عرض للطباعة
سلام عليكم
قلت اسال صحاب الاوبل هم خبرة اكتر طبعا
عايز اشتري عربية من 50 - 55 فكرت ف اوبل وف لانسر كريستالة
وانا بمشي ف طرق مش ممهدة كويس ومطبات عالية وعايز عفشة تكون جامدة فايه رايكو
وياريت الاسعار الموديلات من 1998 ل2002 يعني الفلوس اللي معايا تجيب حاجة منهم حالة كويسة ولا لا
واوتوماتيك
وشكرااااااااا
اولا قبل اي حاجه المقارنه تكاد تكون منعدمه بين الاوبل والكرستاله ..
سيبك من الى هيقولك قطع غيار رخيصه وبتاع اناجربتها عربيه ضعيفه مفيهاش امان بالمقارنه للاوبل فيها ABS ونظام تعليق متطور جدا بالاضافه الى حاجات تانيه كتير هتجننك لما تركبها اصلا ..
مشكلة الاوبل الوحيده انها بتحتاج running cost عاليه .. بمعني انك لو شاريها متبهدله هتبهدلك معاها لو كويسه اقولك هتحبها جدا ..
عفشة الاوبل جامده جدا وانا بروح المزرعه بتاعتنا فى برج العرب بيها مفيهاش اي مشكله وبيتهيألك انها منخفضه على الارض بس لأ والله انا باخد بيها مطبات عاليه وكويسه جدا ..
اهم حاجه انت لو بتدور على توفير اشتري المكنه المصري ال1600 ... المكنه دى استهلاكها حلو جدا ومفيهاش حساسات تقريبا اغلي حساس فيها ممكن ميعديش 200 جنيه ... وفى الجري بتقفل ال190 بس طلعتها تقيله شوية
الرينج الى معاك ده يجبلك موديل 2000 مكنه مصري 1600 حاله نضيفه جدا ... وممكن يجيبلك 98-99 حاله نادره ، شوف انت عايز تركب ايه
الف شكر جدا ع الرد .....وانا فعلا عايز حالة نضيفة مروحش بيها لصنايعي لانهم نصابييييييين يعني عايز حالة نادرة زي ما بتقول عشان تريحني ومتشكر ع الرد مرة تانية
في عربيه اوبل فكترا98 للبيع موتور 1600 مانيوال فابريكه بره وجوه عدادها تقريبا 129 الف كيلو
والله الواحد مش عايز يسوق مانيوال تاني