عاوز ساجا بس متردد

**noway_eg84** · 07-01-2013 10:52 AM

انا عاوز اشتري ساجا بصراحة قرأت عن امكانيات العربية وعجبتني بس البحث اللي عملته سواء علي النت او الناس كله بيقول العربية ممتازة بس التوكيل المعاملة والخدمة سيئة وقطع الغيار مش متوفرة فكنت عاوز استشيركم
ايه رأيكم هل الكلام ده صح ولا في أمل

**mhassan9** · 07-01-2013 03:09 PM

المشاركة الأصلية كتبت بواسطة noway_eg84

انا عاوز اشتري ساجا بصراحة قرأت عن امكانيات العربية وعجبتني بس البحث اللي عملته سواء علي النت او الناس كله بيقول العربية ممتازة بس التوكيل المعاملة والخدمة سيئة وقطع الغيار مش متوفرة فكنت عاوز استشيركم
ايه رأيكم هل الكلام ده صح ولا في أمل

فيه أمل أن شاء الله وفيه مراكز خدمة أفضل من التوكيل وقطع الغيار ليها موجودة بره وليها بدايل كمان.
أنصحك تاخد جولة في القسم هتعرف معلومات كتيير وفيه موضوع تقييم مثبت للساجا بعد 100 الف كيلو.
متقلقش كلنا كنا زيك في الأول :)
تحياتي

**noway_eg84** · 07-01-2013 05:49 PM

المشاركة الأصلية كتبت بواسطة mhassan9

فيه أمل أن شاء الله وفيه مراكز خدمة أفضل من التوكيل وقطع الغيار ليها موجودة بره وليها بدايل كمان.
أنصحك تاخد جولة في القسم هتعرف معلومات كتيير وفيه موضوع تقييم مثبت للساجا بعد 100 الف كيلو.
متقلقش كلنا كنا زيك في الأول :)
تحياتي

الف شكر لردك انا قرأت التقييم للساجا بعد 100 الف وعجبني جداً والعربية فعلاً داخلة دماغي بس خدمة مابعد البيع مهمة فعلاً

**mhassan9** · 07-01-2013 06:10 PM

المشاركة الأصلية كتبت بواسطة noway_eg84

الف شكر لردك انا قرأت التقييم للساجا بعد 100 الف وعجبني جداً والعربية فعلاً داخلة دماغي بس خدمة مابعد البيع مهمة فعلاً

بص خش قسم نيسان اللي بيقولوا عليه من احسن التوكيلات في مصر
هتلاقي الناس بتعاني مع التوكيل في موضوع قطع الغيار وكمان سمعت شكاوي علي خفيف من العربيات الهيونداي الموديلات الجديدة وقريب ليا معاه كورولا الجديدة اتركنت تلات اسابيع في التوكيل عشان قطعة غيار صغيره في الفتيس.
الخلاصة اغلب التوكيلات عندها نفس المشاكل وخلي بالك انت في مصر :)

**walidzakzok** · 07-01-2013 06:22 PM

نصيحة عامة ماتشتريش موديل عربية مش منتشر

**tutankhamoun** · 08-01-2013 11:18 AM

المشاركة الأصلية كتبت بواسطة walidzakzok

نصيحة عامة ماتشتريش موديل عربية مش منتشر

النصيحة العامة دي يا أستاذ وليد لو كانت مشيت على الهيونداي و الكيا زمان مكناش ركبناهم و لا شوفناهم في السوق .
لو النصيحة العامة دي أتطبقت على الياباني اللي المصريين مكنوش يعرفوا عنه حاجة مكناش ركبنا تويوتا و ميتسوبيشي ..... الخ .

النصيحة الأفضل ....... ما نركبش حاجة مجهولة .

الجين 2 في 2006 مكنش حد يعرف عنها حاجة

و لولا الناس اللي أشترتها ....... مكنش بقى في جين 2 في مصر .
و لو كل الناس مشيت على الكلام ده ....... فيه شركات كتيرة مش هاتطلع و لا هاتشوف النور .

نصيحة لأي مقبل على شراء أي حاجة

ما تشتريش حاجة مجهولة ...... مش عارف أصلها و فصلها .
أشتري اللي معروف و له قطع غيار .

أما بقى موضوع اعادة البيع بيختلف من واحد للتاني .
و بينطبق على عربيات كتيرة قوي
زي السوباورا ....... و المازدا .......... الفولفو ......... البروتون ........... الخ .

**Al-Farooq** · 08-01-2013 06:36 PM

اعمل استخارة وتوكل على الله
شوف انت عاوز تشتري ايه وعاجبك واشتريه.

**walidzakzok** · 08-01-2013 09:19 PM

المشاركة الأصلية كتبت بواسطة tutankhamoun

النصيحة العامة دي يا أستاذ وليد لو كانت مشيت على الهيونداي و الكيا زمان مكناش ركبناهم و لا شوفناهم في السوق .
لو النصيحة العامة دي أتطبقت على الياباني اللي المصريين مكنوش يعرفوا عنه حاجة مكناش ركبنا تويوتا و ميتسوبيشي ..... الخ .

النصيحة الأفضل ....... ما نركبش حاجة مجهولة .

الجين 2 في 2006 مكنش حد يعرف عنها حاجة

و لولا الناس اللي أشترتها ....... مكنش بقى في جين 2 في مصر .
و لو كل الناس مشيت على الكلام ده ....... فيه شركات كتيرة مش هاتطلع و لا هاتشوف النور .

نصيحة لأي مقبل على شراء أي حاجة

ما تشتريش حاجة مجهولة ...... مش عارف أصلها و فصلها .
أشتري اللي معروف و له قطع غيار .

أما بقى موضوع اعادة البيع بيختلف من واحد للتاني .
و بينطبق على عربيات كتيرة قوي
زي السوباورا ....... و المازدا .......... الفولفو ......... البروتون ........... الخ .

كلامك مظبوط بس ليه الراجل يجرب فى نفسه وبعدين يتبهدل عشان قطع غيار ومايعرفش يبيع العربية بسهولة صح احنا الزمن حكم علينا ان احنا مانجربش لان العربيات غالية سيب بلاد تانية تجرب لكن الراجل مش هايبقى دافع كل فلوسه وتقوله جرب ... انا مع كلامك بس مش فى مصر الكلام دة للشعوب الاكثر رفاهية

**noway_eg84** · 08-01-2013 10:12 PM

انا ابتديت افكر في اللوجان كبديل بعد الكلام ده هاروح ابص عليهم هما الاثنين في المعرض واصلي استخارة وربنا يقدم الخير

**hugan** · 08-01-2013 10:16 PM

اللوجان اظن انها افضل
في الانتشار والصيانه واللاتساع وقطع الغيار
الساجا نادره الوجود في الشارع

الموضوع: عاوز ساجا بس متردد

LinkBack

أدوات الموضوع

عرض

-

-

-

-

-

المواضيع المتشابهه

ساعدونى عاوز اشترى بريليانس v5 و متردد

رجاء المساعده عاوز اشترى ساجا اوتوماتيك

ان شاء الله عاوز اشترى ساجا ... ساعدونى

عاوز اشترى بروتون ساجا ومحتار !!!!!!!

مقارنه بين جيلىmkوf3 bydورينو لوجان وبروتون ساجا ضرورى انا عاوز اجيب واحده

الكلمات الدلالية لهذا الموضوع

المفضلات

المفضلات

ضوابط المشاركة