الموضوع: هل نخلينا في اللي احنا مجربينه ولا الجديد شديد

اسال عن الفرق الجوهري بين الصني الشكل القديم و الجديد والذي ممكن يخليك تجيب سياره لم تختبر بعد
مش عايزين تحيز عشان الشكل و الabs - ebd- ......., gmc , الكلام ده و معلش محدش يزعل - احنا في مصر -
هل تعتقد نوع جديد الشركه استخسرت تحط فيه زجاج فاميه في سنه 2013 ممكن يبقي ايه التوقع مع جوده هذه الامكانات الموهله - اللي انا حاسس اني هركب مرسيدس ولا.....
تاني من غير زعل احنا عايزين الصراحه دون التقيد بفكره انا اشتريت يبقي خلاص
الفكره نحاول بحث الموضوع بشكل هادف يفيد اي حد مقبل علي الشراء حتي عشان ما يدعيش علينا
(ملحوظه محدش يقولي الشكل القديم خلاص وقف تصنيعه. لاني لسه سال عليه في الوكيل و 95 الف اتوماتيك
اسف ان كنت غلست شويه بس الواحد خلاص.................و شكرا

الجديد متطور عن القديم في الموتور و العفشه و كده و كمان مشكلة البنزين و ضيق الكنبه الخلفيه اتحلت مقابل ضعف الصاج في الجديد انا شايف ان كل ما الموديل بيتقدم كل ما الصاج بيضعف

المشاركة الأصلية كتبت بواسطة youssef_u

الجديد متطور عن القديم في الموتور و العفشه و كده و كمان مشكلة البنزين و ضيق الكنبه الخلفيه اتحلت مقابل ضعف الصاج في الجديد انا شايف ان كل ما الموديل بيتقدم كل ما الصاج بيضعف

كلام حضرتك مضبوط. عارف انا اتفرجت علي نيو صني عند المصريه. و شفت الوتور و جه المندوب يقفل الكبوت بقا كل اما يطغط عليه عشان يقفله كانه هيطبق و الاخر رفعه فوق ورزعه مرتين عشان يقفل

لو حبينا نعمل مقارنه سريعه الصنى الجديده أوسع من. الداخل بالنسبه للكنبه الخلفيه و تكنولوجيا أحدث و استهلاك بنزين اقل. الصنى القديمه قطع غيارها منتشره و سعر اعاده البيع بتاعها ممتاز بحكم توافر الشكل ده منذ عام ٢٠٠٦ بس هى تمثل الان جيل قديم و ان كان ده مش مقياس لاى حاجه فى السوق المصرى فقط و الدليل عندنا حاجه زى اللانسر البومة كده انقرضت من العالم كله لكن لسه لحد دلوقتى بتبيع اكتر من الشارك عندنا. طبعا العربيتين كويسين و سعرهم متقارب فاللى يهمه الصاج الناشف و مش فارق معاه موضوع استهلاك البنزين الاعلى شويه و لا ضيق الكنبه الخلفيه ممكن يخليه فى القديمه أما اللى عايز التكنولوجيا الاحدث اللى هتترجم فى صوره استهلاك بنزين اقل ووسع الكنبه الداخليه او حتى عايز كماليات اكتر يبقى يخليه فى الصنى الجديده فئه السوبر صالون مثلا و هكذا . يعنى حاجه كويسه ان يبقى فى ٣ اختيارات للصنى بدل من اتنين و كل واحد يختار اللى يناسبه بناء على احتياجاته

صنى الجديدة افضل فى الاتى
@ الكنبة الخلفية اوسع و اريح من الشكل القديم
@ اسستهلاك البنزين ممتاااااااز
@ صوت الموتور اهدأ من القديم
@ ثبات ممتاز حتى ١٤٠ كم/س "بالكاوتش الماكسيس"
@ شكل انسيابى ايروديناميكى
صنى القديمة افضل فى الاتى
@ صاج افضل من الجديدة
@ ثبات افضل من الجديدة على السرعات العالية
@ خامات الطابلوه افضل من الجديدة
@ قطع غيارها متوفرة خارج التوكيل