الحل النهائي لمشكلة كهرباء السيراتو و رعشة الانوار وفصل الكاسيت

**axis_2010** · 06-01-2013 11:11 PM

اخيرا وبعد بحث لمدة سنة ونص واقتراحات وافتكسات من الكهربائيه والفنين الحل النهائي لمشكلة كانت في عربيتي وفي اكتر من مالك للسيراتو اشتكى منها المشكلة كانت
نور العربية بيرعش لما اقف بالعربية ولما بدوس على الرعاش بتاع العالي بتروح الرعشة لفترة قصيرة وترجع تاني وبلاقي نور التابلوة بيرعش معاها ولما بدوس بنزين بتروح الرعشة ايضا واول ما اقف ترجع تاني يعني الرعشة دي مبتظهرش الا وانا واقف ومش في كل الاوقات بس غالبا وانا واقف موجودة وخصوصا لو مشغل التكييف وكمان الكاسيت كان بيفصل مع الفرامل او تقليب النور العالي

طبعا في كهربائية قالو الدينامو وتانين قالو البطارية وفي ناس قالو الاتنين وناس قالو الارضي وعملت كل حاجة لحد مايئست وقولت ان دي مشكلة مش هتتحل وتعايشت معاها لحد ما في يوم قررت اطلع الحل وقعدت انا وعربيتي استفردت بيها وبدأت افكر وجبت دينامو وبطارية من عربية شغالة وركبتهم واكتشفت ان المشكله هي هي يعني لا دينامو ولا بطارية وبصرف النظر عن طريقة التفكير وصلت للحل واللي كنت فرحان جدا اني عرفتة بس مش على قد غيظي انه هايف اوي كدة

المهم الحل ان فيشة الضفيرة بتاعة الكهربا اللي موجوده في علبة الفيوزات مش راكبة كويس او فيها مشكلة لما دوست على الفيشة اختفت الرعشة نهائيا وصوت العربيه اتغير وبقى افضل وسحبها فرق جامد حتى انوار العربية الداخلية زادت بشكل ملحوظ جدا وكمان صوت الكلاكس والكاسيت معدش بيفصل نهائيا اثناء القياده اذن المشكلة في هذة الفيشة هي راكبة كويس بس لما ادوس عليها بتختفي وفكيت علبة الفيوزات ونضفت الفيشة وركبتها التاني اختفت الرعشة بس بترجع على فترات متباعدة وطبعا اكيد لازم تتغير او يبقى في اصلاح ليها بس اهم حاجة اننا عرفنا المشكلة اتمنى لو حد عندة معلومة ممكن تفيد في طريقة تغير الفيشة او نلاقيها فين او اسعارها انا اختفت المشكلة نهائيا بقالي شهر رجعت مرة واحدة وعملت نفس الي عملتة واختفت تاني وشغالة تمام وبدأت اكتشف عربيتي من جديد

انا مبخلتش بالحل على الأعضاء وحبيت افيد المتضررين امثالي واتمنى من الخبراء المساعدة والاراء اذا امكن وشكرااااااااااااا :)

**ابو ليلى** · 06-01-2013 11:51 PM

جزاك الله كل خير على المعلومة
وفعلا اللى اكتشفته ان الضفيرة اصلا ضعيفة والفيشة استحالة تتغير لانها فيها حوالى 100 سلكة على ما اتذكر والحل الوحيد تغير الضفيرة كاملة ولكن المشكلة اتعرف حلها حتى ولو مؤقت .
مرة تانية نتنمى وجودك معانا وجزاك الله خير

**AhmedNaeem** · 07-01-2013 01:07 PM

اشكرك علي نقل تجربتك
بس اتمني تكمل جميلك بالصور
مكان فيشة الضفيرة وطريقة فكها اعادة تركيبها
وهل ضروري افصل البطارية الاول والا مش مشكلة

