العربية مبرجلة على السلانسية

**tefa22m** · 06-01-2013 11:09 PM

حساس الtps عندى لما كان بايظ كان بيعلى المتور لحد 2.5 او 3
وكانت التشيك بتنور و بعدين تفصل و اروح اعمل اسكان يقولى ما فيش اخطاء
رحت جبت حساس tps استيراد و اتحل من على المكنه و بعد فصال ب 50 ج
و ركبته و الحمد لله رب العالمين المشكله راحت

**mero100** · 06-01-2013 11:21 PM

الا أر بي إم كان بيعلي عندي لوحده و بين النقلات .... و اتحلت المشكله بإنهم في التوكيل فكوا فيشه ال tps و حطوا شحم حراري في الفيشه و المكان اللي بتدخل فيه الفيشه و اتحلت المشكله الحمد لله .

**Mahmoud.Fathy** · 07-01-2013 12:38 PM

حصلت معايا نفس المشكلة دي من شهر وطلع حساس الشكمان .... حط العربية على الاسكنر لان اى حساس بيبوظ ممكن يعمل اى حاجة فالعربية ... اصل العربيات دي مكارة :)

**abo_lamar** · 07-01-2013 02:23 PM

رحت الحرفيين النهاردة واشتريت حساس tps ب50 جنيه وركبته لقيت برضه نفس المشكلة ... تصدقوا طلع العيب فين ؟؟ في سلوك البوجيهات , اول ما غيرتها العربية الحمد لله ظبطت على طول .
العربية كانت بتنتش مني على سرعات لغاية 70 كم /س تقريبا وكان بيبان العيب اوي لما بشغل التكييف على السلانسية بلاقي العربية عايزة تبطل وبترجع تاني لوحدها .... والحمد لله بعد ما عملت سيرش في المنتدى على مشاكل مشابهه لقيت الحل في سلوك البوجيهات .
شكرا لكل من ساهم برأيه في حل مشكلتي ....