المتجه من بلبيس الى الزقازيق - احذر عند مطبات بردين

**sendipad** · 08-01-2013 12:05 AM

السلام عليكم ورحمة الله وبركاته

حصل معى موقف منذ قليل وانا ذاهب من بلبيس متجه الى الزقازيق وقبل قرية بردين وقبل الكوبرى مباشرة توجد عدة مطبات عند اخر مطب وقبل الصعود للكوبرى كانت الدنيا زحمة وانا بجانب الطريق الايمن ويادوب عديت المطب ولمحت موتوسيكل يجرى بسرعه على يمينى وسبقنى طبعا على المطب وفجأة استدار ووقف امامى وبصوت عالى ومنتهى البجاحة قاللى اقف مرتين وانا اصلا شبه واقف من نزول المطب وكان معى بالسيارة ثلاثة اصدقاء فشاورت له استفهام يعنى فقال العربية دى بتاعتك فهزيت راسى وقلت نعم فاستدار بالموتوسيكل ومشى بسرعه للامام . وبالمناقشة واستبيان الاراء اجمعنا على انه هذا الشخص كان ينوى استيقافى ثم تثبيتى ثم خطف السيارة لو كنت لوحدى. فما رايكم انتم بهذا الموقف وان كان كما قال اصدقائى فهو بمثابة تحذير لهذه النقطة من الطريق تحديدا لانى اسمع من زمان عن منطقة بردين وان معظم سارقى السيارات من هناك .

وربنا يسترها علينا وعليكم وعلى الجميع

**mahmoud_anwar** · 08-01-2013 12:11 AM

ربنا ياخدهم اخد عزيز مقتدر

**mr_vampire** · 08-01-2013 12:15 AM

الحمد لله انها جت سليمة وشكرا عالتحذير... انا واخد عهد علي نفسي ان اللي هيطلعلي ادام العربية ملوش دية ... وربنا يسنر طريقنا جميعا.

**michohat** · 08-01-2013 12:27 AM

وانت ماشي اقفل سنتر العربية
دركسيونك ف ايدك
بنزينك تحت رجلك
افرم اللي يحاول يقف ف سكتك

**Eng.Peter** · 08-01-2013 02:03 AM

صدقنى انت غلطان
كنت دوست على دواسة البنزين و ضربته طرف الموتوسيكل بتاعه و هو بيجرى بطرف إكصدام عربيتك

و اكيد الموتوسيكل بدون نمره و مسروق
مكنتش هتأخذ فيه دية
وكنت ريحت البلد من واحد من الناس ديه