المشاركة الأصلية كتبت بواسطة land_cruiser
لو قصد حضرتك احلال كلى اعتقد لأ . مما لاشك فيه انه ممكن يستخدم كاستخدام عام كوسيله لتصفح الانترنت و ك gps و الاستماع الاغانى و قراءه الاخبار و عليه office كمان وبيخللى الحياه اسهل بكتير من اللابتوب لكن ده مش معناه انه يحل محله و ذلك للاتى
١- إمكانياته من ناحيه ال hardware محدوده و لا تقارن باللابتوب بالذات بالنسبه لسعه التخزين و كمان الذاكره و جوده الصوره و بالتالى فى الاستخدامات المتوسطه و فى العمل لا يمكن ان يحل محل اللابتوب و دائما اللابتوب ستظل امكانياته
هى الاعلى و الارخص بينما التابلت هو الاخف فى الوزن
٢- امكانياته من ناحيه ال software محدوده فال operating system بتاعه أيا كان. نوعه لو برامج مخصوصه مكتوبه له فقط و ده يخللى انتشاره محدود مقارنه بال لابتوب اللى معظمه بيبقى بيستخدم windows او linux و برامجه ملهاش عدد و كمان فى مجال العمل معظم التطبيقات بتبقى مكتوبه أساسا للكمبيوتر و ليس للتابلت وده مرتبط بال hardware المحدود اللى اتكلمت عليه فى النقطه الاولى و كمان على فكره حتى فى مجال الترفيه الألعاب الكبيره بتشتغل على اللابتوب بس و مش اى حاجه ينفع تشتغل على التابلت و بالفعل فى أجهزه فى السوق اسمها مينى لابتوب وزنها أخف و امكانياتها كويسه و اسعارها رخيصه برضه علشان تبقى حل وسط و تقلل الفجوه فى الوزن و الحجم بس طبعا هى بكيبورد مش تاتش و اتقل شويه لكن بعض الناس ممكن تفضلها على اساس انها حجم ووزن أصغر من اللابتوب العادى و فى نفس الوقت عليها windows و هارد ديسك كبير و ارخص من التابلت و كل شويه بيصغروا فى حجمها بالمناسبه
الخلاصه: التابلت ممكن يغنى عن اللابتوب فى الاستخدامات العاديه فى التصفح و سماع الاغانى و التسليه كالالعاب و مشاهده الأفلام و ده يعتبر انه بيحل محله جزءيا و لكن لا يمكن ان يحل محله كليا بالذات بالنسبه للاستخدام المتعمق اكتر بالذات بالنسبه لمجال الاعمال او حتى فى الألعاب . قد يفكر البعض ان اللابتوب حل محل ال desktop و لكن الوضع مختلف فالاتنين عباره عن كمبيوتر فى الاخر بيستخدموا نفس نظام التشغيل و بالتالى التحدى كان فى تصغير حجم المكونات و جعل سعره مناسب و ده تحقق بنسبه كبيره وان كان ال desktop برضه الى الان سعره لا يقارن باللابتوب