عايز اروح انقل ملكيه انا عملت عقد مسجل في الشهر العقاري مش عارف حوار المرور ده بيتكلف اد ايه اللي ليه خبره ياريت يساعد طبعا العربيه سكودا فيليشيا مو 96
عرض للطباعة
عايز اروح انقل ملكيه انا عملت عقد مسجل في الشهر العقاري مش عارف حوار المرور ده بيتكلف اد ايه اللي ليه خبره ياريت يساعد طبعا العربيه سكودا فيليشيا مو 96
قولى بس عاوز تعرف ايه ده انا اطحنة فى المشوار ده
الموضوع ده هيفيدك و هتلاقى كل قلى انتا عاوزه و اى خدمه
http://www.nilemotors.net/Nile/23013-a.html
شكرا ليك يا احمد بس انا خلصت حوار الشهر العقاري بس بقي ناقص اروح المرور عايز اعرف بقي الخطوات ايه و التكاليف كاماقتباس:
المشاركة الأصلية كتبت بواسطة engahmedsayed
طبعا انت نقلت ملكيه خلاص كده انت دفعت المصاريف لنقل الملكيه
اول ماتروح المرور
هيكون معاك شهاده المخالفات طبعا
تبدأ الاول ادخل على بتاع التأمين شوف انت عايز تجدد كم سنه لك من سنه الى ثلاثه وكله بحسابه
بعد ماتجيب ورق التأمين الاجبارى
هتروح شباك المستندات هتشترى اورنيك فحص
وارنيك طفايه وعادم وهتجيب ورق كمبيوتر بعدد سنوات التأمين يعنى مثلا لو أمنت 3 سنين هتجيب 3 اوراق كمبيوتر
هتفحص العربيه وتختم اورنيك الطفايه وتقيس العادم
وبعدين هتدخل على الموظف فى الشباك وتقدم له الدوسيه والرخصه بتاع العربيه وبطاقتك الشخصيه
هيطلب من طوابع شرطه وبعدين يدفعك فى الخزنه الضريبه
وبعد دفع الضريبه لو نمر العربيه مش تابعه للمدينه بتاعتك هتسلم النمر وهيسلموك نمر جديده
وتأخد رخصتك الجديده بأسمك
وبالتوفيق ياباشا
طب و لو هأمن سنه هتبقي رينج التكلفه كاماقتباس:
المشاركة الأصلية كتبت بواسطة طارق _عبد السلام
بس ياسيدى انا مرات بالموضوع ده حتروح المرور وتجيب شهادة مخالفات وتدفع الضريبة والتامين حدود 320جنيه ده لوالعربية فليشيا موديل 95 ذى عربيتى انا عملت معايا حدود 1000 جنية تجديد 3 سنين وبخدو اصا عقد البيع وبيطلع الرخصة باسمك وتحياتى
طب يعني لو سنه يبقي تلت ال1000اقتباس:
المشاركة الأصلية كتبت بواسطة aali6632
طب يعني لو سنه يبقي تلت الل1000اقتباس:
المشاركة الأصلية كتبت بواسطة aali6632
تسلم ايديك يا معلم بس لو امنت سنه ادفع كاماقتباس:
المشاركة الأصلية كتبت بواسطة aali6632
لو هتفحص وترخص سنه
تقريبا هتدفع في حدود 320 جنيه
المشكله انى كنت برخص فانتازيااقتباس:
المشاركة الأصلية كتبت بواسطة mohamed878
مش عارف ضريبه الفليشيا كم
بس اظن التأمين بيكون واحد
انا عملت سنتين تقريبا 240 جنيه
يعنى لو انت عملت سنه ممكن التأمين مايزيد عن 130 جنيه
وشويه الورق بتوع الفحص والذى منه مش هيتعدى 30 جنيه
لكن الضريبه مش عارفها
انا كانت ضريبتى فى السنتين تقريبا 500 جنيه
اكيد عندك اقل بكثير لانك 1300 سى سى
اظن عندك السنه ممكن توصل 350 بأقصى تقدير
التأمين ١١٠ فس السنه تقريبا يتم اضافة رسم الضريبة ثم رسوم ورق الفحص
بالظبط أنا كنت بجدد ترخيص وبنقل ملكية عربيتي بردو فليشيا 1300 سي سي 96
التأمين 3 سنوات تقريباً كان 290 جنية
والضريبة 3 سنوات ودي 500 وكسور
ومتنساش العقد المسجل وكافة الورق وبالتوفيق إن شاء الله
الناس الحمد لله فادتك انا لسه كنت داخل اقولك ان التامين سنة للفليشيا بتدفع الاول حوالى 100 جنيه لشركة التامين وتقريبا 230 فى الخزينة وبعدين تطلع الرخصة باسمك
ينفع نقل الملكية من شخص لآخر بدون فحص العربية ؟؟
يعنى لو لسة تاريخ الفحص ساري فى الرخصة لمدة سنتين
لا الكلام اللى احنا قولناهاقتباس:
المشاركة الأصلية كتبت بواسطة midnightman_74
هتجيب اورنيك فحص
يعنى هتفحص العربيه
لو انت نقلت ملكيه ومضيت مشترى
لازم تفحص وترخص فى ظرف شهر من تاريخ توقيعك
لكن لو نقلت ملكيه وما مضيت مشترى
عادى امشى بالرخصه القديمه
انا لسة مرخص عربيتى وناقل ملكية فى المرور اعمل حسابك وانت رايح فى مبلغ كبير لان ما تطمنش الظروف
انا الكل قالى مش هتكلفة 300 او 400 وكلفتنى حوالى 600 لان خلى بالك لو مش معاك طفاية وشنطة اسعافات هيخلوك تشترى .. انا كان معايا طفاية بس خلونى اشترى شنطة اسعافات ب70 جنية + تامين اجبارى كان بحوالى 130 باين على ما افتكر + ضريبة ولوحات جديدة كانت 380 باين + حوالى 20 جنية ورق