في هولندا إضاءة الطرق ليلاً بدون كهرباء ...!!!

Futuristic highways in the Netherlands glow in the dark - YouTube

تستعد "هولندا" لإطلاق مشروعها الجديد والمميز الذي سيكون جاهز قبل منتصف العام الحالي والمخصص لطرقات السريعة التي سيتم طلائها بمادة خاصة تمتص الطائقة من الشمس في النهار لتتوهج تلقائياً خلال الليل.

ويهدف هذا المشروع المميز لتوفير الطاقة وتحسين الرؤية على الطرقات بهدف تأمين السلامة والتقليل من الحوادث المرورية.

تم إبتكار هذه الفكره من قبل الشركتين "Studio Roosegaarde" و "Heijmans Infrastructure".

ويتأثر الطلاء المستخدم على أرضية الطرق بدرجة الحرارة إذ يشير تلقائياً بأن الطريق زلق عند انخفاض درجات الحرارة إلى ما دون الصفر، فيما تضيئ أضواء تفاعلية على طول الطريق السريع مع اقتراب السيارات.

وسيتم تثبيت أضواء تشحن بواسطة الرياح أو الهواء الذي تحدثه السيارات وهي تسير بسرعة على الطريق، كما خصصت طرقات جانبية خضراء تعمل على شحن السيارات الكهربائية التي تسير عليها.

ايه الحلاوة ديه
عقبالنا

أنا كنت عامل موضوع عن قطارات فائقة السرعة بتولد كهرباء اثناء حركتها وبتضخ الكهرباء فى الشبكة المحلية وبتجيب دخل مادى للسكة الحديد

الكلام ده كله مش جديد موجود و افكاره موجوده و ممكن يتطبق فى مصر هنا بس يبقى فى خطه تنمويه واضحه فى مصر هتلاقينا بنولد طاقة من كل حاجة لان عندنا جميع مصادر الطاقة الى فى العالم

طاقة شمسيه موجود - رياح موجود - امواج موجود - سد عالى موجود - مجارى مائية موجود - حرارة باطن الارض موجود

مواد عشان تعمل خلايا ضويئه موجوده و بنصدرها للعالم كله تقريبا عندنا كل المقومات الى تخلينا دولة متقدمه الا الشعب الى نام فى ميه اللفت بفعل فاعل ربنا ينتقم منه اشد الانتقام

افوسفور ده الى كان بيتحط فى الساعات مش كده برضه

المصيبه بقى ان الشمس فى هولندا بتطلع فى الاعياد والمناسبات القوميه فقط انا عشت فى هولندا 15 يوم نسيت الشمس فيهم يكفى ان المطره استلمت الطياره اول ما نزلت تحت السحاب لغاية مانزلت المطار وروحت الفندق ونمت وتانى يوم فسح وتالت يوم المطره وقفت شويه

بلاش احباط
دى ناس فاهمه
مش زى عندنا نفسى القى حاجه عندنا مش موجوده عند حد
غير المطبات و النقر و الشوارع المكسره
العفشه العربيه خربت
ربنا يهدى
و يصلح حال البلد

اوعدنا يا رب

Sent from my GT-N7100 using Forum Runner

اقتباس:

---

المشاركة الأصلية كتبت بواسطة elawany13

أنا كنت عامل موضوع عن قطارات فائقة السرعة بتولد كهرباء اثناء حركتها وبتضخ الكهرباء فى الشبكة المحلية وبتجيب دخل مادى للسكة الحديد

---

عالم عندهم اراده بجد :b4_444:

يا مصر انتي فين ؟؟
مشكورر يا باشا ..

لية بس كدة المواضيع الي مش كويسة دي .

دة مش وقتها خالص . :_Alshmokh11:

يااااه هو كل ما مصر تعمل حاجه يقلدوها

يا جماعة أنتو زعلانين ليه
أحنا عندنا في مصر الأجمد من كدا واللي مش موجود في أي حته في العالم..

أحنا عندنا بيشغلو نور العواميد الصبح وبيطفوة بليل.!!!
http://www.nilemotors.net/Nile/328676-a.html

عايزين تبقو زي هولندا بلد العلمانيين و الكفره و الحشاشين :)