**axis_2010** · 07-01-2013 04:50 PM

المشاركة الأصلية كتبت بواسطة AhmedNaeem

اشكرك علي نقل تجربتك
بس اتمني تكمل جميلك بالصور
مكان فيشة الضفيرة وطريقة فكها اعادة تركيبها
وهل ضروري افصل البطارية الاول والا مش مشكلة

مكان الفيشة في علبة الفيوزات الموجودة في الصورة دي

في كلبس بتدوس علية بتتفك معاك وتشدها لبرة ومش لازم مبل البطارية اهم حاجة العربية متكونش دايرة ولو عايز تتطمن نفسك فك الكابل عادي لو معرفتش تفكها روح لكهربائي وهو هيعرف يتصرف انت اديته المشكلة وحلها هايف دة فك وتركيب او تثبيت مش اكتر

**ahmed_su** · 09-01-2013 01:44 AM

بص يا سيدى فك الفيشة وخلى اتجاهها من ناحية البنوز امامك

وهتجيب مفك رفيع عادة وهتضغط على كل Female PIN بغرض ان

يضيق قليلا بحيث ان الفيشة لما تركب يبقى التقابل معMale PIN اللى يخصها يبقى التوصيل بكامل كقأته

طبعا هتستخدم النوعية دى من المفكات - اختار الحجم المناسب لفتحات الفيشة

**axis_2010** · 27-01-2013 02:49 PM

بصو يا شباب علشان كدة اكون قفلت الموضوع بالضبه والمفتاح خلاص ده الحل النهائي للكل علشان عرفت السبب العلمي من واحد كهربائي محترم اسمه عسكر في الحرفيين لان بالرغم ان الرعشة اختفت بس انا حبيت افهم السبب العلمي وهل في حل نهائي لاي عربية فيها المشكله دي وطبعا وصلت :)

الحل هو تقوية الأرضي بتاع العربية فك الضفيرة الموجب اللي داخلة على البطارية ودي فيها حوالي 4 فروع ارضي وجاب سلك 10 ملي وقوى الأسلاك دي يعني مع كل تفريعه متصلة بالبدي زودلها وصله من سلك عشرة ملي الرعشة هتختفي نهائيا نهائيا انا دفعت 180 جنية هو كتير بصراحه بس انا مستخسرتهمش فيه بس حبيت اعرفكم علشان لو تعرف كهربائي نضيف يعملهالك وانت تقوله على الحل وياخد فلوس اقل
الموضوع بتاع الفيشة بقى لية لما كنت بدوس عليها بتروح الرعشة ودة كنت هاموت واعرفة واللي وصلتله ان الفيشة دي بتهرب كهرباء بسبب ضعف الارضي ولما بدوس عليها او انضفها بسائل بتوقف التهريب بس لما تريح شوية ترجع تاني ودة بيكون حل مؤقت طبعا بس خلاص

كدة انا خلصت ضميري وارتحت هههههههه بجد لاني قدرت افيدكم وافيد نفسي واي استفسار تحت امركم

**AhmedNaeem** · 27-01-2013 03:51 PM

معلش بقي اتعبك معايا
وضح اكتر حوار الارضي ده
لاني مش شايف غير واصله واحد بالبطارية وانت بتقول انهم اربعه
اماكنهم فين وايه مدي شطارة الكهربائي المطلوبة عشان يعمل الحوار ده
وشكرا

**axis_2010** · 27-01-2013 05:08 PM

بص يا باشا هابعتلك تليفوني ع الخاص كلمني وافهمك :)

الموضوع: الحل النهائي لمشكلة كهرباء السيراتو و رعشة الانوار وفصل الكاسيت

LinkBack

أدوات الموضوع

عرض

-

-

المواضيع المتشابهه

الحل النهائي لمشكلة الراديو ( أوبترا + سبارك +أفيو )

الحل النهائي بأذن الله لموضوع سرقه السيراتو حل معاناه الشعب المصري

الحل لمشكلة الزحمة في مصر

الاشتراك فى tedata وفصل التليفون ... ما الحل

الحل الامثل لمشكلة الجراجات

الكلمات الدلالية لهذا الموضوع

المفضلات

المفضلات

ضوابط المشاركة