نفسي اشتري ونش !! او عربية مصفحة

**Ahmod** · 07-01-2013 05:07 PM

السلام عليكم ورحمة الله وبركاته

بصراحة الموضوع زاد عن حده جدا ,, الواحد بقى بيكره اليوم اللى بينزل فيه بالعربية بيروح اي مشوار

من اللى راكن في نص الشارع وسايب عربيته ولا فارقة معاه ان الشارع يبقى متعطل !! ومن المكروباصات اللى تقف فجاءة في اي حتة في وسط الشارع يركب وينزل ناس

ومن الموتوسيكلات الصييني اللى ماتفهمش بيجيو منين وماشيين ازاي !! ولا عربيات النقل والاتوبيسات اللى بيبقى واخدها بالدراع نظام يا توسع يا هتتخبط !!!

ومن ومن ومن ومن ...

فعلا والله العظيم بقى نفسي اشتري ونش او عربية مصفحة وادخل في اي واحد راكن صف تاني ومعطل الطريق

نفسي اجيب ونش وادخل بيه في اي مكروباص بيقف في نص الشارع مع ان يمينه فاضي وممكن يقف براحته على جمب

نفسي اجيب ونش وادخل بيه في اي اتوبيس او ترلا واخدينها بلطجة وماشيين بالدراع

نفسي اجيب ونش وادخل بيه في التكاتك كلهم بدوء استنثناءات

نفسي اجيب ونش وادخل بيه في اي حد بيركن صف تاني ويعشق عربيته ويعطل مصالح الناس بسببه

نفسي اجيب ونش وادخل بيه في اي سواق تاكسي بيقف فجاءة لمجرد ان حد شاورله بدون حتى مايبص اذا كان فيه عربيات وراه ولا لاء

نفسي اجيب ونش وادخل بيه في كل عربيات النقل والترلات اللى ماشيين على الدايري بدون اي مبالاة

نفسي اجيب ونش وادخل بيه في كل المكروباصات والاتوبيسات اللى واخدين السواقة عافية ويرمي عليك ياتوسع يا تتخبط

نفسي اجيب ونش واولعه في المرور والظباط اللى بسبب اهمالهم لشغلهم وصلنا للى احنا فيه

كل يوم الدنيا عمالة تزحم اكتر من الاول وتبوظ اكتر ماهي بايظة !! المشوار اللى المفروض تروحه في نص ساعة بيتارح في ساعتين تلاتة

وتلاقي السبب مكروباص واقف بيحمل في نص الشارع !! تاكسي واحد شاورله قام واقف

اتوبيس جاي من اقصى اليمين لاقصى الشمال عشان ياخد U-turn

بتبقى حاجة تحرق الدم لما تلاقي مكروباص وقف فجاءة في نص الشارع عشان يركب زبون مع ان اليمين فاضي !!!!!!!!!! بيبقى هاين عليا انزل اولع فيه

تبقى ماشي في شارع زي المحروس شارع العشرين وتلاقيه واقف !! تبص قدام تلاقي مكروباص واقف في نص الشارع بيحمل !!!! يعني خلاص مابقاش عندنا اي احساس ولا اي مبالاة يا اخي اركن على جمب وحمل براحتك

ياترى كام واحد فينا نفسه يشتري ونش ؟؟؟ كام واحد فينا بشكل يومي بيقابل مواقف تحرق الدم ؟؟

ياترى كل البني ادميين في كل العالم نفسهم يشترو ونش برضوا ؟؟ ولا احنا البلد الوحيدة اللى بيحصل فيها المهازل دي ؟؟

ياترى كل البني ادميين دمهم بيتحرق في كل مرة بيسوق فيها ؟؟

ياترى كل الناس برضوا بتنزل قبل شغلها بساعتين تلاتة عشان مش ضامنة ليكون في مكروباص موقف الطريق !! ولا اتوبيس واقف بيحمل في نص الشارع !! ولا عربية من ايام هتشبسوت عطلت في نص الطريق ؟

