سرعة الهواء في القاهرة 48 كم في الساعة :-)
سرعه الهوا عندكم ايه واخبار الجو حواليكم ايه ؟؟؟
عرض للطباعة
سرعة الهواء في القاهرة 48 كم في الساعة :-)
سرعه الهوا عندكم ايه واخبار الجو حواليكم ايه ؟؟؟
هواااا جااااااااااامد و صوت حجات بتتكسر
المشكلة فى الهوا الجامد مع الشتا بتلاقى المية جاية فى وشك و من جنبك و من كل حته
انا علشان في الدور السابع سامع اصوات اعاصير و اللمبه اللي في البلكونة وقعت مش عارف ازاي
خرجت البلكونة في عز البرد أطمن على الغطا لقيته طار من على العربية ..ونزلت في عز البرد لميته.... وشكلي أخدت برد كمان.
بصراحة الجو صعب
كنت جي من الشروق واحيانا مكنتش بشوف الطريق من التراب
بس حته تراب وحته الجو عادي وواضح ..
سامع صوت حاجات بتطير و أصوات هوا جامد و الجو برد جدا بره :rokeyrulez:
أنا خايف العربية تتحرك من مكانها وتخبط فى عربية أستاذ جلال ويطلعلى عالسلم علشان يتخانق معايا كالعاده :(
ممكن تبقى تركنها و تخللى الفتيس على نقله (تعشّقها ) بس تخللى بالك الصبح و انت بتدور لحسن تخبطها برضه فى الاخر بعد كل ده او تبقى تحط طوبه و لو انى ما اعتقدش انها هتصمد كتير فى الجو دهاقتباس:
المشاركة الأصلية كتبت بواسطة ahmed_h_g
ياجدعان اللي فمصر ده هزار...
انا لو نزلت مصر حالا حصيف!!
Sent from my SE Arc S using Forum Runner
مانزلتش شغلى النهارده فالقاهره الجديده بسبب اللى شفته امبارح
كلمه برد قليله متوصفش اللى الواحد حس بيه وخصوصا فالأماكن المفتوحه اوى
كنت بطير بليل انا و عواميد النور و كنت هقع كذا مرة من شدة الهوا لدرجة اني كنت ماشي رامي وزني كله لقدام و اي حاجة في شارع خفيفة شوية كانت بتطير راشقة في وشي ده غير المطرة و غزارتها .. القاهرة الجديدة بقي
و الطريف اني كنت نازل ساعتها لابس خفيف شوية و مشمر اكمامي مكنتش اعرف انها اوي كده و من غير العربية و ماشي في الشارع مفيش انوار في الشارع الا قليل جداااا و سبحان الله السما لونها محمر و كانت منورة الشوارع كأنه وقت الغروب
وسط الجو الرهيب ده لقيت واحد جاري خارج البلكونة من شوية زي ما بنحب نقعد على راحتنا قوي في الصيف كده وواقف في البلكونة كده ..بجد نفسي أعرف الإخوة اللي بينفضوا للبرد دول بيحسوا بإيه.
أمبارح بالليل خدت وصلة حازم حسن و فوجئت بعاصفة رملية اضطرتنى امشى بالراحة جدا رغم ان الطريق كان فاضى بس فعلا ا ما كانش ينفع المشى على اكتر من 60
تخيلوا بقى لما تبقى ساكن اول صف على النيل !!!!
النيل بيعمل موج عالي والهواء شديييييد جدا جدا لدرجة اني حاسس ان الشقة حطييييييير مع اني ساكن في الدور الخامس !
اوعى حد يغطي العربية عشان ماينزلش الصبح و يﻻقي الغطى بح !!!)))
الناس ماشية على الكورنيش بالعافية ولو طفل ممكن يطيييييييير
الحمد لله على نعمة الامان
هتضحكوا عليا .. بس من ساعت ما الجو قلب القلبه ديه .. و أنا رجلى سقعانه و مش راضيه أبدا تدفى .. حاولت كل الطرق و لسه برضه رجلى مش بتدفى أبداً ..:d :d :d: .. بخصوص الجو .. الدقى عندى سقعه بس الهواء مش شديد قوى
انا اكتر حاجة مدايقاني. ومنرفزاني هيا مش كل ما اجيب مهندس دش يجو شوية هوى يضيعوا الاشارة تاني .... انا بجد زهقت ، كل ما ازبط الدش تحصل عاصفة الاشارة تروح و٣٠ جنية على كل مرة بجد حرام هو احنا قاعدين على بنك .... لا وفوق ده وي ده تتصل على الواد بتاع الدش يكلمك بكل قلاطة وعاوزني اجي اخدوا بالعربية بسلامتوا من باب المحل ده اذا كان فاضي اساساً . وقمت النرفزة لمن يقولي هو الدش في انهي دور
وانا اقولوا فوق السطح سيادتك
هو : ايوه يعني البيت كام دور ؟
انا سبع ادور سياتك
هو : البيت فيه اصانصير
انا : لا مفيش بس ممكن اشيلك وانتعك على كتفي او ممكن ادلدلك الدش في السابت تزبطوا وابقى اركبوا انا على مهلي :)
على فكرة بتوع الدش دول ولا بيفهمو حاجة ... أنا جبتهم مرتين وبعد كده بقيت أركبة أو اظبطه بنفسي ... لما الدش يبوظ خد تليفزيون صغير والريسيفر وسلك دش صغير واطلع عيش حياتك.. الفكرة سهلة جدا ..بس طبعا الكلام ده عن تظبيط النايل سات بساقتباس:
المشاركة الأصلية كتبت بواسطة y a r i s
احدثكم من دمياط علي ساحل البحر الابيض المتوسط ونهر النيل
الجو هنا مجنوووووووووون .مطر كثافته تقيله وهوا ساقع جدا
حجات كتير وقعت شجر-ديشات-اسوار ..ربنا يستر
مطروح الدنيا هنا من يوم الجمعة بهدله ومطر ورعد مخيف واول امبارح كانت بتمطر تلج غير الهوا والعواصف
اخبار سفينة الصيد اللى غرقت ايه؟اقتباس:
المشاركة الأصلية كتبت بواسطة amdd
انقذوها بسفينه حربيه و2 طائره هليكوبتر
طب الحمد للهاقتباس:
المشاركة الأصلية كتبت بواسطة فادى محمد
امبارح الظهر مش عارف اتفرج على قناة واحدة قلت انزل اجيب شنطة العدة من العربية على اخر النهار واطلع اربط الطبق علشان الصورة تثبت شوية وقد كان ونزلت جيبت شنطة العدة وطلعت وكنت هطير من فوق السطح (العمارة 6 ادوار والاسناسير والطبق فوق بيت الاسانسير ومفيش سور) المهم قلت لالالالالالالالالالالالا لازم اطلع واحساس الوقوع يراودنى وطلعت وربطت ونزلت وانا بتشاهد واجى النهاردة المدام تكلمنى وانا فالشغل وتقولى مفيش صورة جاية خلى البواب يطلع يظبط الدش انا سمعت فيه حاجة هبدت (البواب طوله 150 سم وعرضه 35 سم) قلتلها ده لو طلع هينزل من قدام البلكونة عندك
ربنا يسترها
اسكندرية غرقت