الجمعية المصرية للتامين فين ؟؟؟؟؟

**solycar** · 25-07-2008 03:22 AM

المشاركة الأصلية كتبت بواسطة Adham

تصحيح

" نص مصر بتعاني معاهم"

ههههههههههههه

سمعت نصايح من ناس كتير انهم بيعملوا مشاكل كتير في حالا لا قدر الله حادثة و اصلاح و كدة
يعني :

1- يقولك صلح في التوكيل و هات فاتورة و حانطلعلك شيك و يماطلوا و يمطوحوا فيك و ماتاخدش منهم حاجة

2- انهم في الطواريء بياخدوا العربيات تتصلح برة التوكيل في ورش الحرفيين و يركبوا فيها قطع غيار استيراد

ناس كتير نصحوا بقناة السويس للتامين و اليانز

والله أعلم

طب لو حصل حادثة مثلا و عاوز اصلحها برة بمعرفتى

و بعد كدة اجيب الفواتير ..... اعمل ايه ؟؟؟؟؟؟

**solycar** · 25-07-2008 03:31 AM

المشاركة الأصلية كتبت بواسطة MoToRiZeR

نص مصر بتتعامل معاهم لأنهم أقل قسط تأمين ..

و في المقابل بتاخد خدمة سيئة و مماطلة و يكرهوك في حياتك عشان يعملولك حاجة .. انا المراية اتكسرت و اول حاجة مرضيوش يعملوها في التوكيل و قعد يقولي يا بيه دي مراية .. و عملوها في مركز خدمة معتمد منهم و المراية انا متأكد انها مش أصلية و حاسبوني عليها انها ب 400 جنيه لأن قالولي لازم تدفع 10% و دي كانت خناقة تانية .. و المراية كانت سودة و مرضيوش يرشوها بلون العربية .. و الخبطات .. يقعد يقولك دي مش باينة .. طب ما تجرب تعملها ببولش و سيبها تاخد العين ! كلام كدة يحرق الدم

طب ليه كدة

هى عربيتك ولا عربيته !!!!!!!!!!!!!

و مين اللى يشوف اية الانسب لية انت ولا هم ؟؟!!!!!!!

كمان سؤال رخم

هو مش حضرتك معاك عقد منهم فية شروط انك تصلح اى تلفيات فى السيارة على حسابهم

مش عارف ياجماعة انا حاسس انى تايه

انت بتدفع فلوس لخدمة و معاك عقد بيها

ازاى بقى وعلى اى اساس لما تطلبها يحلقولك !!!!!!!!!!!!!

**Mosso** · 25-07-2008 03:50 AM

استاذ solycar هما بيعملوا الي في مصلحتهم و حضرتك معاك عقد و على المتضرر اللجوء للقضاء,
هو في حاجه دلوقتي بتمشي بعقود؟؟؟؟
حاول حضرتك تأمن في شركه تانيه ممكن اغلى شويه بس اتأكد الاول ان معاملتهم و شغلهم كويسين لراحة بالك مش اكتر
انا اتعاملت معاهم و لما صلحت العربيه اخدت الشيك منهم بعد 6 شهور!!!
حضرتك ممكن تشوف السياره تبع انهي توكيل و أمن معاهم لو معاملتهم كويسه يكون افضللك و تضمن تصليح في الضمان و ربنا يوفقك