مطلوب من خبراء الاوبل استرا انجوى 2007 الافاده السريعة2007

اخوكم بيفكر يجيب استرا انجوى 2007/2008 فياريت كل اللى عنده معلومة عن العربية دى من حيث الفتيس الايزى ترونيك مميزات و عيوب و الميكانيكا و اسعار قطع الغيار الجديد و الاستيراد و اماكنها و توافرها فى السوق (للعلم انا من الهرم) و كل شئ عن الصيانات و مراكز الخدمة و اللى بيشتغل فيها (فى الجيزة طبعا) و كل شئ عنها. للعلم انا كان معايا ميجان2 و مش قادر اقول على التكنولوجى و التطور اللى للاسف خلت العربية دى مش متقدرة فى مصر و للعلم اسعار قطع الغيار (رينو) متوفرة و رخيصة بس الصنايعى غالى لان مش اى حد يشتغل فيها فهل الاوبل الاسترا كده.

2007 حماده و 2008 حماده تاني خاص

ابسط حاجه الموتور مختلف لصالح 2008 طبعا

هى ارخص عربيع المانى موديل عالى وتكنولوجيا اقل من الميجان وتكاد تكون فعلاً بلا اعطال وصيانات وقطع غيار عادى وبتوع اوبل بيشتغلو فيها بره التوكيل وقطع الغيار فى كل حاجه المانى واسبانى وكورى على صينى

ايه يا رجاله هوده اللى قدرتوا عليه فين الافادات ده فى صفحة الميجان بسم الله ماشاء الله تلاقى بدل الرد الف رد بالتفاصيل و الصور و الفيديو لدرجه انى كنت بعمل الصيانة ليها بنفسى.

اتكل على الله - بس المهم الحاله - ويا سلام إذا كانت العربيه استرا انجوى استيشن هى صحيح مش كتير بس مميزاتها اوسع من الاسترا h العاديه وشنطتها اكبر.

وبالنسبه لموضوع الصنايعيه يفضل تذهب بأى عربيه حديثه لمركز كبير أو متخصص علشان يكون حافظ العربيه واشتغل فيها كتير وهما كتير بالنسبه للأويل.

يعنى المشاهدات كتير و التعليق قليل يا اما العربية دى 100100 و مش بتعطل يا اما من كتر الارف محدش عاوز يتكلم عنها.