ياترى في حل ؟؟ هل ممكن في يوم من الايام نلاقي الدنيا اتظبطت ؟

لك الله يا مصر

حسبي الله ونعم الوكيل

**mohammedabdallh** · 07-01-2013 06:10 PM

احسن رد هتشوفه وهتقبله
هو انت علشان عندك عربيه ياباشا هتتنط على الخلق
لا وايه كمان مش قادر تستنى دقيه احمل
واشوف اكل عيشى

انا عاوز دبابه مش ونش
علشان الى يبلطج عليك طلقه فى ام عربيته وتسيبه وتمشى

لكى الله يا مصر
تعالى اتفرج بقى فى الارياف
مع الى انت قولته ده زود قدام كل بيت مطب او حفره
ايه مش اى مطب لو راجل كله هتبقى العربيه حتتين

**modo88** · 07-01-2013 06:29 PM

يانهار ابيض قلبت المواجع ياراجل :(
الحل انتشار تركيب كميرات في الشوارع وعقوبات شديده لاي حد يخالف وتوصل للحبس وغرامات مالية كبيرة
ويبقا فيه عربيات دورية زي البلاد المحترمة تمسك المخالف والشرطة تشتغل بما يرضي الله مش 20 جنيه يسيبك !
والنقل يتحدد ليه مواعيد للمشي مش اي وقت كدا تلاقيه فوقك ياريت جنبك :d
ويتوسعوا في خطوط المترو ويععملوا باصات نضيفه ويقللوا من الميكروباصات ويلغوا التوكتوك خالص.

**addams_2** · 07-01-2013 06:39 PM

كلنا هذا الرجل

**Mohamed.Fawzy** · 07-01-2013 06:52 PM

بلد من غير قانون صارم يطبق على الجميع بلا استثناء تبقى زريبه ... وللأسف بقينا كلنا عندنا نفس شعورك و اكتر شويه

انا عن نفسى هحاول اجيب عربيه ب 10 تلاف ولا حاجه و اقضى بيها مشاويرى و اركن عربيتى او ابيعها و استفاد بفلوسها احسن

**ahmedeihab** · 07-01-2013 07:12 PM

كلنا هذا الرجل فعلا

قدامك حل من 3 حلول ملهوش 4

1. تشترى جرافه او ونش فعلا و تمشى براحتك

2. تنفض و متحطش فى دماغك و عادى

3. تسيب البلد دى و تروح اى بلد تانيه نضيفه

علشان الاشكال دى عمرها ما هتتعدل

^_^

**Recaro** · 07-01-2013 07:16 PM

تبا لك هؤلاء الحثاله الأوغاد، انا منضم لك وبشده بس اني كنت بفكر في حاجه تانيه، اسلح عربيتي بمجموعه مبتكره من التعديلات القادره علي الثأر والانتقام لأعصابي التي تحترق في كل لحظة سواقه في مصر...
فكرت اركب فلاشات في القزاز الخلفي عشان الوغد اللي ييجي في ضهرك وانت في اليمين اصلا ويعميك بالزينون..
فكرت اعمل حاجه تطلع دخان زيت محروق عشان الحيوانات من الموتسيكلات والنقل والميكروباصات اللي شكماناتهم مطلعه بترول علي صدرنا يدوقوا اللي بيشمموهولنا..
فكرت اعمل قاذفة لهب بالغاز المضغوط واحرق كل وغد متصدر وموقف الطريق ولا جاي ياخد ملف قبل كل الناس من اليمين للشمال فجأه ..
فكرت اركب ماكينه بتفضي زيت قديم علي الارض ازحلق واقلب بيه كل التكاتك والميكروباصات والتاكسى اللي بيسوقوا بسفاله
فكرت اطور قايم فولاذ مشرشر يخرج من جنب الاكصدام اشلفط بيه عربية كل معدوم الاحساس راكن صف تاني وتالت وقافل الطريق..
واتمنيت امسك القوات الجويه يوم واحد واقسم بالله مش هاستخسر كل اسطول ال f16 وقاذفات القنابل وهنضف البلد ..
انا باكتب الكلام ده من قلب مطار القاهره وحيواااااااااااااان ابن .... قافل عليا بقالي ربع ساعه... :@ :@