!! :chatting: فى عجز 3.5 الف !!! لان سعرها 10$ الاف * 6.50 = 65 الف!!!!
نهاااااار اسود!!!! انا لازم ارجع العربية تانى فى نهايه العملية ( لان دى فلوس مساهمين يودونى فى داهيا ) و لازم اطلع مكسبى ال 12 الف (و انتوا اولعوا بجاز هاهاهاها)... و علشان اعمل كده لازم اغلى قيمة العربية اللى معايا فورا اول لما الدولار يزيد رغم انى شاريها قبل الزيادة... حد فاهم حاجه!!!!
سورى يا جماعه... انا مضطر ازود قيمة العربية عليكم قبل ما ابيع 3.5 الف جنيه و الحق ميزعلش حق و انتوا مترضوليش بالخسارة ...
ثانية واحدة هو انا بتاجر فى انهى ماركه لحسن نسيت من كتر الرغى!!! اه افتكرت انا بتاجر فى هيونداى مش اى ماركة :bravo: مدام هيونداى يبقى حزود مكسبى و اخليه 15.5 الف بدل 12 الف :3mla:( امال انا اخترت اتاجر فى هيونداى ليه من الاول ... مش انتوا الشعب الغلبان و انا قلتلكوا حظبطكوا) فانا قررت ابيع على 143 الف جنيه :018A1D~146:
الخلاصه انى عايز اقولوا لازم الوكيل يزود السعر على الدفعة الحاليه و ليست الدفعة القادمة والا حيخسر لان راسى المال كل ما الدولار يغلى حيقل و دى حاجة بتحصل كل شويه... يعنى ممكن لو مزودتش قيمة البضاعة بعد كام مره ممكن يلاقى راس المال اللى بيتاجر بيه اختفى.
طبعا قيمة الجمارك كمان حتزيد لانها نسبة على سعر العربية اللى زاد ... و المصاريف حتزيد ( زياده فى المرتبات نتيجة لزيادة الاسعار و زياده الفواتير و ...) و دول انا مش مدخلهم فى المثال لانهم حياثرو فى دورة المشتريات اللى جاية مش اللى خلصت.
يعنى العربية اللى لسه حشتريها حتزيد مصاريفها و جماركها و حتبقى 65 بدل 62.5 و كده حيبقى انا زودت مكسبى الى 13 الف بدل 12 الف ( الف بس مش 3.5 !!! بصتولى فيهم!!! اديهم قالو خخخخخ)
الخلاصة انا حبيع بى 143 و بعد زياده الدولار و تفاصيلها كالتالى:
65 الف سعر العربية من المورد (10 الاف دولار)
65 مصاريف و جمارك
13 الف مكسب (بدل 12 الف مهو مكسبى لازم يزيد زى ما كل حاجة بتزيد)
محدش بقى يوجع دماغى و يقول عليا جشع و نصاب و ..... و اللى مش عاجبوا يروح يسال الحكومة عن الدولار اللى بيزيد او يستنى مشروع النهضه :bye2:
