الموضوع: أول مشاركه لي و سؤال الي صقور نيسان "نيو صني 2013 ولا كيا كارينز كسر زيور 2012"

بص يا باشا الكارينز عربيه حلوه مقدرش انكر لكن من الاخر جسمها كبير علي موتورها العربيه تحس انها تقيله علي الموتور محتاجه موتور 2000 سي سي مش 1600 و النيسان لحد دلوقت شغاله معايا كويس بس الناس بتشتكي ان قطع الغيار مش متوافره لحد دلوقت الموضوع في الاخر راحه مشكله النيسان بتاعه قطع الغيار اكيد هتتحل في يوم من الايام و لحد ما تتحل تفضل الكارينز متفوقه بتوافر قطع الغيار علشان بقالها مده في السوق اما السحب فأعتقد في الاثنين واحد لكن لما تيجي تقارن يبقي تقارن زيرو بزيرو مش زيرو بمستعمل حتي لو كسر زيرو رأيي لو هتجيب يبقي يا كارينز زيرو يا نيسان زيرو

المشاركة الأصلية كتبت بواسطة mmohamed15

بص يا باشا الكارينز عربيه حلوه مقدرش انكر لكن من الاخر جسمها كبير علي موتورها العربيه تحس انها تقيله علي الموتور محتاجه موتور 2000 سي سي مش 1600 و النيسان لحد دلوقت شغاله معايا كويس بس الناس بتشتكي ان قطع الغيار مش متوافره لحد دلوقت الموضوع في الاخر راحه مشكله النيسان بتاعه قطع الغيار اكيد هتتحل في يوم من الايام و لحد ما تتحل تفضل الكارينز متفوقه بتوافر قطع الغيار علشان بقالها مده في السوق اما السحب فأعتقد في الاثنين واحد لكن لما تيجي تقارن يبقي تقارن زيرو بزيرو مش زيرو بمستعمل حتي لو كسر زيرو رأيي لو هتجيب يبقي يا كارينز زيرو يا نيسان زيرو

اشكر حضرتك علي هذا الرد المقنع
لكن حضرتك. تقول ايه في كل بنقراه علي المنتديات من عيوب " اعترف انها تكاد تكون بسيطه" يس يا باشا احنا كل هذه الاموال في ثمن عربيه تيجي تنكد عليك " يمكن اكون واخد الناحيه السلبيه" - مصري بقه هههههه - حتي و لو كانت عيوب صغيره طيب و هل اي سياره اعلي فئه شويه مش ممكن تكون احلي و ايه راي حضراتكو.
و احب اسال حضرتك ايه احلي لون في نيو صني و هل لون التابلوه بيختلف مع لون السياره

نيو صني عالاقل تبقا راكب عربيه زيرو

بص يا باشا انا سافرت اوربا كذا مره معندهمش العربيات اللي عندنا اللي زفي الفيرنا و اللانوس و اللوجان و الكلام ده ارخص علربيات هناك هي الهيونداي اكسنت ار بي و الصني و اليارس و اللتنسر اللي احنا هنا بنتعبرهم عربيات غاليه من الاخر العربيات دي فيها عيوب علشان عربيات رخيصه هتقولي في مصر غاليه هقوله عندهم العربيه دي من 10 لحد 14 الف دولار يعني كلام فارغ بالنسبه للعربيات هناك بيقول انا راكب عربيه لما يركب اودي او مرسيدس او بي ام دبليو او بيجو و كده فأحسبها يالدنيا بره و متحسبهاش انك بتدفع فيها فوق ال 100 الف في مصر و ده طبعا بسبب فرق العمله العظيم
ثانيا الاصوات و الزنات و الرنات و الكلام ده مش هيفرق معاك لما تتعود عليه يعني لما تفتخ كتالوج الصني تلاقي 90% من الاصوات دي شئ طبيعي و لا يدل علي خلل زي مثلا صوت التكه اللي بيحصل لما تحب تحول الفتيس من p الي حاجه تانيه و بتضغط علي البنزين ده بأختصار صوت فك اال Lock بتاع التعشيق علشان يسمحلك تحرك الفتيس المهم اتكل علي الله و اشتري اللي يعجيبك و لو عايز تجيب نيو صني متجيبش سوبر صالون و وفر ال 10000 جنيه دول علشان شويه الفروق كلها شكليات و مش يتغير في اداء العربيه

و بالنسبه للألوان الاسود حلو بس انا جبت الرمادي علشان اسكندريه لأن الطينه في اسكندريه حدث ولا حرج و هتبقي العربيه السوداء رمادي بعد ما تطلع بيها من الجراج فقولت اجبها كده كده رمادي في في برده اللون البرونزي اللي هو اكثر الاولان انتشاارا و الفرش جوه ليه لونين بيج و اسود انا جبت الاسود علشان برضه البهدله

المشاركة الأصلية كتبت بواسطة mmohamed15

و بالنسبه للألوان الاسود حلو بس انا جبت الرمادي علشان اسكندريه لأن الطينه في اسكندريه حدث ولا حرج و هتبقي العربيه السوداء رمادي بعد ما تطلع بيها من الجراج فقولت اجبها كده كده رمادي في في برده اللون البرونزي اللي هو اكثر الاولان انتشاارا و الفرش جوه ليه لونين بيج و اسود انا جبت الاسود علشان برضه البهدله

الله يكرمك يا باشا- انا حتي الان لم اتشرف باسم سيادتك -و فيه سؤال تاني لو سمحت الكاوتش بتاعها سمعت انهم غيروه من مكسيم صيني الي مكسيم تايلاندي . نعرف الفرق عند الاستلام ازاي