peugeot 508 or 3008 vs ctrion c5 vs vw passat vs skoda octavia

**Formulator** · 07-01-2013 06:05 PM

السلام عليكم،

بالنسبة لعفشة البيجو-ستروين:

الشاسيه واحد فـ الـ508 والـC5.. والعفشة ورا كمان واحد MultiLink

لكن الفرق الجامد هو قدام
- البيجو 508 عفشتها McPherson عادى مقصين تحت
- الستروين C5 عفشتها قدام double High-wishbone مقصين فوق وتحت فـ كل جنب

وده تعليق رياضى عالى أوى، يماثل عربيات الدفع الخلفى فـ الهاندلينج بتاعه (عشان كده بيقولوا عليه زى الـBMW).

- ومابينزلش عـ البيجو إلا فـ الـ508 GT، ودى 2.2 HDi تربو-ديزل -مالناش دعوة بيها
- وبردو عفشة الـHydraActive بتاع ستروين مابتنزلش هنا -مالناش دعوة بيها (معرفش بتنزل عـ الحاجات العالية زى الـPicasso ولا لأ)؟!!

بالنسبة للمقارنة بقى:

مبدئيا.. طلع الأوكتافيا برا المقارنة؛ لأنها أقل بكتييييييييييييير من العربيات دى technically عـ الأقل!!
وطلع الـ3008 عشان تبقى المقارنة أسهل: بين 3-عربيات سيدان large (وكمان فتيسها مش هيعجبك EGS - من أنه جامد فـ رأيى)!!

يبقى كده: الـ508 والـC5 والباسات TSI
قارن انت بين دول بقى؟!!!
ههههههههههههههههههه

**Formulator** · 07-01-2013 06:13 PM

@ elgohary20012

بص ياباشا

فعلا الـ508 هى اللى جمعت best of both Worlds
(دا لو هتقارن بين مدرستين الفرنساوى 508/C5 والألمانى Passat)

شكل وبرستيج، سرعة، أداء، أمان.. وبدأت تنتشر -طبعا أفضل من الستروين؟!!!

لكن
معلش فكر فـ كلامى وشوف العربيتين دول -طالما بنتكلم فـ رينج السعر ده- أو أعلى قليلا:
-الفولفو S60
- والـ316i F30 الجديدة

أنا مش عايز أزود حيرتك والله، بس إسأل عـ البيمر كده وشوف تناسبك ولا لأ!!
غير كده: أنا أرشحلك الباسات بقوة، أو الـ508 بعديها

Rgds،

**AlGazar2** · 07-01-2013 10:03 PM

انت يا باشا الى هتقرر الموضوع ده لو هتبيع قريب 3 سنين كده يبقى البيجو لو هتبيع بعد كده هات السيتروين لان انت مش عارف بعد 5 سنين ايه الى هيحصل لان 2019 مش هيبقى فى جمارك على الاوروبى اصلا

و ربنا يعينك على البنزين ال 95 او ضعف اداء العربيه مع ال 92
و دى formulator يفيدك فيها اكتر منى

**hamada2u2000** · 07-01-2013 10:06 PM

اوكتافيا
ثبات واعتمادية وتوفر قطع الغيار
ده رايي

**A.Adel** · 07-01-2013 11:09 PM

[QUOTE=elgohary20012;3874734326]أنا كنت ميال الى c5أو 508 مش عارف أنتم زوتم حرتى كدة ياجماعة عايز أستقر على حل /QUOTE]

ال 316 أو ال s60 بيبدأ من 259 و تاني فئة بـ 289

فيه فئة اسمها dynamic في ال c5
دي بـ 199 ألف و نزلت في شهر 12
ممكن تبص عليها و تقارنها بال 508

ملحوظة : الجنط ده 19 " ومش بينزل فيها
بينزل فيها جنط 17 "

**elgohary20012** · 08-01-2013 02:09 AM

المشاركة الأصلية كتبت بواسطة AlGazar2

انت يا باشا الى هتقرر الموضوع ده لو هتبيع قريب 3 سنين كده يبقى البيجو لو هتبيع بعد كده هات السيتروين لان انت مش عارف بعد 5 سنين ايه الى هيحصل لان 2019 مش هيبقى فى جمارك على الاوروبى اصلا

و ربنا يعينك على البنزين ال 95 او ضعف اداء العربيه مع ال 92
و دى formulator يفيدك فيها اكتر منى

95 أو 92 و ضعف فى الأداء طبعا 92 بس بعد كل دة و ضعف فى الأداء دة مشكلة كبيرة تسد النفس عن شراء أى عربية مش عارف الواحد يعمل فيها أية ؟؟؟و ياريت ياجماعة تقولولى رأيكم أية فى الفديوهات دةIs the Citroen C5 really all that German? Part 1 - YouTube

**Mohab.Nabil** · 08-01-2013 02:27 AM

ماا هو العربية اصلا 156 حصان سواء البيجو او الستروين يعنى لو ضعفت شوية برضه هتبقى اشد من معظم العربيات الـ 1600 مش هتبقى بطة يعنى .. ما الفنتازيا 102 حصان و دا اقصى حاجة ليها .. يعنى السى فايف او الـ 508 حتى لو ضعفوا عمرهم ما هيوصلوا انهم يفقدوا ثلث القوة بتاعتهم عشان نوع البنزين

رأيى لو مكانك c5 فئة الـ dynamic صفقة رابحة 100%

**Unendlich** · 08-01-2013 02:30 AM

ال 508 و ال C5 نفس العربية لكن اختلاف أذواق
و كفخامة و ثبات و أمان لا غبار عليهم
ال 3008 كده حضرتك دخلت في فئة مختلفة تماما
بس هي تشترك معاهم في نفس الموتور ال 156 حصان و نفس الفتيس ال 6 نقلات اوتوماتك
الباسات عربية محترمة بس أنا بعد تجربة مريرة مع فتيس الجولف 6 (اللي بتشترك مع الباسات في الفتيس ال DSG العظيم) استحالة انصح بيها
ده غير فرق القوة بينها و بين ال 3 اللي فوق
نيجي بقى للاوكتافيا فهي محترمة و كل حاجة بس مع احترامى هي جنب اللي فوق دول تاخد بالقديمة
لأنها تقارن بال 308/C4 و الجيتا
اللي تتتحط مع الناس اللي فوق هي ال Superb مش الاوكتافيا اطلاااقا
و إن كانت ميزة الاوكتافيا الوحيدة إن موتورها عشان من العصر الحجري فبيقبل ال 92 بدون أدنى مشاكل (و لو حطيتله 80 برده مش هياخد باله )

بالنسبة لأسعار قطع الغيار

لل 508

فلتر زيت 70
تيل أمامي 650
تيل خلفي 460
طنابير 995
فلتر هواء 100
فلتر بنزين 67

لل 3008

فلتر زيت 70
تيل أمامي 430
تيل خلفي 513
طنابير 1958
فلتر هواء 100
فلتر بنزين 67

اختيارى الشخصي هيبقى ال 508 (أو ال C5)
عفشة رائعة (كعادة البيجو). ثبات مش بيهرج و راحة ممتازة
أقوى موتور ,و كفايةإن بقاله 6 سنين متواصلة بياخد engine of the year في فئته
فتيس محترم و مش بتاع مشاكل
options للصبح
قطع غيار في المعقووول جدا

و ربنا يوفقك للأفضل