انا لسة عضو جديد معاكو ف المنتدى ومعايا هيونداى اتوس 2000 حد بقى معاه زيها او يعرف اى حاجة عنها او قطع غيار وميكانيكى يكون كويس من الاسكندرية اتعامل معاة ولا اية انا قلبت المنتدى كلة مش لاقى حاجة كدة هزعل منكوووو وصباحكو فل
انا لسة عضو جديد معاكو ف المنتدى ومعايا هيونداى اتوس 2000 حد بقى معاه زيها او يعرف اى حاجة عنها او قطع غيار وميكانيكى يكون كويس من الاسكندرية اتعامل معاة ولا اية انا قلبت المنتدى كلة مش لاقى حاجة كدة هزعل منكوووو وصباحكو فل
مبروك على العربية
بس أظن إنها نادره حبتين ثلاثة
انا عارف ان الكلام بعيدا عن الموضوع - لكن لو حضرتك بتدور على حد معاه عربيه اتوس - ممكن تطلع على السودان - بجد مش هزار - 95% من عربيات السودان أتوس فقط
صباح الخير عليكوا كلكوا ..
أيه بس يا ابو مروان الكلام ده ؟
سودان أيه ياراجل ؟
الراجل بيقول لك معاه أتوس و هو من أسكندرية , صحيح العربية تقدر تسافر بكل جدارة من الاسكندرية للسودان بس مش معني كده أننا نمشوره معانا , ده أحنا نجيب له السودان هنا لحد عنده في المنتدي و كفاية أنه معانا
بسم الله الرحمن الرحيم
افهم من كاتب الموضوع إن السيارة فيها مميزات ممكن تقول رأيك فيها بصراحة لانى ناوي اشتري عربية ومحتار اشترى إيه
اولا بشكر كل الناس الى ردت ع موضوع وانا مبسوط انى معاكو
ثانيا انا مش عارف والله لسة اية مميزات وعيوب العربية انا لسة شاريها ممشتش بيها كتير اول ما اعرف هقولك
ثالثا بقى شكل فعلا محدش معاه منها كتير بس صعب اوى انى اروح سودان صراحة هههههههههههه
هوا موديل 2000 ممكن أى ميكانيكى كويس وأمين فى إسكندرية يشتغل فيه بس دايما هات قطع غيار أصلية أو حتى كورى مش صينى وتقف على تركيب الحاجة بنفسك! مش بقلقك بس المشكلة دى حتى فى التوكيل..
حضرتك عملت طقم صيانة كاملة أول ما اشتريت وللا لسه؟؟
- زيوت
- فلاتر
- سيور
- بوجيهات
- ترصيص وضبط زوايا
الإكسسوارات والتعديلات عليك وعلى عزبة سعد و الأزاريطة..
انا معايا موديل 2008 وشاريها اول مانزلت في يوليو 2007
انا معايا نفس العربية اتوس 2000 من سنة 2009 عاوز اقولك عربية محترمة جدا في كل حاجه من حيث الحجم الارتفاع استهلاك البنزين قوة ماتو ر تكييف كنت شريها عامله 80 الف كيلو حاليا 160 الف كل اللي محتاجه فيها انها تكون اوتوماتيك فقط لاغير ويوجد بها مشكلة واحده هو فعلا عدم انتشار قطع الغيار الا عند بعض التجار فقط لاغير وانصحك ودي نصيحة لوجه الله انا مساعة ما شتريتها اي صيانة للماتور بعملها في التوكيل حتي وان كانت اغلي بس بتريح دماغك لكن اي حاجه بعملها في اي ورشه شكرا وربنا يكفيك شرها